[عبدالحميد ايوب]

لسه دفنه وجي حالا
دا اللي بيسموه ضمير
انتهيت من اشكلاته
وتانباته واذلالته
كل خطوة القاه عاملي ميت غفير
هو انا مش برده حد ونفسي اعيش
ولا حفضل طول حياتي اقول مفيش
نفسي انام مرة علي فرشه حرير
نفسي اكل اكلة حلوة
نفسي البس هدمه حلوة
نفسي احس مرة واحدة اني واحد مليونير
ولا حفضل طول حياتي جسمي وارم م الحصير
نفسي اخد بت حلوة وامشي بيها ع البلاج
نفسي اقول ميرسي وثانكس
نفسي اشوف واحد فقير اقول سوفاج
ولا انا مكتوبلي دايما اكون فقير
كل دا بسببب الضمير
* * * * *
لكن شيئا في حنايا القلب ثار
صوت يجئ من بعيد
ثم يهتف في وقار
أي ذنب للضمير
كل ارزاق الخلائق
خطها رب قدير
يتلاشي الصوت في وقع مرير
تاركا في القلب نار
* * * * *
اياك تظن اني واحد مش تمام
كل ما في الامر اني
كنت عايش والسلام
لو معايا جنيه بحس اني ملك
ولو قرصني الجوع بنام
بس لما الحب رفرف جوه قلبي
وجع ضلوعي
ولما شفت حبيبتي فوووق
حسيت بجوعي
هو انا اتهفيت ف عقلي
لما احب ليلي علوي
او شبهها بالتمام
قلبي قالي روح لابوها
قمت رايح
وكل خطوة اقول لروحي
بلاش فضايح
بس قلبي م قابلش مني نصايح
ساعة واحدة وكنت قاعد جوه فيلا
كل واجهتها رخام
وبعد مرميت السلام
ابوها قالي تحت امرك
قلتلو عاش الكرام
بعدها سكت خالص
انحبس مني الكلام
قالي ابوها ايه حكايتك
قلتلو انا نفسي اناسبك
بص لي من فوق لتحت
وقال موافق يلا بينا
قلتلو علي فين يا عمي
قال تعالي يا حبيبي
انت ناسي انك نسيبي
تعالي شوف عزال عروستك
* * * * *
ثم اخذني من يدي ودخل بي غرفة واسعة جدا بها الكثير من تجهيزات العروس وقال لي بجدية هذا العفش يفرش اربعة غرف كبار وكمان السجاد محتاج صالة عشرين متر علي الاقل اما المطبخ فهو هديتي اليك ولكنه يحتاج الي مكان لا يقل عن خمسين متر انا موافق علي الجواز بس انا معنديش حاجة اسمها خطوبة يعني الجواز مباشرة قدامك قد ايه علشان تاخد عفش عروستك؟؟؟؟؟