[big bốss]

كل سنه و انتم طيبين

النهارده هنلتقى انا و أياكم مع تجارب البنات و الفضائح

الى ارتكبوها فى المطبخ فى شهر رمضان


السؤال كان :-

أيه هى الفضائح او الاخطاء الى ارتكبتيها فى المطبخ فى شهر رمضان ؟


و كانت الاجابه

تيتشر نفشه ツ

مشرفة قسم الديكور سابقا





(( زينب - طالبه جامعيه ))



ليه بس كدا يانور دنا كت فاكراك طيب

افتكر لما كنت ف تانيه اعدادي صغنونه يعني

وحتى دلوقت صغنونه

المهم

كنا ف رمضان ومش كان في حد ف البيت غيري انا واختي

وماما اتصلت عليا قالتلي هكون عندكو قبل المغرب وكدا

بس م قالتش انها هتجيب اكل معاها

ف قلت انا بشطارتي

هروح اعمل لماما كيكه مفاجأه وكدا

واخدت وصفتها من النت وقعدت اعمل واعمل

ومبسوطه بئا بقيت ست بيت وبطبخ

وكنا قرب العيد ، فكنت طالبه من صاحبتي رسايل للعيد وكدا

ف وقت لما حطيت الكيكه ف الفرن كانت صاحبتي اتصلت

فرحت رديت عليها وقعدت اكتب ف الرسايل ونسييييييييييت

والكيكه اتحرقت وانا ناسياها خالص

على دخلة ماما بئا

اي دا البيت بيتحرق .. في ايه يازوزو

قمت افتكرت الكيكه وهووووب ع المطبخ وطفيت الفرن ..

وطلعت البايركس بئا وهوا عباره عن قطعه من الفحم

بس احقاقا للحق

مش زعلت مني ولا زعقتلي ولا حاجه

بس قضت اليوم ضحك عليا ، حلفت بعدها م ادخل المطبخ

امشي بئا من وشي يانور قلبت عليا المواجع

тoкα..♥ ѕαмвαтекα




(( تقى - طالبه فى ثانوى ))




آنـآ آحب آقـولك آني مبدخلش آلمطبخ ف رمضآن آسـآسـاً


السنه دى او الى فاتت او الى قبلها


مبدخلش آلمطبخ يـآبني وآلمصحف ف رمضآن ولآ غير رمضآن

ابتسامة الزهر

مشرفة ابداعات الأعضاء








(( طالبه جامعيه ))




طيب هو لازم الفضايح دى
مرة قريت عن طريقة عمل صينية بطاطس وقلت اجربها وطلبت منهم
يستنو اكلة محصلتش وعملت الصينية بالمكونات المكتوبة بس مش فاكرة ايه هى المكونات
وعينك ما تشوف الا النور ريحتها لا تطاق وطعم مش قدرة اوصفه
وطبعا اترمت بحالها
والحمد لله كان فيه اكل تانى

برضه مرة كنت حاقلى مش فاكرة بدنجان والزيت قدح جدا زيادة عن اللزوم ويدوب حطيت البدنجان وبصيت لقيت الطاسة مشعلله نار
فوق البوتجاز كان فيه رف خشب علية مفرش بلاستك
ومسكت النار فى الرف واحتست وجاء كل اللى فى البيت وتم الاطفاء
وفضلت اثار الجريمة لغاية ما شلنا الرف

وكفاية كده ربنا امر بالستر

ښمـۇﭑلآمپره♥

مَخْڂتلْفهہْ ♥ !




(( بوسى - طالبة ثانوى ))






ههههـ اووك يأآ كبيير ^^

،

كنت جآيه أسسآعد ماما واعمل انجآز وهو (طبق سلطه )

وبعد ماآ قطعت الحاآجات كلهاآ ماما جاآيه تششوف لقيتني مقطعآها كبيره اوووي فضلت تقطع من أول وجديد هياآ
ومن يومهاآ ماآ قربتش للمطبخ
،





Sh2wA



انا اساسا ماما مش بتدخلنى المطبخ
لان مرة كانت نايمة وقالتلى بوصى على اللى على النار كل شوية
طنشت الاكل اتحرق دى مرة والمرة التانية حطيت على الاكل سكر بدل الملح
حول بقآآ بعيد عنك يا نور
ومن ساعتها ماما مش بتدخلنى المطبخ

gold rose

مشرفة اقسام الرياضة





(( رنا - طالبه جامعيه ))





أنا عملت حاجات كتير أوي
يا إيما العصير يطلع مليان سكر أو بدون سكر
والسمبوسة يا محروقة يا مليانة زيت
غير كدا مفيش ماما إلي بتعمل



حاجه تقطع القلب فعلآ

ربنا يكون فى عونهم


و يسعد مساكم