السوال 12 : احكيلنا قصه حب من الي مريت بيهم لو حبيت قبل كده
لا مغامرات مورشو فى الحياة
محدش يعرفها غيرة بس ههههههه
السوال 13 : ايه رايك في الي بيحصل في البلد ورايك نصحله ازاي
الى حصل دا كان لازم يحصل
وكويس انه حصل بعد سنة واحدة
تجار الدين اثبتو ان مالهمش مكان فى المجتمع السياسى
تجار الدين الى غسلو دماغ الشباب وجندوهم لمولانا وطاعته
مكنش لازم يكون ليهم مكان .
عموما مش عايز اطول فى الجزء دا
انا شايف ان البلد ان شاء الله هينصلح حالها
رغم الكلام الى بنسمعه وضرب الكنائس المحتمل
بس ربنا يسهل ونشوف البلد مستقرة .
السوال 14 : لو حبيت تسافر هيبقي فين ومع مين ولحد امتي مدي قد ايه تايلاند وهتكون معايا ( المدام اكيد ) 
كام يوم دى بقى حسب الظروف ^_^
السوال 15 : اقرب ناس ليك ف المنتدي اوصفهم
انا قولتلك مين الاعضاء الى بكلم معاهم على طول وبنتواصل
وكلهم اعضاء محترمين جدا ومميزين
السوال 16 : عرفت المنتدي من امتي وازاي
عرفت المنتدى من 2009
وكنت بشوف صور كنت محتاجها فى شغلى
ودخلت المنتدى هنا وسجلت
السوال 17 : ايه رايك في انتخابات ادراه المنتدي الي فاتت
لو قصدك الترقيات الى حصلت اعتقد ان كلهم يستحقو
وانا طالبت بدا او توقعت دا وكتبتة
ان ساحر او دمعه هيكونو فى الادارة
واسماء تستحق المراقبة هى المراقب الى تم تعينة .
ولو قصدك على انتخابات الادارى المنتخب الاخيرة
اكيد كانت عادلة واركو كانت تستحقها .
السوال 18 : ايه رايك في SAD EYES ينفع يكون مدير ولالا ؟
اكيد ينفع يكون ادارى
ولو تفتكر وقت الترقيات كان اعتراضى علية
ان ماينفعش اجيب عضو او مشرف
واخلية مراقب مرة واحدة لان فى سلم ادارى
لازم كلنا نلتزم بية والوصول للمراقبة يكون
عن طريق السلم الادارى .
السوال 19 : رايك في فتره ما قبل Arco BalenO وفتره اركو وانقد الاتنين
هههههههه
صعب افتكر فترة قبل اركو
والله ما فاكر كان مين قبلها بس تقريبا كانت دمعه
عموما كل مرحلة بيكون ليها مميزات وعيوب
بس اركو عملت الى عليها فى فترتها
وقدمت خدمات كتير لاعضاء .
ودا نفس الى حصل مع دمعه والدليل تقدير الادارة ليهم
بعد انتهاء فترتهم .
السوال 20 : ايه سر النزاعات الي كانت بتحصل في المنتدي من فتره قريبه من رايك
حاجا طبيعية وبستغرب ان فى اعضاء
مستغربة ان بيكون فى خلافات فى المنتدى
وفى بيقول مكنش فى خلافات فى المنتدى زمان
ودا مستحيل لان كل فترات المنتدى لازم يكون فيها خلافات
سواء خلاف شخصى او سياسى او دينى
السوال 21 : ايه اقتراحاتك للمنتدي
ياريت الادارة تعرف الاعضاء اية ليها واية عليها
عشان نتجنب حزف المواضيع او قفلها
ويحصل خلاف ما ينفعش اسيب الاعضاء تكلم فى السياسة
وفجأة احزف رد عضو حتى لو مخالف .
وانا مع الادارة فى قرارها الاخير انها منعت الكلام فى السياسة
ودا كان لازم يحصل من البداية .
السوال 22 : بتفكر بكره يكون ازاي لكل الناس والبلد
اتمنى مصر تبقى بخير
وكل واحد ياخد حقة فى البلد
من اول الفقير لحد اغنى واحد فى البلد
ودا اكيد هيحصل فى يوم من الايام
( العدل )
السوال 23 : السوال ده بتاعي انا بقي 
هل وجودي في المنتدي ملموس ولا مش باين اراهنك لو التزمت فى تقديم برنامج فى اليوميات هتبقى من اشهر اعضاء المنتدى لا بجد اليوميات قسم كويس جدا والى يهتم بية هيعرف دا كويس مع الوقت والمجهود والاهتمام بتقديم البرنامج دا وغيرة هتلاقى عليك اقبال كبير من الاعضاء صحيح فى الاول بتتعب شوية انك لازم كل استضافه تعملها دعاية وتحط الرابط فى الملفات الشخصية لكن بعد كدا هيبقى ليك اعضاء مهتمين بالى بتقدمه وهتلاقيهم بيدخولو المواضيع من نفسهم .
السوال 24 : مين في المنتدي لو غاب عنه المنتدي بيغيب عنه الحس (ومتقولش انا عشان عارف هتقول كده )
كل عضو ولية شخصيتة فى المنتدى
ودى ميزة المنتدى
وكل واحد لو غاب هياثر على المنتدى .
السوال 25 : ايه رايك في النت عامه
اصبح وسيلة ضرورية فى الحياة
واكيد لية فوائد كتيرة جدا بس المهم
الاستخدام .
السوال 26 : النت هروب من الواقع عشان الراحه طب المقوله دي من رايئ غير صحيحه عشان النت وجع قلب اكتر انت ايه رايك
لا مش هروب والا حاجا بالعكس
دا بيعرفك على الواقع .
بما انى لية شوية فى الاعلان
الاول كنت عشان تتواصل مع شركة
او مع عميل كان الموضوع بيكون صعب وبيحتاج اتصالات
عشان تستفسر عن حاجا مثلا .
دلوقتى الوضع اختلف انتا قاعد بتتواصل مع
الشركة والعميل 24 ساعه وبتنجز شغلك
فدى حاجا كويسة .
المهم الاستخدام .
السوال 27 : ايه رايك في اسئلتي واليوم التاني ليك تحب تتسال سوال ايه
الاسئلة كتير ههههه
بس الحمد لله انى قاعد فاضى
لا اليوم التانى انا شايف
ان مش هتلاقو اسئلة تانية تسئلوها
بعد اسئلتك دى كلها هههه