بسم الله الرحمن الرحيم
اهلا بيكم جميعا 
النهاردة حلقة مميزة جدا
عضوة هادية جدا جدا
محدش شافلها مشكلة فى المنتدى
حاولت اخرجها عن شعورها هى خرجت اكيد
بس مبينتش الكلام دا والجميل بقى انها استغربت المقلب
ضيفة حلقة النهاردة /
قيثارة الصمت
البــــــداية .
كانت رسالة خاصة منى للضيفة :
ازيك عامله ايه
اتمنى تكونى بخير
دا توبيك عامله جديد هينزل ان شاء الله قريب
عبارة انى بستضيف عضو/ة وبسئلهم شويه اسئله
وفى اخر سؤال بعرض عليه 3 اسماء يوجهلهم نقد
المفروض انتى بتردى على النقد دا مع العلم انك مش هتعرفى مين
الضيف الا يوم الحلقه .
الضيفة طبعا وافقت على المشاركة فى الحلقة
تعالو نشوف اول نقد كان عبارة عن اية :
ودلوقتى مع السؤال الاخير
( رئيك ايه )
هعرض عليكى 3 اسماء اعضاء
وتوجهلهم نقد فقط
2 /قيثارة الصمت
طبعا قيثارة من العضوات المميزات فى المنتدى ولكن
مطلوب منى اقدم نقد فقط يمكن نقدى ليها انها مضفتش اى جديد
للقسم الادبى مشوفتلهاش حاجا اقول عليها ( واااااو ) دى حاجا جامدة
المفروض بما انها مشرفه قسم يبقى لازم تكون مختلفه عن الاعضاء
دا مش موجود بصراحه فيها حتى ردودها مفيش اى تشجيع لينا
كا اعضاء فى القسم وسؤال كان نفسى اسئلها
ياترى انتى فعلا تستحقى تكونى مشرفه الادبى ؟
اتمنى ماتزعليش من كلامى بس بجد انا بحترمك جدا
ويهمنى اشوفك افضل مشرفه هنا فى المنتدى
طبعا قيثارة انا متاكد انها استغربت
بس ردت على الكلام دا ازاى هنشوف دلوقتى .
الحمد الله بخير
عادى مفيش مشكله
طبعا بحترم كتير نقد العضوه واحب اقولها انى مش زعلانه ولا شئ
وبحترم كتير النقد ان كان بناء بس يعنى ايه مختلفه عن الاعضاء
انا لسه ماسكه الاشراف جديد ولو لاحظتى او بتتابعى القسم كويس
و مواضيع الاعضاء هتشوفى ردودى عليهم
مفيش موضوع بينزل من ساعة مامسكت الاشراف الا انى بردعليه
وتلاحظى الانشطه اللى عملتها الفتره اللى عدت واقلام جديده بدأت
تكتب بالقسم ولسه افكار تانيه مش نزلتها
لكن المشكله الموجوده دايما بالاقسام الادبيه ان العضو يكتب موضوع
وعاوز ردود عليه من باقى الاعضاء
وهو مش بيرد على مواضيعهم طيب ازاى
عموما انا فى فكره بنظمها واخدت موافقة الاداره عليها وهى حملة
افضل رد بالقسم لتنشيطه اكتر
وسؤالك استحق اكون مشرفه أو لا؟ ده ممكن تسأليه للاداره وهى
تجاوبك او باقى اعضاء القسم
اسعدنى رئيك حبيبتى
واتمنى دايما انى اكون عند حسن ظنك و ظن الجميع
موفقه
ومنور مورشو اكيد
اضيقت بس بسيط ^_^
طبعا مسكتش ورديت على كلامها دا
باسلوب مستفز حتى شوفو
احمد انا بس ليه ملحوظه على كلامها
واضح انها مش واثقه فى نفسها ودا واضح جدا
وعايزة اقولها واجبات الاشراف مش انى ادخل ارد على
كل المواضيع الى بتنزل دا مش مبرر لنجاحك فى القسم
كمان حكايه حمله افضل رد شوفناها كتير فى اقسام تانيه
يعنى مش فكرة انتى الى هتعمليها واعتقد مكنتش محتاجه
انك تاخدى رئى الادارة .
انا سئلتها هو انتى شايفا انك فعلا تستحقى الاشراف والا لا
لو هى واثقه من نفسها اكيد كانت قالت ايوة استحق
فدا بيدل على عدم الثقه واتمنى ماتزعليش منى ومن كلامى .
دا ردى يا احمد عليها ودا رئى
مش عارفه بقى هتزعل منى والا لا
بس دا رئى فيها المهم مفيش حد بعتلك
من العضوين التانيين .
شوفتوها وهى مش واثقة فى نفسها 
انا لو منها وحد قالى كدا هضايق علية ^^
تعالو نشوف قيثارة اضايقت والا لا
بالعكس كلامى كله ثقه
هوا انتى يعنى مسكتى فى موضوع الرد وسبتى الانشطه والمسابقات اللى عملتها؟
ياقمرايه انتى لو بتدخلى القسم وتتابعى هتشوفى نشاطى وهتشوفى ان
فى اقلام بتشجيعى بدأت تكتب بالعامى
ومش كانت بتكتب عامى اصلا
وهتشوفى ازاى القسم اتنشط بعد مامسكته ووضعه ايه بالنسبه
للاقسام الادبيه دلوقت
ادخلى الاول وبعدين احكمى مش تحكمى كمجرد رئى شخصى
نورتى وبرده مش زعلانه لان مفيش شئ يستدعى انى ازعل
احم احم
واضح واضح انك مازعلتيش يا قمراية
تعالو نشوف بقى اخر رد كان اية
ولما عرفت قالت اية .
انا قولتلك يا احمد
بلاش العضوة دى بالزات لانى
مش بحبها وانتا ماسمعتش كلامى واصريت
انى اتكلم عنها عموما ياريت تعرفها انا مين
عشان مش عايزة الحلقه تنزل والا اقولك
انا هقولها انا مين انا يا قيثارة
( morshooo ) 
اولا لا فى توبيك اسمه اجمد حوار
والا فى ضيفه اصلا كل الحكايه
ان دا مقلب فيكى بمناسبه شهر رمضان
ودى حلقات هتنزل ان شاء الله فى رمضان
عايز اعرف رئيك ايه فى المقلب ؟ وتحبى تقولى ايه لاعضاء المنتدى
بمناسبه شهر رمضان ؟
وماتقوليش لحد بقى ان دا مقلب بعمله ^_^
يلة بالشفا اكلت المقلب
ودا كان رد فعلها بعد ما عرفت
انا قولت ده مش مجرد نقد دى حاجه نفسويه وخصوصا الاخيره دى
(انا قولتلك العضوه دى مش بحبها)
مزعلتش بس استغربت هوا فى كده
لكن حقيقى برافو عليك يخربيت دماغك وقاعده اقولك ياقمرايه
ومش عارف ايه
برنامج تستاهل عليه احلى تقييم بجد
مش المفروض تسئل اذيع ولا مش اذيع ؟
كل سنه وانت طيب
وكل اعضاء بنات مصر طيبين وربنا يعود عليكم شهر رمضان بالخير ان شاء الله
كلمه احب اقولها للاعضاء احنا فى شهر كريم ياريت تبدأو
صفحه جديده مع بعض
وعمر المسامحه ماكانت ضعف قد ماهى قوة ايمان ربنا يجمعكم
على الخير دايما
شكرا مورشو للمقلب الجامد ده يتردلك فى الافراح بقا
ومش راح اقول اكيد
بالتوفيق ليك ان شاء الله
وبكدا بيخلص مقلب النهاردة
ولسة الى جاى احلا
تحياتى