[big bốss]

مسا الخير

ورمضان كريم

و يتجدد اللقاء معانا فى فضائح واخطاء اعضاء بنات مصر

و النهارده معانا أعضاء من العيار الثقيل

جبتهم علشان نعرف اللخبطات بتاعتهم


يلآ نبدأ




دمعه حائره




بص يابيج بوص
اناعديت مرحله فضايح المطبخ دى من زمان وانا لسه بتعلم
بس اغلبها كان حرق الرز واللحمه معرفش ليه كنت اعملهم واروح اتفرج على التليفزيون
او الباميه كمان حظها وحش معايا اوى
كنت دايما انساها وتتحرق
والغريب ان اشم الريحه واقول مين اللى حرق الاكل ده
والكيك غالبا كانت بتطلع هابطه وطعمهااعوذ بالله مع انى كنتى بمشي زى الكتاب ماقال
والكنافه خلاص حرمت اعملها من كتر مابتبوظ منى
خلاص ايام وعدت
انما فى رمضان اكتر شهر باخد بالى فيه وبركز اصل تبقى الفضيحة على مستوى عائلى
اكتر حاجه افتكرهاهى جالى اتصال واتقالى قبل المغرب بساعتين ان فيه ضيوف جايين على الفطار
ده كان يوم عالمى كنت عامله زى الاله ومشغله الفرن والبوتجاز والبوتاجازات الشقيقة
وايدى اتحرقت يومها واتكسرت منى حاجات
بس الاكل برغم انه طلع حلو لكن انا نفسيا مارتحتش
عموما اى اخطاء بتكون خارج شهر رمضان
ورمضان كريم






Words Whisper

لا أنا بعرف أطبخ كويسبس كان فيه فترة لما كنت أحط ميه تغلي عشان أعمل سخن أنسى
لكن فاكرة اني كنت بفتكر قبل فوات الأوان =))
يعني نورمال ليمت ..

الأميرة رودي







بص ياسيدي يمكن الخطأ اللى وقعت فيه اول مابدأت ادخل المطبخ هو نفس الخطأ اللى بتقع في اغلب البنات
فى اول مراحل تعليم الطبخ
وهو موضوع المكرونه
المكرونه فى اول مره طبختها رحت عملت ايه بقى
حطيت المكرونه فى الميه وهيا بارده
وحطيتهم ع النار سوا كده
طبعا لقيتها بعد ماغلت بقت عجين
واترمت
لكن بعد كده عرفت ان الميه لآزم تغلى الآول وبعدين تحط فيها المكرونه عشان تتسلق صح

وبس
///////////




جبل عالى






بص وربنا وربنا انا كنت الى حد ما ملتزمة هههههههههه

من الآخر مكنش في مجال للدلع اتاخدت من الدار للنار على طول

بدون تفاهم ههههههههه شوف هو مكنش في غلطات اوي

بس اللي لسه معلم فى نفس الجميع واللي هم اخواتي كوووولهم

اني بهدلت معدتهم بنوع واحد من الأكل بعد وفاة والدتي

وهو البطاطس ,,,, قالوا ولازالوا يقولوا

بطنهم زرعت بطاطس ... بكل اشكالها وانواعها اللى تتخيلوه


استنى افتكر لك تاني ممممممممممممم

اها افتكر اول مرة اعمل رز بحياتي اني عملته بدون ملح نوهائي

بجد هيا دي الفضايح اللي عندي ....




كفايا كدا فضايح



ملك جبال الاحزان


و دى صنيه مكرونه بالكبده عملها ميدو


و اتحرقت البنى دا الكبده و الاسود دا مكرونه










و كل سنه و انتم طيبين