[big bốss]

آهلآ بيكم فى حلقه جديده من البرنامج الاسود الى بيختص بالاعضاء السابقيين اصحاب اللون الاسود و النهارده معانا مشرف اليوميات احمد مورشو morshooo مشرف يوميات الأعضاء سابقا اولآ آهلآ بمحاور بنات مصر الاول الشاب مورشو اهلا يا غالى وسعيد بالدعوة 1- أيه رايك فى اللون الاسود ؟ و هل بتحبه فى الواقع ؟ اللون بالنسبالى مش فارق معايا كتير المهم ان الواحد سجل فى المنتدى لية ودا المهم يعنى انا اول لما سجلت كنت مسجل عشان اكون فى المكان واستفيد واحاول انى اقدم حاجا مختلفة الاعضاء تعرفنى بيها وتستفيد منى ودا الحمد لله الى حصل . فى الواقع بحب اللون الاسود اكيد . 2- هل اللون الاسود بيعتبر بداية نهاية العضو ؟ فى اعضاء كتير بشوفهم فى المنتدى كدا زى ما بتقول بعد ما ياخدو اللون الاسود مش بيظهرو الا فى صفحات مكشوفة بس بالنسبالى مش هيبقى بالشكل دا لانى مقتنع تماما بيوميات الاعضاء ودورة فى المنتدى ودورى فى القسم كان ازاى وهيبقى ازاى بعد ما بقيت مشرف سابق . 3- أيه السبب الحقيقى وراء تنازلك عن الاشراف ؟ السبب الرئيسى كان السؤال دا : من امتى عضو بيقدم شكوى فى مراقب والمراقب هو الى يدخل يحل المشكلة ويدى مخالفات ويقفل الشكوى ؟ دا السبب الرئيسى الى خلانى اهتم بانى مكملش كمشرف وانى مكنتش تابع لطاقم ادارى غير مهتم بشكاوى الاعضاء . بغض النظر عن الى عملتة دمعه وساحر بس كان كل الكلام بينا بعيد عن بعض انا بكلم فى وجهة نظر وهم بيكلمو فى وجهة نظر تانية . 4- ليه مش طلبة التنازل عن الاشراف فى توبيك فى قسم الاشراف ؟ الطبيعى ان الواحد بيقدم الطلب فى قسم المشرفين ودا انا عملتة الاول لما نزلت توبيك بترشيح 3 اعضاء انا شايف انهم الاقرب للقسم وبعد كدا قدمت طلب التنازل عن الاشراف وتم نقلة للشكاوى وبعد كدا بعت لادارة المنتدى تشيلنى ونزلت فعلا توبيك فى اليوميات ( انا لية مبقتش مراقب ) واكلمت فية وقولت يمكن بعد التوبيك دا الادارة تشيلنى من الاشراف . - مفيش حل وسط بين رايك و رايهم فى مشكلة التنازع على الصلاحيات ولا اسميها التداخل فى الاختصاصات ؟ -هقولك ياعم الحاج المشكلة الى كانت بتحصل ان فى الاستضافات كان ممكن حد يدخل يحذف رد او سؤال وكمان من غير ما حد يقولك انا حذفت يعنى انتا بتدخل لو لاحظت هتعرف دا مالاحظتش خلاص ودا عمل خلافات كتيرة بينى وبين الادارة . ويمكن فى الفترة الاخيرة نزلت بند جديد فى القوانين لقسم اليوميات ان محدش يحزف رد او مشاركة الا بعلم مشرفى القسم وياريت مشرف القسم الجديد يستمر فى دا - 5- أيه سبب ترشيحك لبعض الاعضاء ليكونوا خليفتك فى القسم ؟ مش دا نظام توارث ؟ انا شايف انة طبيعى جدا بقالى اكتر من سنتين تقريبا مشرف القسم وقدمت فية الحمد لله حاجات كتير جدا ساعد فى انة يكون من اهم الاقسام فى المنتدى . فطبيعى انى قبل ما اسيب القسم اعرض وجهة نظرى واقول مين الافضل للقسم ودا لسبب بسيط انتا كمشرف النقاش اكيد هتكون عارف كويس مين الى يقدر يكمل لو انتا سبت القسم وعلى فكرة انتا كمشرف هتكون عارف اكتر من الادارة مين يستحق يكون مشرف بدالك او معاك . 6- ايه النصيحه الى بتقدمها للمشرف الى هيشرف على اليوميات ؟ القسم مش متعب قوى والا حاجا والقسم متنفس مهم جدا للاعضاء والاعضاء عايزة التنوع دائما فى القسم يعنى مكنش مشرف وكل الى بقدمة برنامج واحد طول الوقت . 7- ( يشاع ان مشروع جواز مورشو بيؤثر على وجوده فى المنتدى ) هل هذا صحيح ؟ اكيد دى حاجا ودى حاجا ومستحيل دا يأثر على دا لان لو هيكون فى اختيار بين المنتدى وبين حياتى الشخصية اكيد حياتى الشخصية ههتم بيها . بس الاكيد ان دا مالوش علاقة اكيد . 8- اللون الاسود شايف انه لايق عليك ولا هو نهايه حتميه لاى عضو ؟ زى ما قولتلك فى اعضاء بتكون نهايتهم فى المنتدى اللون الاسود وفى اعضاء لا لانهم مقتنعين بدورهم اية فى المنتدى وانا مقتنع تماما بدورى فى المنتدى . 9- من وجهة نظرك أيه سبب ازدياد الاعضاء ذوات اللون الاسود هذه الفتره ؟ كل واحد ولية ظروفة محدش يعرف الاسباب اية بس المهم ان الواحد يكون موجود فى المكان وهو مستريح نفسيا 10- أيه هى خططك المستقبليه فى القسم ؟ طبعا شهر رمضان برنامج المقالب شغال ان شاء الله وفى توبيك جديد ( هنا بنات مصر ) هينزل برضو وكدا كدا انا مش من النوع الى هقول طالما اتشلت من اليوميات يبقى خلاص مش هشارك بالعكس انا كدا هيبقى فى راحة بالنسبالى لانى مش ملزم انى اقدم حاجا . 11- هل هناك عتاب للأأداره او انتقاد ؟ هو لا عتاب والا انتقاد كلهم ناس كويسين ومحترمين بس انا ضد ان الشكوى لما تنزل واحد بس الى يحلها بين الاعضاء اعتقد مفيش مانع لو الاداريين دخلو وقالو رئيهم ومفيش مانع لو الاداريين نفسهم اختلفو مش شرط ان طالما دا ادارى يبقى مغلطوش فى قرارة . 12 - لقد كان منتدى اليوميات منبر للحقيقه و المشاكل فى عهدك هل هيستمر ولا هينتهى بنهايتك ؟ الله واعلم ههههههههه بس الى يهمنى ان الاعضاء تعرف ان القسم كان زى ما بتقول كدا لاكتشاف حقائق المشكلات صحيح حصل مشاكل كتير فى القسم بسبب الحكاية دى بس الحمد لله القسم فضل زى ماهو من انشط الاقسام واتمنى المشرف الجديد يشتغل على دا لان دا كان من اهم اسباب نجاح القسم و شكرآ لقبولك الدعوه تسلم يا كابير وسعيد بالدعوة