[ساحر الأحزان]

بسم الله الرحمن لرحيم

طبعا أنا حنزل الموضوع دة وحوضح فية بنظرتى المتواضعة طريقة هروب البنات والشباب من دخول المطبخ فى رمضان

والحجج كتيرة مش بتخلص ومعاها الأعذار المختلفة ,,

طبعا حنبتدى بالشباب

بعد ما بيج بوس سيح الدنيا وكان عامل نفسة شيف فى المطبخ وهو داخل يجرب وهو حظة أن ظبطت معاة كويس
وأن ماظبطت يبقى أخر مرة يدخل المطبخ ولو مامتة طلبت منة لو حتى يعمل طبق سلطة يقلها أنتى مش شفتى

أخر مرة عملت أية خليت القطايف عجوة والمهلبية كنافة وقمر الدين طلع سعد الدين

والشربة بقت طحينة والرز بقى مكرونة بشاميل مهو معزور برضة هو دخل يجرب ويعمل الوصفات بسى النتيجة ,,

طلعت فشينك معاة ونشوف هل حيكون لية تجارب أخرى بدخول المطبخ ولا حيخدها من قصيرها ويخلع

ولما والدتة تطلب منة حاجة حيتحجج بقى ويخدها حلوانة فى سلوانة ,

الحج مرشو بقى طبعا وهو عريس جديد طلع رجل ديمقراطى وقال لمراتة الحياة تعاون فى كل شىء حتى فى دخول المطبخ

المهم على شان يثبت انة ديمقراطى قال لمراتة أنة عايز يعمل عزومة لنسايبة وهو ألى حيعمل فيها كل حاجة

من الحواوشى لحد طبق السلطة ومش بسى كدة حتى الحلو كمان

المهم مرشو صحى من النوم الضهر وقال لم أطلع على السوق وأشترى أغراض العزومة راح السوق وأتسوق

وجاب طلبات الأكل للعزومة

وراح دخل المطبخ ولبس مريلة الشيفات والطربوش الأبيض وهو داخل أخد معاة الاب بتاعة وراح يبحث عن كتاب

أبلة نظيرة لأصول الطبخ

وعينك بقى ما تشوف الا النور شغل الفرن والبوتجاز

وهاتك يابحث حط صنية الفراخ فى الفرن مع البطاطس وعلق على الرز وأخد يعمل السلطة وهو مشغول وبيحضر

فى الحلو جالة تليفون رد علية والكلام أخدة قعد بقى رغى مهو بحب الرغى جامد وأخدة الكلام ونسى يبلغ المدام

بالحاجات الى فى المطبخ وبعد ما شبع رغى وخلص الفون طلع جرى على المطبخ

لقى الوصفات بقت كلها فحم المدام دخلت علية قلها سورى يا حبيتى مش قلتلك انى مبعرفشى أطبخ

ودى كان حيلة مرشو لأخر يوم لدخولة المطبخ

ويعنى هو الولاد حيغلبوا حيلهم كتير

بسى تعرفوا أننا مساكين وحيلنا مش تيجى نص حيل البنات

ودة ألى حنعرفة فى الجزء القادم من

حيل البنات للهروب من دخول المطبخ

كنت معكم من أمام مطبخ اليوميات