السلام عليكم
ازيكوا عاملين ايه ؟
النهارده
الحلقة مميزة جدا
مع عضوة
غاليه على المنتدى كله
عضوة كبيره بعقلها
واضحة بأرائها
اديت المنتدى كتير
مع
الملكة الام
حنون
يلا نبدء برنامجنا
باسم الله
الشخصية
ــــــــــــــــــــــــــــ
من هى حنون بكلمات بسيطة ؟
حنون مافيش غير كدا
ماحدش بيعرف يوصف نفسه
المفروض الى قدامك هو الى بيشوفك اكتر
وهو الى يقدر يحكم عليكى لكن
انا مش هقدر اوصفلك نفسى
غير انى عصبيه شويه
هههههههههههههه
بتعصب من الغلط ^*
ما هى احلى صفاتك ؟
اعتقد انى طيبه 
بتسامح بسرعه جدا ^^
ما هى الخطوط الحمراء فى حياة حنون التى لا يمكن أن تتعدها ؟
انى اجرح فى حد عشان دايقنى
او انى اكون عارفه انى غلط واكابر وافضل على غلطى
وماقدرش اتعدا خط الاخلاق
في كل شخص رغبة في الاستئثار بإعجاب الآخرين والاستحواذ على ثنائهم هل أنتِ كذلك ؟
مافيش حد مابيحبش ان الناس تعجب بيه او تنبسط بأفعاله الكويسه بس كمان لازم نفرق بين دا وبين الرياء
ماكنش انا بعمل الخير عشان الناس بس تقول انى كويسه
ومايكونش مثلا نابع من جوايا ماكونش بدافع
عن الحق عشان الناس تقول انى بحب الحق
وانا اصلا بعمل كدا عشان الناس تسقفلى
لازم اكون انا فعلا طيبه وبعمل خير وبقول الحق عشان دا
الصح مش عشان الناس
بس مافيش مانع انك تنبسطى ان الاخرين معجبين بدا
وبيحاولوا يطبقوا فى حياتهم
 | اقتباس |  | | | | | | | | | | وها هى قد عادت ولم يعد معاها
سوا بقايا احساس وكم من الخيبات
تاخذها معاها لمجهول لا تعلم منتهاه
وها هى تقف لا تملك شياء فقط نظره
حزينه وانفاس لا تقوى على شئ | |  | |  | |
تعليقك وماذا تفعل بكِ الخيبات ؟
واللهى ياسوسو الى بكتبه فى الصفحات بالذات مابحبش اعلق عليه
هو بيكون كدا وخلااص احساس حسيته وعبرت عنه
ودايما بيكون كلام مش بيفسر اوى الى مريت بيه
بس يعتبر بريحينى
وبس كدا
البيت
ـــــــــــــــــــــــ
ما هو ترتيبكِ فى الاسرة ؟
رقم تلاته
من هو اقرب شخص لكِ فى اسرتك ؟
نهاد وميرفت
أمل امام عينك تتمنين حدوثه ؟
والله مابقولش اى امل او حلم بمتمناه غير لما يتحقق
اول مايتحقق بئه هقولك انتى اول واحده هههههههه
طيب انا مستنيه
الغيرة شعور نفسي بتميز الآخرين عنا . هل شعرتى بالغيرة من احد من اخواتك ؟
من اخواتى ؟؟
نهائى طبعا بالعكس انا اهم ناس فى حياتى
هما اخواتى عمرى ماغيرت منهم بالعكس
والله دايما بحب اشوفهم احسن ناس فى الدنيا
وفى رأيك كيف تُحل مشكلة الغيرة بين الابناء ؟
اعتقد الاهل هما بيكونوا السبب الرئيسى فى غيره الاخوات من بعضهم
انك تقارنى بين اخ والتانى انك تعاملى دا معامله مختلفه عن غيره
هى الى بتولد الاحساس دا جوا الاخوات
لكن العدل بينهم ومعاملتهم كلهم سواء وان الاهل يتعاملوا مع كل واحد على حسب شخصيته ومش يقارنهوا باخوا
اعتقد وقتها عمر دا مايحصل
متى
ـــــــــــــــــــــ
متى تكونين متحفظه فى حديثك مع الاخرين ؟
لما احس ان الى قدامى بياخد كلامى على شكل غير الى انا اقصده واحس انو دايما بيلون كلامى
ولما احس ان الى قدامى بيحب ينفرد برايه
متى تشعرين بغلاوتك عند والدتك ؟
امى كل تصرفاتها بتحسسنى فيها
انى غاليه عندها جدا بس اكتر وقت
لما اطلب منها طلب وابئه محرجه كدا منها
الاقيها نفذتهولى من غير مناقشه ههههههههه
متى تكون الفتاة أو المرأة عموماً جذابة ؟
المراه فى كل اوقاتها جذابه 
بس اعتقد لما بتبين قوتها وقوة شخصيتها
وانها مش مجرد تابع لحد
غالبا ما تكون فى حياة كل منا قصة حب البعض ما زال يحمل لها ذكريات طيبة و البعض انتهت قصة حبهم نهاية حزينة والبعض أحب عن بعد والبعض انغمس فى الحب وعاش أصدق لحظات من المشاعر البريئة
برأيك متى تستطيع الفتاة التفريق بين الحب الحقيقى ووهم الحب ؟
والله لما تحسى ان سعادتك مرتبطه بسعاده شخص تانى
وان حياتك كلها ناقصه مشاركه الحد دا
اكيد وقتها هتعرفى ان دا الحب الحقيقى
[يا أروع ذكرى]
الطفوله ^^
[بالامس كنت لى حلم واليوم واقع]
لسه مافيش 
من هو / هى [إستهان بي فلا يستحق حُبي]
ماحدش يقدر يعمل معايا كد معلش يعنى ههههههههه
مافيش بجد حد اقوله كدا
من هو الرجل االذى تتمناه المرأة ؟
الرجل الى فعلا بيحمل صفات الرجوله
الى مالهاش علاقه خالص بالزعيق والشخط والاوامر
والى يقدر ويفهم انهم شركاء حياه وان الاتنين ليهم
نفس الاهميه فى حياة بعض
كيف تنظرين لمصر بعد ثورة 30/6 ؟
تحسى كدا ان الهوا بيقولك انا نضفت خلاص
الارض بتقولك كنتوا اخرجوا من زمان
التاريخ كله هيشكرنا ع اليوم العظيم دا
بصى احنا كنا من بنطهر مصر من التخلف والفساد
والارهاب والعصابات والمليشيات
بنطهر مصر من تجار الدين والمنافقين واصحاب المصالح
من الى كانوا عاوزين يلغوا تاريخها ويمحوا معالمها
يبعوا ترابها
مصر كلها بتستنشق نسيم الحريه الى بحق
النضيف الى من غير ناس سرقته لا وكمان كانت بتغير فيه
ولسه بكره كمان بئه هيكون اعظم يوم فى التاريخ كله
لان بكره هتخرج مصر كلها تقول للعالم كله ان الشعب دا
مابيتهددش واننا مش هنسمح للارهاب يعيش وسطينا
ومش هنسمح لشويه مغيبين يحكومنا
مش هنسمح ان مصر ام الدنيا كلها تكون حكر لحد
ولا تكون دوله خلافه لفصيل
مصر لكل المصرين ومن غير ارهابين
كيف يكون الرجل رجل...! فى عين المرأة او فى عين زوجته ؟
لما يكون صاحب مبدا واخلاق لما يعرف قيمتها
ويعرف ان دورها مايقلش عن دوره
وان الاتنين بيكملوا بعض
كيف تكون المرأة قدوة ؟
لما تأدى دورها الى ربنا خلقها ليه
وماتحولش تاخد دور تانى عشان تحس بقيمتها
لان قيمتها فى الدور الى اتخلقت عشانه
المنتدى
ـــــــــــــــــــــــــ
عضو/ة تكونت بينكم علاقه معه عن طريق المنتدى ؟
صفيه وساره ^^
عضو/ة صاحب شخصية واقعية قويه ؟
صفيه
عضو/ة تستمعين بمواضيعه دائما ؟
فى كتير والله
بس اكتر حد بسرح فى معانى كلامها
هى صفيه
عضو/ة يعتبر الاميز الى نفسك؟
صفاصيفوا وسورارا 
ولاول مرة رساله لحنون من الرحــاال المٌتَمرد
ــــــــــــــــــــــــــــــــــــــــــــــــــ
. حَنون مِن أطيب الشخصيات إللى مٌمكِن الإنسان يقابلهم بـ حياتٌه ..
غير إنها بلدياتي فـ هي أٌختِ الكبيره"مِش كبيره أوي يعني"
ربنا يوفقك يا حنون ويسعدك ويبارك فـ عٌمرك .
؛؛
وميرسي ليكِ يا آسيل على إتاحه الفٌرصه دي لينا
الف شكر لمرورك بموضوع المتوضعه
ـــــــــــــــــــــــــــــــ
ابن بلدى الراجل المحترم رحال بيه ههههههه
ربنا يخليك ياايمن والله انت كمان شخص عزيز
عليا جدا
بس ماكنوش يعنى تلات شهور الى هتذلنى بيهم دول ههههههههه
شكرا بجد على رسالتك الجميله دى
اعتز بيها حقا ^^
ــــــــــــــــــــــــــــــــ
اسئله الاعضاء
ـــــــــــــــــــــــــــــ
انا شايف من كلامك ياس ليه الياس ده من الحياه ؟؟
لا والله مافيش يأس ولا حاجه
طول ما ربنا موجود اكيد مافيش يأس
ــــــــــــــــــــــــــــــــــــ
انتى كاتبة الجنس ( أنثى )
الكلام دا صحيح والا لا عشان احنا فى عالم النت
والواحد مبقاش يصدق اى حاجا ^_^
بس يابابا اسكت مش ناقصه خفت دم ع المسا 
ليس للحب وجود فى حياة حنون ليه ؟ و هل انتى مرتبطه ؟
وانت مين قالك بئه ياسى نور ان الحب مش موجود فى حياتى
ماحدش يقدر يعيش من غير حب
اكيد الحب لازم يكون فى كل تصرفتانا
بس الحب الى انت تقصده يعنى
لسه وحياتك هههههههه
ـــــــــــــــــــــــــــــــــــــــــ
سؤال اخير ايه رأيك فى البرنامج بصراحه وهل ينقصه شىء؟
بجد جميل جدا وانبسطت جدا جدا
وانتى مذيعه عسل جدا جدا جدا
شكرا ليكى بئه ياقمرى ع الاستضافه الجميله دى
شكرا ليكى
كده الحلقة خلصت ويارب تكونى استمتعتى معانا
ياحنون
واستنونى فى حلقة جديدة مع عضو جديد
اه انبسطت جدا
نورتى ياحنون