[morshooo]

بسم الله الرحمن الرحيم

اهلا بيكم جميعا

وحلقة جديدة من برنامجكم

( هنا بنات مصر )

الموضوع هيكون عبارة عن ( 10 اسئلة ) الضيف هيجاوب

على ( 9 اسئلة فقط ) والسؤال الاخير الضيف هيختار عضو

من المنتدى يسئلة سؤال والضيف هيجاوب على السؤال دا

الاسئلة هتبقى بخصوص ( الحـلم / اعترافات ... / حياتى )

طبعا تم تغير فقرات الحلقة ودا عادى محدش يقول حاجا

مش هطول عليكم ضيفة حلقة النهاردة

esra2 mohamed



تعالو نشوف قالت اية فى الحلقة

الفقرة الاولى
( الحلم )

1 / ياترى كان اية الحلم الى بتحاولى تحققية طول حياتك ؟ وياترى شايفة انة سهل يتحقق ؟

فى كل مرحله كان عندى حلم مختلف
بس كل مابتكبر عقلك بينضج اكر وبتثبت على حلم
انا حلمى بقا ليه علاقه بمجال دراستى انا عايزه افتح شركه مع 2 من صحابى
اعرفهم من زمن
احلامى اكترها ليها علاقه بمجال الشغل
ده على سبيل الشغل

حلم تانى ان ااخواتى ييحققوا كل الى بيتمنوه
ويبنوا مستقبل كويس ليهم

2 / كل بنت بتحلم بمواصفات عريس يكمل معاها مشوار حياتها ؟ شايفة ان دا صح وفعلا انتى مقتنعه بمواصفات فتى احلامك ؟

كنت ماشيه بالمنطق ده فى الاول زى البنات وفارس احلامك بقااا وكده
بس الواقع مش كده خالص انتى ممكن بتحطى قواعد اساسيه صعب تتخلى
عنها زى التدين والاخلاق والمستوى التعليمى
لكن مواصفات بقا الصفات والشكل مش دايما هتوفق اكيد هلاقى
حاجه اه وحاجات لا

انا زى ماقولتك مقتنعه بالقواعد الاساسيه اكتر
والباقى بقى على حسب الشخصيه..

3 / مبيجيش عليكى وقت وتقولى لا انا كان نفسى اعيش عيشة احسن من الى فيها حاليا ؟ واية السبب ؟

لا الحمد لله انا مقتنعه بعيشتى جدااا
وشايفه اانها كويسه جدااا

الفقرة الثانية
( اعترافات )

4 / شايفة انك مش شرط تعرفى الاعضاء تفاصيل حياتك حتى لو لبنات المنتدى المقربين منك بما اننا فى منتدى وعالم النت ؟

لا عادى بس بردو على حسب الشخصيه الى قدامك
بس فى الاول والاخر فى حاجات بتتحفظ عليها

5 / امتى اهتميتى بمظهرك عشان تنالى اعجاب شخص ما ؟ والموضوع دا فى تفكيرك والا لا ؟

لا مبفكرش بالمنطق ده اهتمام بالمظهر ده كل الاوقات
ومش عشان لف نظر حد
وبردو فى الاول والاخر مش المظهر بس الى يلفت نظر الى قدامك
غير انى مهتمش اصلا بلفت نظر حد

6 / اعتقد مفيش حد مش بيغير من الاخرين ؟ حصل معاكى انك غيرتى قبل كدا من حد وكان اية سبب الغيرة ؟

غيره !!
لا مش من النوع ده مش بحط فى دماغى اووى
كده
ولو كان لازم اجاوب بكلام يمكن واحنا صغيرين
جو المدرسه بقاا وانا مطلعتش الاول ليه وشغل العيال ده <<هههههههههههه


الفقرة الثالثة
( حياتى )

7 / مين الشخص صاحب التأثير الكبير فى حياتك وحاسة انك اتعلمتى منة كتير ؟ واية الى اتعلمتية ؟

بابا طبعا
بابا كان عقليه وشخصيه صعب تتعامل معاه وميحصلش تاثير
اه اتعلمت كير جداا
والباقى بقا مش اشخاص بس و مواقف
كل مابتعرض لمواقف اكتر بتغير وتتعلم اكتر وبتعرف الدنيا صح اكتر
اتعلمت ايه ؟؟ تعرف تعد لحد كام
اتعلمت كتير اتعلمت ازاى اقرا الى قدامى كويس
امتى اتكلم امتى اسكت
ازاى اتعامل؟ وازاى افكر فى بكره
حاجات كتير اووى يامورشو

8 / تحبى تقولى لمين فى حياتك ( شكرا ) وفعلا مفتقداة حاليا ؟

بابا طبعا وماما
مفتقده بابا جدا وصحبتى الصديقه الصدوقه

9 / شايفة ان المنتدى لية دور فى حياتك والا تضيع وقت فقط ؟

اكيد مكان بقضى فى وقت مش قليل ليه دور
ممكن بيفتح مجالات قدامى اعرف حاجه جديده
شخصيات جديده

السؤال الاخير

10 / اختارى عضو من المنتدى واسئلية سؤال ؟ وانا هخلية يجاوب عليكى ؟

كويس انك سالتنى السؤال ده

اول ماسجلت فى المنتدى اول تنبيه جالى فى المنتدى
موضوع مهم
تطوير قوانين ودساتير المنتدى<< تحس فى حاجه غلط كده
شويه
وادخل الاقى سجل الاعضاء ناس قرر تسيب المنتدى
وخلافات كتير اوى
ادخل يوميات لقاءات وكده
انتقادات كتير جدا وشيل مشرفين وحط مشرفين
وبعدين موضوع رجوع الاعضاء القدامى
وقرار العفو
وبعدين لو قريت فوق التقيم الادارى
هتلاقى ادارين كتير سابوا المنتدى بسبب خلاف
تحس المنتدى مليان مشاحانات كتير اووى
مش عارفه بقا السؤال ده ممكن يتوجه لمين
انت ادرى بقا يامورشو

دمعة حائرة

اولا برحب بيك موروشو والضيفه وبالنسبه لسؤالها
الخاص بالقوانين ده كان مجرد تحديث وتوضيح الصيغه اكتر
مش انضاف قوانين زيادة
لان كان فيه مخالفات كتيرلعدم مراجعه الاعضاء القوانين الموجوده
فده السبب لتحديثها لكن مش عارفه ايه الغلط فيها اللى تقصديه
بالنسبه للخلافات فده شىء طبيعى فى اى منتدى نشيط
وبيضم اعضاء كتير
وخصوصا ان الاعمار متقاربه شويه
فممكن مع اى خلاف شخصي بين اتنين واحد فيهم يقرريسيب المنتدى
وكمان ترك الاشراف ده نتيجة ظروف بتحصل لاى مشرف
واحنا بنسيبه فتره لحد ماتتصلح لكن فيهم اللى بيصر
وبيحب يسيب مكانه لحد تانى يفيد القسم
وده بيوضحوه فى توبيكات فى قسم المشرفين
وكمان عادى ان الاداره تتغير كل فتره دوام الحال من المحال
وده بيحصل فى كل المنتديات
لكن مش دليل على وجود مشاحانات او خلافات
وفيه كتير بيسيبوا الاداره والاشراف وبيكملوا فى المنتدى
فى النهايه ده نت ودخوله مرتبط بوقت الفراغ
مش شغل هاتتقيدى بيه وتتواجدى دايما
اتمنى اكون وضحتلك ولو فى اى استفسار تانى تحت امرك

كدا انتهت خامس حلقة من برنامج

( هنا بنات مصر )

انتظرونى وضيف جديد وحلقة جديدة

قريباااااااااااااا

ملحوظة / البرنامج تحت التنفيذ وممكن نشوفة بشكل تانى الحلقات القادمة