بسم الله الرحمن الرحيم
اهلا بيكم جميعا
والحلقة الاولى من برنامجكم
( لمن يجرؤ فقط )
نظام الحلقة :
هيكون عندنا ( 8 نقاط ) اساسيه الضيف هيختار منهم ( 5 نقاط )
نكلم عنهم وهيكون من حقى اختار فى النهاية ( نقطة ) اكلم
مع الضيف فيها .
النهاردة او الحلقة دى عشان الوقت مقدرتش اختارفقرة اكلم الضيف عنها
واكتفينا باننا نكلم عن ( 5 نقاط ) اختارهم الضيف الـ النهاردة
ضيف حلقة النهاردة
ساحر الاحزان
ودى الـ 8 نقاط
الـ اختار منهم ( ساحر )
حياتى / اعترافات
اعضاء المنتدى / سياسة المنتدى
وجع دماغ / سؤال من مجهول
كلام فى السياسة / صورة وتعليق
اهلا بيك ( ساحر الاحزان )
فى البداية انتا دلوقتى قدام الاعضاء
وهتبقى انتا مسئؤل عن كل كلمة هتقولها
سواء كانت صادقة او لا
اهلا بيك يا مرشو وبشكرك على أرسال الدعوة
اول اختيار ليك كان
( حياتى )
الاسئلة :
1 / لية دائما بحس انك مش بتكلم عن حياتك الشخصية فى المنتدى
لدرجة ان فى كتير مايعرفوش انتا خاطب والا مجوز والا حتى بتحب
انتا قاصد دا والا مجتش فرصة انك تكلم عن حياتك الشخصية ؟
يمكن أنا من النوع الى محبش اتكلم فى حياتى الخاصة لأنها ملك
لية لوحدى شىء يخصنى وبعدين الى عايز يعرف ان كنت انا خاطب
ولا متجوز ولا لسة بكون فى مستقبلى ولا وقعت وحبيت 
يبعتلى وأنا صدقنى حرد علية لأن ذى ما قلتلك دى خصوصية
ولا الفضول مسيطر علينا وعلى فكرة انا فى كتير فى الاستضافات
أتكلمت عن حياتى الشخصية بسى متعمقتش فيها اوى يعنى
لأن زى ما قلتلك خصوصيات أنت ترضة حد يتكلم فى خصوصياتك ؟
وتبقى على الهواء امال حتكتب مذكراتك أزاى مش تخلى ليها شوية
سؤالى الثانى :
2 / انتا بعيد عن مصر الفترة الحالية عايزين نعرف لية سبت مصر
وياترى شايف ان غربتك مستهلة يعنى مبسوط وعايش حياتك
والا سبب سفرك هم اهلك سواء لتحسين المعيشة او مثلا انتا
مش حابب تقعد فى مصر معاهم ؟
انا مكنتش حابب ابعد عن مصر لأنى سعيد جدا فى بيتى أنا وولدتى
مع بعض وفية تقارب روحانى وتعلق شديد بينا منذ الصغر بحكم
أنى أصغر أخواتى والمقيم معاها بعد ما أخواتى بقى سوء البنات
او الولاد كل واحد كون أسرة
بسى حكايت السفر زى ما ذكرت قبل كدة كانت تجربة لية فى تغيير
نمط الحياة كمغامرة وتجربة جديدة والحمد لله انا سعيد هنا
وهانت كلها فترة بسيطة حوالى عشر سنين ان شاء الله أكون
كونت نفسى وأرجع بقى وأستقر فى مصر وبلاها غربة وسفر بقى
النقطة الثانية :
اخترت ( اعترافات )
فى البداية شايف انك من النوع الـ
مخبى حاجات كتيرة ومستحيل حد يخرجها منه والا لا ؟
الاسئلة :
خلال الفقرة الاولى ( حياتى ) حسيت انك مش عايز تخرج
كل الى جواك بس عايزك تعترف دلوقتى وتقولنا ( حبيت قبل كدا )
وكان فى ارتباط او فى حاليا ارتباط والا لا ؟
2 / مش غريبة انك جبت سيرت والدتك واخواتك فى فقرة ( حياتى )
والوالد مكنش لية اى وجود فى ردك ؟
أنا حرد على أسئتك برد موجز هنا وهو الواحد يتكلم برحتة
مع أنى حاسس انك
مش حتستريح وعمال تنكش فية على شان تقررنى
بص ياريس انا قلتلك أنا حياة كل وحد فينا بيبقى لية خصوصيات
بيتكلم عن الى حابب
يتكلم فيها وفية حاجات بتبقى بينة وبين نفسة بيحب يستفرد بيها هوة
وحكاية الحب أهه حبيت قبل كدة بسى الكلام دة من
فترة طويلة جدا مرت بيها
كانت تجربة وأنتهت بحلوها ومرها وبقت ماضى خلاص ونسيبتة
وحاليا لسة مفيش أى أرتباطات عاطفية زى ما ذكرت قبل كدة أقفل على قلبك
وريح نفسك من وجع الدماغ دة؟
ولما يحصل النصيب حتقع حتقع مفهاش كلام دى
انا ما ذكرتش اسم والدى لانة رحمة الله علية من زمان
وهو لية دور بحياتى عمرى ما نساة ولا نسى فضلة بعد ربنا علية
وعمرى ما غفلت عن ذكر أسمة
أدى الحكاية يا سيدى بقى
النقطة الـ ( 3 )
اخترت ( اعضاء المنتدى )
الاسئلة
قبل ما تكون ادارى مكنش حد بيسمعلك صوت فى المنتدى
وتقريبا لحد دلوقتى يعنى بما انك بقيت ادارى بس مش شايف
ان الوضع اختلف وبقى ليك اعضاء مش حابين وجودك كا ادارى ؟
ويعنى الصوت بيكون أزاى فى المنتدى أنى أحظر وأعطى مخالفات
واشتم فى دة وأشد على دة ولا المجهود بيكون أزاى فى التواجد بين الاعضاء
والتفاعل والمشاركة معاهم والسماع لمطالبهم وحل مشاكلهم
والتعامل معاهم فى جو من الأحترام والود
والاعضاء الى مش حابين توجدى كأدارى صعب أنك ترضى الجميع او تلاقى شخص
الكل يجتمع علية وبعدين الأعضاء الى مش حابة وجودى بقلهم شكرا ليكو أنكم
مجهودى وتواجدى ما بان ليكم ولو قصرت معكم اجمعو مطالبكم وعرفونى
انا قصرت فى أية ووضحو السلبيات بتعتى ودة أنا حتقبلة بصدر رحب منكم
2 / مؤخرا انتا نزلت توبيك بعودة المحظورين وفعلا رجعو رغم حظرهم المتكرر
لية مرجعتوش ( المنشاوى ) رغم انكم رجعتو اعضاء دائمين المشاكل ؟
بخصوص التوبيك دة أحنا كأدارة نزلنا حملة
أسمها عودة أوفياء بنات مصر
ودى دعوة للأعضاء الى أعطو المنتدى وغابوا فدى دعوة ليهم أن مجهودهم
أحنا فاكرينة ومش نسناهم
تبعها موضوع عودة المحظورين
والمنشاوى موجودة
وتم فك الحظر عنة
النقطة الـ ( 4 )
اخترت ( سياسة المنتدى )
دلوقتى انا بكلم مع ساحر العضو العادى شايف ان سياسه المنتدى
دائما صح يعنى لما تقول رد ويتم حزفه انتا مع دا لما تنزل توبيك وتتعب فيه
ويتحزف دا صح لما يكون ليك معارضين ومعاك صلحية انك تحزرهم
وفعلا تعمل دا كدا السياسه صح ؟
أحنا كأدارة يهمنا أستقرار المنتدى وأيجاد جو من الود والاحترام بين الأعضاء
لانك عمرك ما تنشأ بيئة خصبة للخلافات ويجى الأستقرار
وأنا مش مع حذف الردود المتعوب فيها ولا التوبيك ألا أذا جبلى
من وراة مشاكل وخلافات
أحنا فى غنى عنها هنا بيكون قرار الحذف أخر حاجة أوصلها طالما مفيش
أقتناع بوجهات النظر ولازم العضو يقدر القرار دة
لأن أحنا مش ضد مجهودك وتعبك أحنا بنعمل كهيكل أدارى
زى ما قلتلك كوسيلة
تقارب بين الأعضاء وتلبية مطالبهم وحل الخلافات
وأن كنت معاية صلاحيات ولية معارضين فصعب أنى أستخدم صلاحياتى
بشكل متعسف أو فية ظلم لغيرى ون حكم الأمر بطلب تدخل
سلطة أعلى منى للفصل
طالما وصلت لطريق مسدود صعب فية التفاهم
ودة بعد الوصول زى ما قلتلك لطريق مسدود للأقناع والفصل بين الطرفين
2 / هكلمك كا ساحر الادارى شايف ان سياسة الادارة ماشية معاك كراجل ادارى
والا فى امور حابب تتغير فى المنتدى .
زى ما قلتلك أحنا بنسعى على قدر جهدنا للوصول للأفضل
وأنتو ليكم الحكم فى شغلنا فى المنتدى لأنى مبحبش أحكم على نفسى
والمنتدى والوصول بية لصورة افضل دة بيكون جهد
وتعاون بين الجميع كأعضاء وكأدارة
النقطة الـ ( 5 )
اخترت ( سؤال من مجهول )
دلوقتى تم اختيار عضو من المنتدى
وعرفتة انك ضيف الحلقة الاولى .
سؤال المجهول :
شايف انك يا امجد ليك دور فى الادارة انتا بقالك شهور أدارى فى المنتدى
اية الى قدمتة للمنتدى خلال الفترة الماضية ؟ وهيبقى ليك تأثير فى ادارة المنتدى ؟
الدور دة ممكن الاعضاء هى الى تجاوب علية هل كان لية تأثير ؟
وبالسلب ولا الأيجاب
أهم حاجة فى الطاقم الأدارى هو التفاهم بين الأفراد فى أتخاذ القرارت
والمشاورة ودة الحمد لله بيتم بينا فى أطار روح من الأخوة والمحبة
واية الى قدمتة
فية مثل بيقلك مادح نفسة كداب
وأنا بعمل ألى ربنا يقدرنى علية
طبعا عشان الوقت لم يتم اختيار ( نقطة ) اسئل فيها ساحر
لكن الحلقات الجاية ان شاء الله هيكون فـ كل حاجا .
بكدا بتخلص أولى حلقات البرنامج .
انتظرونا الحلقات القادمة
تحياتى .