عايزة اقولك حاجه يوم الحساب ربنا مش هيحسبنى بمصريتى
لا يفرق الله بين عربى واعجمى الا بالتقوى
اما عن الاعضاء مفيش عضو فى المنتدى يجبر عضو تانى على
التعامل معاه لو مش عجبه
الوحشية وعدم الرحمة والقتل والحرق
والدليل قريبى اللى مات محروق ومفيش فى جسمه رصاصه
ده حتى وصل عدم العدل للقتلى م رابعة والنهضة
ان يجبر اهاليهم على كتابة سبب الوفاة انتحار
او سكته قلبية وهو متفرتك من الرصاص
على الناحية التانية من شهداء رفح الجنود
تصاريح الوفاة مفصله قتلوا ازاى وباية
مش هقول الدوله بتفرق فى التعامل بين الاحياء
بأى عدل الدوله تتعامل مع جميع الموتى؟
طيب مات ماشى واعتبرته الدوله كلب وراح
ولا عشان التقارير هتودى الفاعل فى ستين داهيه
اهدر حق العايش والميت كمان
وباى منطق بئا اقول انا مصرية والدوله اللى احنا فيها معتبرتش
اللى ماتوا مصريين ولهم حق فى الدوله حتى فى الموت
تفرقة وعدم العدل بين المصريين = عدم وجود دولة لكل المصريين
وعن نفسى عايزة تحقيق العدل قبل الدولة
ياخى ده انا تمنيت ان ربنا ينزل علينا يوم القيامه
الوطنية دى مش كلمتين هقولهم فى حب مصر
هى الدولة كانت حققت للناس الوطنيه ؟
لما يكون القانون تحت امر الحكام اللى بيطلعوا به الحرامية من السجون
و فوق دماغ الشعب لو يقول فين حقى او يقف ضد الظلم
زى ما بيحصل دلوقتى اى حد بيعترض على الحكومه الحالية الرد ياما الرصاص ياما الاعتقال ومش بتكلم على الاخوان المسلمين
عندك البرادعى مرفوعه ضده دعوه بالتخابر
محمد سليم العوا كذلك ده كان مع مرسى
اسماء محفوظ واسراء عبد الفتاح اللى ثوره يناير عملت منهم ابطال
قتل تامر عبد الرؤؤف واصابه حاتم البربرى
وغيرهم كتير من اللى كانوا ضد مرسى
ضدهم دعاوى وحملات اعتقالات على نطاق واسع
عشان ابئا وطنية واحب بلدى يبئا الدوله تدينى حقى
الوطنيه مش واجب عليا طول ما حقى مهدور فيها
ثانيا :
لية موفقتيش انك تشاركى فى حملات ( منع التعصب ) الى تم
اعلانها من بعض الاعضاء وبعتلك اننا نعمل مع بعض
حمله ( الصمت السياسى ) بما انك معارضه ورفضى المشاركه
شايفا ان لو كنتى وافقتى على المشاركه فى الحمله كنتى هتبقى
خاينه من وجهة نظر المؤيدين والا كان اية سبب رفضك .