[موري كول]

ازيكو ؟؟
يارب دايما بخير
انهارده جمعت شويه معلومات كده وعملت بيهم مقارنه بين الولاد والبنات



والفرق بين الولاد والبنات والاحلي فيهم

اول حاجه الفرق بينهم اول لما بيصحو من النوم

البنت :

اول حاجة منشفة كلينكس او تويتي
معاها
دقيقتين تظبت الميه من سخنه لبارده
وبعدين تغسل وشها بغسول غارنيه او صابونه كامي
4 دقايق كده تدعك البشره عكس عقارب الساعه
بعدين بتغسل وشها بميه فاتره علشان تسد المسام
تنشيف وشها براحه خالص وبعدين تحط الكريم المرطب



بعد كده تمشي براحه خالص لحد ما تروح المطبخ
تحضر لنفسها الفطار وتاخده وتروح اوضتها
تمسك الشوكه او المعلقه بكل رقه واحساس
بتسمي وبعدين تبدأ الاول بحاجه خفيفه كده تفتح نفسها



تاكل براحه خالص ومش بتعمل اي صوت وهي بتمضغ الاكل
بعد لما تخلص تاخد الاطباق وبكل هدوء تروح تغسلهم وتحطه مكانه بنفس الرقه
تدخل تغسل اديها تاني بنفس الطريقه الاولي وتغسل سنانها



بعدين تدخل تشوف مستيكه بعد الاكل لو في كنانزايه وماله تشربها بكل رقه وتمسح بوقها بمنديل بعد كل بوء

بعدين تروح تختار الطقم اللي هتخرج بيه
تفضل محتاره شويه مبين التوبات والشيميزات والفيستات والسكيني والباديهات
تعمل ميك اب خفيف جدا او بتكتفي بصن بلوك علشان تحافظ علي بشرتها
بعدين تقعد تلف الطرح يجي نص ساعه
بعد كده تبص في المرايه تلاقي نفسها ملاك بس بشرتها اسمرت شويه تنهار وتحزن واحتمار مش تخرج انهارده .





الولد :


-ـ يقوم من النوم طيران علي المطبخ وبيكون مشمر دراعه وحاجبه مرفوع

اكيد طبعا بياكل في المطبخ وهو واقف هو لسه هايروح يقعد جعااااااااااااان
يغرس ايده كلها في الطبق ولو في عيش بيقطعه علي اشكال ودن قطه واشكال غريبه كده
وهو بياكل استحاله يجيب اقل من 4 ارغفه يدوب كده مسح زور

يمضغ الأكل بسرعه وكأنه بتخانق من اللقمه

يخلص الحمدلله ويحدف الطبق في الحوض
بسرعه يروح بفتح التلاجه ويجيب واحده بيبسي



يتخانق برضو مع الكانزايه وهو بيفتحها

و يقوم رامي الغطي من الشباك يجي بقي في افا ي حد ماشي
يشرب الكانزايه علي نفس واحد يرفها علي بوئو ومش ينزلها غير واخواته بيشدوها منه (وابوه يقوله خلصت يا بني ادم كفرت الكانزايه يا عم ))

وبعد ما يخلص يرميها تحت رجلو ويدوس عليها
بعد كل ده بفكر يدخل بغسل وشه



نص ساعه يحلق دقنه وبعدين يعبي اديه ميه ويلطشهم علي وشه لو مفيش منشفه يقضيها اكمام ويمسح في اكمامه
يروح يلبس البنطلون والتيشرت بتوعه
وشوية جيل من ابو ربع جنيه علي شعره ويقول لنفسه كده فله

اخر حاجه يبص علي نفسه في المرايه يلاقي عفريت يقول لنفسه انبي برنس ياض من يومك