السلام عليكم ورحمه الله وبركاته
انا من كام يوم كده كنت بتصفح عادى على المواقع فلقيت مواضيع كتيره من منتديات بنات مصر وخاصه قسم الابداعات
العاميه والخواطر والقصص والرويات منقوله على بعض المواقع دى ومنسوبه لناس تانيه
انا كتبت هنا خاطره باسم اغمرنى يا شتاء وماتت الورده يا ابى وحوارى مع القلم لقيتهم منقولين نصا على منتديات تانيه
دخلتها بالصدفه والمشكله ان الا ناقل كاتب انها بقلمه فطبيعى انى اسجل واتراسل مع الاداره وفعلا الادراه قارنت تاريخ كتابتى للموضوع هنا بتاريخ الموضوع عندها لقت فعلا انى الاسبق فى الكتابه ومعرفش بقى الاجراءات الا خدوها بالنسبه للعضو
وكمان خواطر تانيه قرئتها هنا كتير منقوله على مواقع تانيه ومنسوبه لغير صاحبها الاصلى
واكيد ظاهره ان واحد ياخد مجهود التانى وينسبه لنفسه ده حرام
اقتراحى بقى ده جه من دخولى لمواقع كنت بجيب منها صور عشان مسابقه مدرسه الديكور
اجى انسخ صوره يظهرلى رساله مكتوب فيها
عفو عزيزنا الزائر لايمكن النسخ تقديرا لجامع الموضوع
موقع تانى عامل نفس الحركه جيت انسخ
كتبلى مش مسموح النسخ الا لصاحب الموضوع فقط
بجد انا حبيت اقترح اننا نعمل خاصيه مشابه لكده
عشان نحمى اعمالنا وكتباتنا الا بنتعب فيها وكمان عشان منتدانا يتميز بوجود موضوعات مش فى مواقع تانيه
بتمنى تكونو فهمتو قصدى واسمع رئ الاداره لو فيها مشكله