[morshooo]

بسم الله الرحمن الرحيم

اهلا بيكم جميعا

طبعا شعور جميل لما الواحد يلاقى حد مهتم بيه

خاصه هنا فى المنتدى يعنى لما اجى ادخل توبيك

والاقى عضو بيوجهلى كلمه ( شكر ) بكون مبسوط جدا

وياسلام بقى لو دخلت ولقيت عضو سايبلى ( عتاب ) برضو

بكون مبسوط جدا لان طالما فى عتاب يبقى فى ( حب )

لانى لو مش فى دائرة اهتمام العضو الى بعتلى ( عتاب )

مكنش فكر انه يعاتبنى .

وشعور جميل كمان لما الاقى عضو بعتلى سؤال عن حاجا

خاصه بيه سواء فى المنتدى او فى حياتى برضو بكون مبسوط جدا

ان فى اعضاء مهتمين بأخبارى خاصه فى المنتدى .

ودا هدف التوبيك ( أسئل عليا )

هنشوف حاجات كتير جدا خلال الحلقات القادمه

فى حاله لو فكرة التوبيك عجبت الاعضاء

النهاردة حلقه استثنائيه هنشوف نظام الحلقه هيكون ازاى

عشان الحلقات الجايه لو ربنا سهل وكملنا هيبقى بنفس النظام دا :

الرساله الاولى :

◣ĐěŠèЯT◥



سؤال ممكن ل لوست سبتنى قسم اليوتيوب لية ؟

Lost Pearl



يعني حسيت قسم عالم الرجل نام شوية كتير ،،
و محدش بيدخله لو مافيش اهتمام جامد بيه
و كمان الرقابة و كدة بتاخد وقت ،،
غير كدة قسم الـ youtube ما شاء الله بيشتغل لوحده >>
و كمان انت و سعد موجودين فيكو الخير بقي

◣ĐěŠèЯT◥

شكر . لمنة وامجد على المجهود وعاملين نشاط كبير وربنا يكون فى عونكم .

الرساله الثانيه

الرحــاال المٌتَمرد



أكيد هنقدم فيها شٌكرنا لـ أعضاء كتير كانوا سبب فى الإطلاع
على أمور كتير و إستفدنا من أراءهم و ثقافاتهم و تواجدنا
معاهم ف صرح بنات مصر خلال الفتره اللى قضيتها هنا ..
سواً على المستوي الأدبي أو النقاشي و حتي الترفيهي و إن
كان الجزء الأقل "لانهم نكد" .
موش عاوز أذكر أسماء لاني هنسي ناس أكيد لكن بشكر كل
إللى ساعدني أو كان حافز لقلمي أو كان سبب فى ضحكه
شقت جدار الحزن .
المهم يا مٌرشد أفندي بشكركم كتير و بتمنالك كل خير و
سعاده . للجميع دون إستثناء ..

يا أجدع شباب و أحلى صبايا
بقدم لكم ورودي و مِش كفايه
يــاللى شاركتوني حزني و غٌنايا
و أنا فـ عز فرحتي و عز بٌكايا

مليووون شٌكراً ؛؛ و ألفين تحيه
من الرحال مٌشرف واحه العاميه
لـ الأخوه و الأخوات أنت و هيا
وذكريات عٌمرها ما هتبقى منسيه

بس خلاص بيكفي كدا رغي
أستوعدكم

الرساله الثالثه :

Mr. M ! r o

بص ياحمد .. مبدئيا الفكره طيبه جدا وجميله ..

بالنسبه للمضمون ..

انا فعلا عندى عتاب شديد لبعض الناس هنا
.. وفيهم ناس
كنت بعزهم جدا .
لكن انا مش هعاتب حد لان خلاص العتاب مبقاش منه فايده
..

وبالنسبه للسؤال ..

انا كنت هسأل على محمود ساد ايز ..
لكن رجع مؤخرا وكان سهران معايا ..
وفى ناس كتير قديمه هنا الواحد مفتقدهم لكن مش عايز اقول
اسم وانسى التانى ..

اما موضوع الشكر ..

فا بشكرك انت يا احمد لانك انت دلوقتى اللى بتدى روح
للمكان .. ولسه شغال زى مانت ..
حتى بعد ما بقيت باللون الأسود .. نشاطك موقفش على
حاجه معينه زى معظم المشرفين السابقين ..
اللى انا واحد منهم اكيد ..
عشان كده بشكرك جدا وبطالبك بالاستمرار ..
حتى مواضيعك خفيفه على قلوبنا وظريفه ودمها خفيف ..
فى النهايه بشكرك على دعوتك وتحياتى للجميع ..

الرساله الرابعه

ماتركس



انا هبعت رساله ياريس

للمهندس / محمد علاء

واقواله وحشني يا هندسه

وانا عارف اني مقصر في حقك ومنتحرمش منك يا ريس

اخوك ماتركس ابن ماتركس

وبكدا بتكونو عرفتو نظام التوبيك ايه

ايه رئيكم نكمل والا لا