منذ /09-18-2013, 11:49 PM
|
#1 |
| حفلة وداع.......ادخل قول كلمتك
بمناسبة انتهاء الاجازة خلاص بكرة وبعده
هنلاقي أعضاء هتنقطع لأسباب الدراسة أو تواجدها هيقل<<منهم أنا
ومن هنا جاتلي فكرة حفلة وداع
و بدل ما يكون وداعنا بحزن يكون بفرح وذكريات جميلة
أخدناها من اجازتنا في المنتدى
وكل عضو يدخل يقول رأيه في الاجازة دي في المنتدى
استمتع بيها قد ايه؟استفاد منها ايه؟اتعرف على مين؟
و يوجه كلمة لباقي الأعضاء
و بما انها حفلة فلازم أقوم باللازم
نبدأ بحلويات وجاتوه <<هيكفوكو كلكم
وعصاير أكيد
وأتمنى ألاقي تفاعل من الأعضاء
وأبدأ بكلمتي:
ا جازتي كان غير السنادي معاكم في المنتدى
وأول اجازة أتعلق بالمنتدى كده
على الرغم ان معظم الأعضاء اللي كنت عرفاهم مبقوش يدخلو على المنتدى
بس اتعرفت على الأعضاء الموجودين واخدت فترة شوية عقبال ما انسمجت معاهم
<<لان بقالي سنتين كاملين مبدخلش بسبب الثانوية العامة
ولقيتهم ودودين جدا ومحترمين وطيبين
وعجبتني جدا الاقسام الجديدة اللي اتعملت خصوصا قسم الفوتوشوب
اللي بجد استفدت جدا منه ووصلت في الفوتوشوب لنستوى كويس مكنتش أتوقع اني اوصله
واستفدت جدا كمان من قسم النقاش من مواضيع الأعضاء ومناقشتهم القيمة
وطبعا مقدرش انسى قسمي المفضل الهوايات اللي فيه ابداعات رائعة
واخدت تشجيع جامد جدا على موهبتي من المشرفة أركو ومن الأعضاء
وأكيد برضو استفدت من القسم الاسلامي بمواضيعه القيمة
وطبعا باقي الأقسام استفدت كتييير منها بمختلف مواضيعها
واتبسط كتير في المسابقات
و أحب أشكر المنتدى كله من أعضاء واداريين ومشرفين على جهودهم الرائعة
ومعلش طولت عليكم في كلمتي بس ده كده كمان اختصار
و ان شاء الله يدوم تفاعلكم ونشاطكم الرائع
وفي انتظار كلماتكم عن الاجازة وقصدي في المنتدى هنا
ولو اي عضو زعلان من التاني يسامح ويفتح صفحة جديدة وان شاء الله تكون سنة دراسية جديدة سعيدة
بالتوفيق للجميع |
التعديل الأخير تم بواسطة زهـــ*ــرة النرجــس* ; 09-19-2013 الساعة 12:31 PM |
| |