[زهرة الياسمين]

ازاى تبقى ست بيت شاطرة ونضيفة


ليكى كام سنة متزوجة ؟
ليكى اد ايه بتقولى نفسى انضف ؟
كام مرة اتحرجتى من انتقادات زوجك بسبب الدولاب المقلوب والحوض اللى مليان مواعين وريحة الزبالة اللى ضاربة فى الشقة ؟
ليكى كام سنة كل ماحماتك تفكر تزورك تبقى فى نص هدومك وتتحججى بالعيال ؟
ليكى اد ايه بتزورى صحبتك بتتعقدى من نضافتها وتقولى بكرة هنضف ومبتنضفيش ؟

نويتى تتغيرى

لو نويتى كملى معايا

اولا لازم التغيير يبقى من جواكى انتى لازم تقولى انا هتغير انا مش هسمح بكلمة ولا نظرة من حد جارحة انا مش اقل من اى حد علشان يبقى بيتى بالمنظر ده

لازم تحسى وتعرفى انك باهمالك وعدم نضافتك مقصرة فى حق ربك ونفسك وزوجك وعيالك

يالهووووووى مقصرة ازاى فى حق ربى

بصى يستى الزواج ده مش رزق البيت بتاعك ده مش رزق التلاجة والغسالة واوضة النوم مش رزق

اه
طب الرزق والنعمة تستوجب شكرها والمحافظة عليها علشان ربنا يديمها عليكى نعمة ويحفظها من الزوال
لان اهمالك ده بيعجل بزوالها وبيعجل بخربانها وتلفها

كمان ديننا دين النظافة والجمال والطهر والبيت الطيب تسكنه الملائكة والبيت اللى مليان قاذورات تعشش فيه الشياطين

كمان ربنا امرك على لسان نبيه ان الزوجة الصالحة تسر زوجها اذا نظر
طب زوجك هيتسر بمنظر المطبخ المزيت والبوتجاز الملزق والتلاجة المتكربسة والباسكيت اللى بيغم النفس
هيتسر بسرب الصراصير ولا هيتسر بيريحة ترجيع ابنك على هدومه وكسلك فى تنضيفه ولا هيتسر لما يشيل ابنه وريحة البامبرز تقلبله بطنه
زوجك هيتسر لو دخل بيت اخوه وشاف الفرق

عرفتى ازاى انك مقصرة فى حق ربك

طب مقصرة فى حق نفسى ازاى

ايوة مقصرة ليه تسمحى بحد يبصلك بصة مش مظبوطة
ليه تسمحى بكلمة جارحة
ليه تشوفى نظرات القرف من جيرانك ونظرات الاستهزاء من حماتك ونظرات الاشمئزاز من جوزك
ليه تسمحى لنفسك تعيشى فى بيت فيه صراصير
ليه تسمحى لنفسك تطبخى فى مطبخ معفن
ليه تسمحى لنفسك تعملى بيبى فى مكان مش نضيف

انتى مش معتزة بنفسك ولا مش بتحبيها

طب مقصرة فى حق اولادى ازاى

مش حرام عليكى النعمة اللى ربنا رزقك بيها ومحرومين منها كتير
ليه بنوتك الجميلة لو حد فكر يبوسها تلاقيه نفسه غمت من ريحة الزبادى وريحة السيرلاك والعرق اللى مبيتنضفش

ليه ابنك ولا بنتك فى المدرسة الناس تتريق عليهم بسبب هدومهم اللى مش نضيفة ومش مكوية وشعورهم مش متسرحة واى طلسقة وخلاص

ليه تحسسى ابنك بالنقص لما الابله بتاعته تشكر فى فلان علشان نضيف وفلان علشان شوزه بيلمع

ليه تعودى اطفالك يعيشوا فى مكان مش نضيف
ليه تعودى اطفالك على منظر الحمام والمطبخ اللى مش نضاف ويبقى ده العادى بتاعهم
ليه لما يشوفوكى بتنضفى يقلولك ليه ياماما مين هيزورنا النهاردة
ليه بنتك بكرة لنا تكبر تحرجيها مع جوزها بقلة نضافتها وتخربى بيتها بسبب اهمالها لانها تربيتك انتى
ليه تخللى اولادك لما يزوروا ولاد عمهم ولا عمتهم يحسوا بالنقص من نضافة اوضهم ويحسوا بالنقص من نضافة هدومهم


طب هتغير ازاى


اولا شغلى سورة البقرة فى البيت
وادعى فى كل صلاة ربنا يرزقك النضافة والترتيب ...
قولى يارب علمنى النضافة يارب ابقى ست نضيفة يارب انا تعبت من اهمالى يارب بنتى حبيبتى ماتتطلع زيى يارب انا قصرت فى حق زوجى

وطلعى صدقة بنيه ان ربنا يرزقك النعمة دى افتحى دولابك وطلعى كل الهدوم اللى مبتتلبسش وقولى يارب اللهم ان كنت تعلم انى اخرجت هذه الملابس لادخل السرور على قلب محتاج فلاترد حاجاتى يارب

ادخلى مواقع النت اللى بتتكلم عن النضافة والترتيب والاعتناء بالبيت

صاحبى ناس نضاف لان اللى بيجاور السعيد بيسعد وصحبتك النضيفة متتكسفيش منها تساليها ازاى بتنضف ده وازاى بتخللى ده منور وبيلمع

انوى التغييير من جواكى وتوكلى واحتسبى الامر لله وفوقى من غفلتك
اللي نتائجها فادحة على كل المستويات