[Mahmoud Mohie]

السلام عليكم ورحمةالله وبركاته ...

نبدأ باسم الله ...

""""
"""
""
"

فى المساء ..يخرج(عماد) لمقابلة أصدقائه .. وكأنه يودعهم قبل دخول الجامعة ..
ظناً منه أنه سيُحَاصر وسط الكُتب الدراسية .. والأنشطة الجامعية ..
والمذاكرة التى لا مدىلها ..
على كافيتريا (النيل)يجلس أصدقائه .. يتسامرون كالعادة ..
لم يكن لديه أى صديق فى نفس سنه .. فالجميع يسبقونه فى السن
بعام أو أكثر ..
يتجه ناحيتهم .. يتعانق مع الجميع كعادته .. يسحب أحد الكراسى
ويجلس .
كان (أحمد) الذى يكبره بعام .. يدرس بكلية الهندسة .. يجلس على يمينه
وعلى يساره يجلس (حسام)الذى يدرس بكلية الصيدلة
أما (على) و (محمد)فكانوا على الأمام منه .. يدرس الاثنان بكلية التربية
قسم اللغة الانجليزية ..
محمد: مسا الفل يا عمدة .. ياللى هتتنفخ بكرة
أحمد: ليه بس .. بلاش تنكد عليه من دلوقت .. الطريق لسه طويل قدامه .
حسام: يابنى سيبك من كلام (محمد) ده واحد فى تربية انجلش .. وفاكر
اندى كلية أصلا .. لا مؤاخذة يا ميدو ..
محمد: بس يا حسام يا حبيبى .. اتكلم ع أدك .. ياض انت بتروح الكلية عشان
البت زوزو .. يا بتاع زوزو يا اهبل
استمرالحديث وطال بينهم لمدة تزيد عن الساعة فى نفس الموضوع ..
قاطعهم(وائل) بعدما فاض به ..
عماد:ايه يا ولود الإيه .. كرهتونى ف أم الكلية .. مش رايح ..
على: بنهزر ياض يا عمدة ..افكس للعيال دى ..
عماد: تعالى معايا يا (أحمد) هروح أجيب شوية حاجات ..
أحمد: من عنيا يا صديقى .
انصرف(عماد) ومعه (أحمد) .. باتجاه أحد المكتبات .. االمخصصة لبيع الأدوات
الدراسية..
عمادمخاطباً البائع : عايز 5 دفاتر سلك 100 ورقة .. قلم رصاص روترينج 0.5
وقلمرصاص 0.7 .. مثلثين كبار .. مسطرة حرف تى ..\
برجلين .. شبلونة .. استيكة .. ولو فىاداوات تانى فكرنى وحياة والديك ..
البائع: هجبلك كل ال انت عايزه ..
أخذالبائع يبحث فى المكتبة .. وبعد 10 دقائق أحضر الطلباات ..
عماد: الحساب كام ؟
البائع: 320 جنيه
دفع عماد .. وأخذ (أحمد) واتجها ناحية الشارع
احمد: ايه يابنى كل الحااجات دى .. انت رايح تحضر دكتوراه ..
عماد: هى هندسة بتحتاج الحاجات دى .. انا قريت وسألت يابنى ..
احمد: ماشى يا عم ربنا يوفقك ..
عماد: تعالى معاياا بقى عايز أروح أشترى كريم بمبارز م الغالى ده
أحمد: اسمه بلمارز يا ابوجهل
عماد: ياعم مش هتفرق كتير ..المهم نروح نجيب .. وعايز أجيب تاكس
أحمد: تاكس .. ازاى ده .؟؟
عماد : ال هو زى العطر ده وبيترش منه ..
axe أحمد : ياهبل ..
عماد: خلاص يا عم الزياط .. أى حاجة انجز
وصل الاثنان الى المكان المخصص للشراء .. طلب (عماد) من (احمد) أن
يشترى له ما أخبره اياه واعطى له النقود المناسبة ..
أحمد: خد ياعم .. ها عايز حاجة تانية ..
عماد: لأ كده فل .. تعالى معايا بقى عشان أروح أحلق شعرى كده ..
واظبط التظابيط ..
أحمد: مامتك قرعة ياحج .. انا هروح ياض .. الساعة بقت 2 أبويا مش
هيدخلنى البيت
عماد: ماشى هروح أنا يا حج ..
ودع(أحمد) (عماد) وذهب الى المنزل .. بينما ذهب (عماد) الى الحلاق ..
عماد: ازيك يا برنس الليالى
الحلاق: تمام يا زوء .. هتحلق ايه يسطى
عماد: اول يوم ف الجامعة بكرة .. عايزك تظبطنى يا حلبسة
الحلاق: من عنيا .. هخليك عريس .. والبنات هتجرى عليك ويقولوا العريس أهو
استمرفى حلاقة شعره قرابة الساعة .. فقد كان(عماد) من زوى الشعر
الطويل بل والكثيف ولم يكن ناعم ..
الحلاق: كده تمام يسطى ..
عماد: زى الفل .. امسك يا زوء .. صباحك بيغنى .. سلام بقى
يذهب عماد للمنزل .. لم يكن أحد مستيقذ فالكل نائم .. استعداداً للدراسة أو
العمل غداً ..
فكر(عماد) طيلة الوقت فى الدراسة .. لم يستطع النوم ولو للحظات ..
قام بتحضير بعضاً من الطعام .. احتسى بعضاُ من القهوة ..
الساعةدقت السادسة صباحاً ..
ملابس جديدة .. أفضل تسريحة شعر .. البارفيوم المميز .. والـaxe
خرج(عماد) من المنزل .. بعد توديع الأأهل .. ممسكاً بالمسطرة التى
بيدوالأخرى الدفاتر ..




للقصةبقية .. ان شاء الله ...