[أمواج الرحيل]

متبكيش يا امى ومتزعليش...... انا روحى راحت عشان بلدى تعيش

متبكيش يا امى ومتزعليش...... ومن فراقى يا غاليه متشتكيش

ليه الدموع فى عنيكى يا امى.... لو تمسحيها بتخففى همى

عارف زعلانه منى والله غصب عنى.....جمدى قلبك يا امى وخليه من حديد

وارفعى راسك لفوق وقولى باعلى صوت .. انا ام البطل انا ام الشهيد

دا انتى ست مؤمنه عرفه قدر ربنا.... موت النهارده ولا بكره مفيش جديد

مهما راح مننا و مهما سال دمنا ... لازم نوفى حق بلدنا لازم يعيش

فمتبكيش يا امى ومتزعليش

زعلانه عليه عارف فى الجنه يا امى شايف.. مسكه صورتى فى حضنك وبتبكى عليا

يا امى الله يعينك شيفك مكسوره عنيك .. ......منا حاسس با لفيكى ما لفيكى فيا

ليه الدموع فى عنيكى يا امى.... لو تمسحيها بتخففى همى

يامى انا مش حزين انى مت دا شرف ليه لعز بلدى انى اموت

عارف ياقلبى ان الفراق عليكى صعب والدمعه نزله مشربه حلو الخدود

عارف يا امىيا نور عنيه ان الحنين فى قلبك ليه والله ملوش حدود

بلدى نادلتى واشتكتلى همها وانا بينى وبينها لرد خيرها وعود

يامى حقك تفرحى ... شيلى الدموع ما دمعى دانا رايح عريس

لربنا فى جنته بضمنى رحمته بس عشان خطرى عندك متعيطيش

ومتصرخيش يا بنى حبيبى روحت ليه وفتنى ومتحزنيش

حزنك يا مى بيزيد مرارى ولوعتى ...... فشيلى الدموع

شيلى الدموع من عينيكى عشان يا مى

رغم السعاده الا انا فيها مش شايف ضحكتى

فمتبكيش يا امى ومتزعليش

هذيان قلم باكى