وحلقه جديدة من برنامجكم
( لمن يجرؤ فقط )
ضيفه حلقه النهاردة عضوة متميزة جدا
ليها صولات وجولات مع ادارة المنتدى
صحيح اتهدت الفترة الاخيرة لكن مجهودها
واضح الفترة الاخيرة فى المنتدى وانا بقول
يمكن ربنا هداها عشان التعب الى جالها والا حاجا
هى قالت فى توبيك انها تعبانه مجبتش حاجا من عندى 
ضيفه حلقه النهاردة المتميزة /
جبل عااااااااااااالى
فى البداية تعالو نشوف الـ ( 8 )
نقاط الـ اختار منهم ضيفى
حياتى / اعترافات
اعضاء المنتدى / سياسة المنتدى
وجع دماغ / سؤال من مجهول
كلام فى السياسة / صورة وتعليق
تعالو نشوف الحوار
الاختيار الاول
( اعضاء المنتدى )
اولا :
الفترة الاخيرة قسم النقاش ماشاء الله ماشى بشكل كويس
جدا والاعضاء اهتمت بيه شايفه ايه الفرق بين وجودك
الفترة الحاليه كمشرفه وبين فترات سابقه كنتى مشرفه
على نفس القسم ولكن مكنش فيه نشاط ؟
عشان اكون صريحة ... انا عن نفسي مش شايفة ان في
فرق للدرجة اللى انت راسمها دي ابدا ....بالعكس النشاط
موجود وكل حاجة والفرق لو هنقول ان في فرق فمش اي
حد يعرفه الا من يدرك جيدا معنى كلمة ( النقاش الجاد) بس
ثانيا :
الى اعرفه ان مفيش تفاهم كامل بينك وبين ( بيك بوص )
مع ان الظاهر قدام الاعضاء غير كدا دا سببه ايه .
وعارف انك صريحه ^^ .
بالعكس جدا طبعا ...اللي يقول انه مفيش تفاهم يجي
يواجهني هنا
( مانا واجهتك اجبل 
) الاختيار الثانى
( سياسه المنتدى )
اولا :
طبعا انتى من معارضى أدارة المنتدى ^_^
بس عايز اعرف ايه رئيك فى سياسه الادارة
الفترة الاخيرة وشايفه فى اختلاف حصل والا لا ؟
بصراحة في تغيير .... هكلم عن نفسي انا ...
الفترة الأخيرة
حصل موقف خاص بيا أينعم كانوا هاديين معايا اوي ....
وتعبووووني بهدوئهم ده
بس فى الآخر بجد بجد وقفوا جمبي
وجابولي حقي الحمدلله ...... وانا بشكرهم بجد
ثانيا :
شايفه ان اختيارات الادارة بخصوص تعيين مشرفين
على الاقسام سليمه والا محتاجيين دقه اكتر بخصوص
تعيين مشرفين خاصه اننا بنشوف اعضاء ناجحين
فى اقسام ويت تعينهم فى اقسام تانيه ومنهم انتى
تم تعينك على قسم النقاش ؟
ممممم والله لو هنتكلم في الدقة والإختيارات الصح مش هنوصل
لحاجة ترضي الكل
وبصراحة انا معنديش أي علم بالمقاييس اللي بيتم على أساسها
إختيار المشرف
المناسب للقسم المناسب ....وكل القرارات أيا كانت بتحتمل
الصواب والخطأ
ولو شايف ان جبل مكانها غلط ع النقاش يبقا عليك وع الإدارة
مش علياههههههه
الاختيار الثالث
( وجع دماغ )
اولا :
بعد تعيين ( بيك بوص ) كمشرف على المنتدى حسيت
انكم بتخترعو حاجات عشان القسم يظهر قدام الاعضاء
عايز اعرف ايه لزمه ان المواضيع تكون تحت المراقبه
وايه حكايه انها حصريه مع انك فى الاول او الاخر
مناقشه المواضيع بتكون مكررة ؟
ههههههههههه ياربي ع الحقد ...... حقود حقود انت يامورشو
لا تعالى انت بقا لما أسألك ... يخويا من ساعة الإختراعات
اللى انت بتقولها دي عندنا ع النقاااااش واحنا ملاحظين ان رجلك
خدت ع القسم ماشاء الله ماشاء الله .....ياترى ليه ؟؟
عشان اسمك يطلع فوق بقا والحركات دي برضو ؟؟؟
ههههههههه لابجد محدش يكره يكون مميز الفرق بقا
انه يسعى للتميز ده .... ممكن أثناء السعي يحصل اي عقبات
فمش مشكلة بقا مش نهاية الدنيا ..... وعلى رأي الخالة ظريفة
مصارين البطن بتتعارك ...... ( وإهدى ياعم السخااااااااان)
( اول هروب من الاجابه برضو فين الاجابه )
ههههههههههه هروب ايه بس ساعم ..... لا اله الا الله
موضوع الحصري ده ..... يافندم كنا بننادي بيه من زماااااان
اوي اوي
الحمدلله اننا وصلنا له اصلا .... المواضيع اللي تحت المراقبة
عشان لو مكررة او منقولة متاخدش وسام الحصري
يامورشو .....
وحتى لو القضية مكررة ماشي ...بس من وجهة نظر الكاتب
فأكيد هيكون فيها تغيير
وفيها بصمته هو وبقلمه وفكره .... هو حرام نشغل عقلنا بدل
الكوبي والبيست ؟؟؟
ثانيا :
صحيح الى ممشى القسم ( بيك بوص ) ودا عملكم مشاكل
بينكم وبين بعض وحصلت خلافات بينكم بسبب
تثبيت مواضيع وشيلها والموضوع كان وصل لاحد
الاداريين وتم ارسال تنبيه ليكى ؟
يابني انا او بيج بوص واحد .... ده بالعكس
لما جه بيج بوص انا ارتحت جدا واحنا متفاهمين عادي
ولو في تنبيه جالى لووووووووو يعني
هاتهوووووووووولي هناااااااااااااا
وياسيدي الادارة تبعت تنبيه او انذار او توقيف اوحظر
براحتها ..... الله اومال تبقا إدارة من غير شغل ؟
( يعنى ساحر مبعتلكيش رساله عشان بيك بوص بيشتكى انه شغال لوحدة فى القسم )
والله تسأل في ذلك ساحر ......
عن نفسي لا والله مجانيش تنبيهااااات
كله كلام عادي جدا
الاختيار الرابع
( سؤال من مجهول )
طبعا برحب بالضيفه وبشكرك على استضافتها وعايزة
اسئلها .
لية انتى دائما بلاحظ فيكى مهاجمتك للادارة وكتير بيكون
من غير سبب والفترة الاخيرة لاحظت ان فى استخفاف
فى ردودك على المواضيع وعايزة تبانى ان دمك خفيف .
طبعا صاحب التعليق اللطيف ده مش حد غيرك انت ياظواهر
وعشان عارفة إصرارك المرعب على استفزازي
فأنا باقولك .... ايوة اتعلمت الظرافة عقبااااالك يخويا
( على فكرة دى عضوة الى بعتتلك السؤال 
)
طب لو عضوة اللي بتقول كده .... اقولها ربنا يكرمك
ياعضوة بجد
لو انتى شايفاني باستخف ولا شايفاني بعمل وبمثل خفة الدم .....
بس لو تعرفيني كويس يمكن تغيري نظرتك ......
وبالنسبة لو انتي
شايفة إستخفاف
فأكيد رأي يُحترم بس بيكون في محله ولو انتقاد ...
ده من وجهة نظري
اما خفة الدم وتمثيلها .... بصراحة مش انا اللي أحكم ....
وميرسي
ليكِ
( بتموتى فى الاحراج انتى )
الاختيار الخامس
( صورة وتعليق )
المرة دى هضايقك شويه وهطلب منك تختارى انتى ( 3 اعضاء ) وتكلمى عنهم
أول عضوة \ سكرة
... إنسانة بمعنى الكلمة
أحمد الحلو ....
انسان خلوق جدا
مورشو ....
ربنا يهديه ويبطل رخامة ع الناس
بكدا بتخلص الحلقه الـ ( 11 )
من حلقات البرنامج .
انتظرونا الحلقات القادمة
تحياتى