انا انسانه لحم ودمّ
( تابع مسابقة قول ياعم )
قول ياعمّ .. عايزه افهمّ ..
لو هننام ونقوم بالغيرة ..
يبقى نفضها أحسن سيرة ..
وبناقص همّ مايتلمّ ..
كل حياتى بئت بأوامِر ..
وعليّا أطيع سيدى الأمِر ..
لا بنتكلم !! ولا نتسامر !!
غير فى العيشه اللى بئت غمّ ..
قلبى اللى بتحلف بحنانه ..
ليه أوامرك صبحت قضبانه ..
وبئيت بالغيرة سجّانه ..
وصبح بكلامك يتسمّ ..
ليه بئيت فى حياتى مخايلنى ..
حسّاك فى وريدى مِرائبنى ..
وبئيت ضلّلى اللى ماسايبنى ..
ده الموت وياك أصبح أسلمّ ..
صدئنى ساعات لمّا اتأمّل ..
لحياتنا بئول صعب أكمّل ..
ولإمتى افضل كده اتحمّل ..
دنا إنسانه لحم ودمّ ..