[morshooo]

بسم الله الرحمن الرحيم

اهلا بيكم وحلقه جديدة من

( لــــــــــو )

البنات دى يا جدعان عليهم شويه اختراعات عنب

يعنى وصل بيهم الاختراعات للبناطيل الى بيلبسوهم

بيلبسو الوان غريبه جدا يعنى منهم ( الاخضر والفوشيكا ) ..... الخ

وبتبقى ماشيه فى الشارع معنويتها واصله للدور الاخير

الاجمل بقى ان الشباب لما بيشفوها هم فعلا بيبصولها

بس ماتعرفش انهم بيتريقو عليها .

فياريت احنا كمصريين وعرب وناس شرقيين بلاش

نلبس ونقلد الغرب الى ليهم عادات وتقاليد خاصه بيهم

وكلامى مش على بناطيل البنات فقط ولكن

( ياريت نبطل التقليد الاعمى )

مزاج الخير بقى

ضيفه حلقه النهاردة عضوة متميزة

فى حالها بحس انها عايشه مع نفسها

حتى اجابتها النهاردة اكدتلى الكلام دا

معانا النهاردة المتميزة

روووكه



تعالو نشوف المواقف الى ( لـــــو ) ضيفتنا

اتحطط فيها كانت هتتصرف ازاى

اولا :

المواقف الخاصه بالمنتدى

( لــــــــو )

1 / حد من الاعضاء بعتلك رساله خاصه وبيفولك انه معجب بيكى وبمواضيعك وحابب يتعرف عليكى ؟ هتعملى ايه معاة ؟

اغلبيه الرسايل ديه مش برد عليها

منعا انى احرج حد !!!

ولو حصل ورديت لى آبعد الظروف بيكون ردى متشكره

جداا لحضرتك تشرفنا ولو طول بيكون عدم الرد خير ليه

( ماشاء الله ناس طيبين قوى يله يا شباب عيشو حياتكو دى مش بتعمل مشاكل )

2 / نفس العضو الى فوق بعد يومين لقتيه بيتصل بيكى على الموبيل وبيقولك انا فلان الى فى المنتدى وعايز اتعرف عليكى ^_^ ؟ هتعملى ايه معاة ؟

طب هيتصل آزى آنا مش بدى رقمى لحد !!

وعامتا آنا مش برد على ارقام غريبه بخلى ماما او آخوايا

يرد عليه

( افرضى بقى اتصل بيكى وانتى برا البيت هتردى وتقوليله سورى شويه وكلمنى عشان اكون جنب ماما او اخويا )

3 / لقيتى رساله من ادارة المنتدى وبيقولولك خلاص مش عايزينك مشرفه فى المنتدى عشان الاعضاء مش عاجبهم ادارتك للقسم مع ان مفيش اى حاجا حصلت ؟ هتعملى ايه ؟

من حقى آعرف مين آلاعضاء وكمان لو آنا مقصره معاهم

طبيعى هعرفهم آسباب تقصيرى !!!

فى حاله معرفتى آن محصلش شئ بصراحه مش عارفه

رد فعلى هيكون آيه ممكن آنسحب من المكان خالص

بهدوء وممكن اتعصب مش عارف

( قلبك ميت يا تنسحبى يا تتعصبى شرسه اروووكه )

4 / لقيتى رساله خاصه من عضوة فى المنتدى بتقولك فيها ( انا ندمانه انى عرفتك ) ؟ هتعملى ايه ؟

هيصعب عليا نفسى وهعيط لله الحمد تعاملى مع اللى

حواليا بكل احترام ولا قدر الله لو حصل هكلمها ع طول

واعرف السبب وهعتذر لو غلطت فيها

آنا مش بحب حد يزعل منى

( طيب طالما مش بتحبى تزعلى حد الناس عايزة تكلمك فون )

5 / تم حظرك من المنتدى وسبب الحظر ( التطاول على عضو ) والعضو دا انتى على خلاف معاة بس الموضوع موصلش للحظر ؟ هتعملى ايه ؟

حصل مره بالفعل بس بسبب توقيع مش عضو

وحصل قلق كتير وقتها بس لحظى الحلو آنى

كنت مسافره ولما رجعت فؤجت بحظرى ده اتكلمت مع

الاداره كان وقتها آحمد ميدو وطارق .. طارق بصراحه

شال حظرى ع طول وعرف انى بعيد عن المشاكل ديه

كلها واحمد اعتذر ليا وعرفنى انه غلط غير مقصود

بس ... عامتا لما بيحصل مشكله مش بحب اعرضها

ف المنتدى ع العام آما رسايل او الميل مع طارق

مش بحب القلق

( اها يعنى الادارة مش شايفا شغلها قصدك كدا )

الاسئله الخاصه بحياتك الشخصيه

( لــــــــو )

1 / ركبتى ميكروباص وانتى مروحه وعندك صداع جامد والسواق مشغل اغانى شعبى ومعلى الصوت على الاخر وواحد بيقوله وطى شويه رد عليه وقاله مش عاجبك انزل ؟ هتعملى ايه ^^ ؟

هعمل ايه هينزل الراجل من العربيه

هيتعامل معايا آنا ازى !!

وقتها هعقد آغنى مع الاغانى وانسى الصداع

بدل ما انزل وسط الطريق

( والله يا روكه دا هيرجع لجمالك لو انتى حلوة وقولتيله هيوطى لو انتى بقى هينزلك تحت العجل )

2 / ماشيه فى شارع وفجاة لقيتى الناس كلها ماشيين وراكى وعماليين يقولو ( اهى وصلت اهى ) ؟ هتعملى ايه ؟

هجرى هههههههههههههه


( ماشاء الله ^^ )

3 / داخله تشترى حاجا من السوبر ماركت والى واقف فى السوبر ماركت قالك خلاص الحاجات دى ببلاش وفجاة قالك على فكرة انا العضو الى فى المنتدى معاكى وعايز اتعرف عليكى ؟ هتعملى ايه ؟

هسيب الحاجات وكآنى مسمعتش حآجه

وهمشى

( دا انتى هتدخلى تكملى باقى الحاجات وفى الاخر هتقوليله ميرسى )

4 / صحيتى الصبح لقيتى واحد كاتب على العمارة ( بحبك يا رووووكه ) بس كاتب اسمك الحقيقى طبعا ؟ هتعملى ايه واهلك هيقولو ايه ^^ ؟

هقوله آنا هنا هنا يآبن الحلال

آهلى والله معرف هيقولو ايه بس موقف جون بصراحه



هقول لى آهلى يآما آفتحيله الباب ولا اناديله معتش

فيها كثوف يآما آعملى معروف

وربنا آسئلتك فقر زيك

( يعنى لو حصل معنوياتك مش هتبقى فى الدور الاخير فى وسط العمارة )

5 / رايحه عند زميلتك البيت ووصلتى العمارة وفجاة قابلك ( كلب ) نازل جرى ومطلع لسانه ومحدش معاة ؟ هتعملى ايه ؟

هقف مكانى لو جريت يبقى شكراا

والله يرحمنى

( ماشاء الله مدربه كويس على التعامل مع الكلاب بس اكيد وقتها هيهمن عليكى ونزلك توبيك فى السجل )

وبكدا بتخلص حلقه النهاردة

انتظرونى وضيف جديد

الحلقه القادمه

تحياتى

morshooo