[حجازى فارس المصرى]

قصيدة (طلقنى) لقيثارة

الراجل اتجن فى عقله
سابنى وساب بيته واهله
لما العاطى المولى اداه
نسينا ونسى ربى وفضله
*****************
دنا كنت معاه ع المره
لاشكيت منه ولامره
لما القرش لعب وياه
رجعلى وفى ايده ضُره
*******************
كنا زمان عايشين مع بعض
ايوه العيشه كانت ع القد
كان الزرع وكنت الارض
كان المطره وكنت الورد
********************
لما بيتعب كنت معاه
واهو دلوقت مش لقياه
اتجوز بنت قد عياله
مش عارفه ايه اللى غواه
**********************
دنا عمرى مايوم قصرت
ولا مره أمرت اتأخرت
طول عمرى وانا برعاك
نسيت كل ده وكبرت !!
*********************
تروح تجوز عليا وتسيبنى؟
انا وولادك بنتى وابنى
انا مقدرش اعيش مع ضُره
خلاص ياحبيبى روح طلقنى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

تقمص لدور واحده صاحبتى جوزها اتجوز عليها
وطبعا حضرتى معاصره مشاكلهم
ال ضره أل
مش يطلقنى احسن برضه

*******************************
آه يا مرارى وآه ياناغلبى
ياوجع راسى ووجع قلبى
م-اللى أنا شايفه منك إنت
يا أم عيالى ياقاعدة فى جنبى
************
أيوة انا حاق العشرة معاكى
ولا مش ناكرك ولا هنساكى
بس يا بت الناس كان لازم
تاخدى لبالك م-اللى وراكى
************
هى الدنيا عيشة وبس
ياعنى الواحد ماليهوش نفس
منك يسمع كلمة مليحة
تبل ريقى وتفتح نفس
***********
كل اوقاتك غم فى غم
ضيقة العيشة وشيلة الهم
حتى الضحكة ما شفتها منك
سكر جالى وطغط الدم
**********
كل الوقت هت هت هااااااااات
وليه قصرت يابو الشنبات
ويوم ما اتكلم كلمة بسيطة
تبقى جرسة فى الطرقات
**********
وطول الوقت قلنا وقيل
نغمة ودايرة مع المواويل
هى الست يابت الناس
من على جوزها لازم بتشيل
**********
حتى الهدمة عليكى ما شفت
وكشرة وشك منها انا خفت
ويوم ما الشرع يحلل لى
جاية تقولى ليه انا زغت
**********
كان انا حقى والله انا اطفش
لو جبلاية فيها وأكمش
م- اللى انا شايفه منها ياناس
خلونى ساكت بدلا ما اهرش
*********
بقلمى/ صعب نسيانك