[big bốss]

زى ما احنا متفقين دا سر محدش يقوله لحد

كنت فى اولى ابتدائى كان عندى حب استطلاع رهيب

اعرف الحاجات الالكترونيه او الكهربيه بتشتغل ازاى

و اى حاجه تطق فى دماغى بعملها مهما كانت

المهم الموقف دا حل

كنت بتفرج على ال t.v

و والدتى جوه فى اوضتها و نايمه

و قاعد انا و اخويا الى اصغر منى اسمه ادهم

المهم طلع فى دماغى قلت لازم اعمل تلفزيون زى دا


قلت لادهم تعالى وريا قعدت ادور فى الخزنه لقيت

راديو قديم ففكيته و طلعت لوحة الترانزستور









و جبت فيشه مقطوعه و ركبتها فى لوحة الترانزستور






و جبة لمبه صغيره و وصلتها








و ركبتهم كلهم مع بعض

و روحت اديتها لادهم اخويا

قلتله روح حطها فى الفيشه فى الصاله

و انا استخبيت معرفش ليه وقتها







و عينك ما تشوف الا النور

حطها منها هنا و دى قالت فرقع و عملت صوت انفجار

و دخنت و عملت قفله فى الشقه و اخويا اتخض

و والدتى طلعت مخضوضه فيه ايه ؟

عملتوا ايه يا مصايب


روحت قلتلها دا ادهم لعب فى الكهرباء مليش دعوه

و ادهم يعيط و انا برتجف يا عينى

و خدنا علقه سخنه

عالم مش بتقدر كنت هطلع عالم بس ملقتيش الامكانيات