عرض مشاركة واحدة
قديم منذ /10-11-2013, 09:59 AM   #1

خارج عن القانون

 

 رقم العضوية : 74546
 تاريخ التسجيل : Apr 2010
 العمر : 35
 الجنس : ~ ذكر
 المكان : جمهوريه شبرا الديمقراطية المتحده
 المشاركات : 23,513
 الحكمة المفضلة : كن كما تحب ان تكون ولا تلتفت لاراء الكارهون
 النقاط : خارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond reputeخارج عن القانون has a reputation beyond repute
 درجة التقييم : 2421980
 قوة التقييم : 1211

خارج عن القانون غير متواجد حالياً

 

 

 

 

 

أوسمة العضو

العقلية الاقتصادية semogein منظم مسابقات 437 402 286 167 89 

افتراضي حلقه جديدة من ( أجمد عضو ) معنا (morshooo)

بسم الله الرحمن الرحيم

اهلا بيكم جميعا

وحلقه جديدة من برنامجكم

( أجمد عضو )




النهارده هتكون حلقه مختلفه شويه

النهارده هيكون المذيع هو الضيف

هيكون معايا ومعاكم العضو الغنى عن التعريف



مشرف يوميات الأعضاء








س/ اهلا بيك يا مورشو فى اجمد عضو ؟

اهلا اهلا بالنجم
وسعيد بعودة ( اجمد عضو )


س/ بما انك لسه متجوز جديد ايه رايك فى الجواز؟

والله تمام والحمد لله مبسوط جدا
وكفايه انك بتدخل على مسئؤليه جديدة
وبتكون صاحب بيت ومسئؤل عن اسرة


وتقول ايه للشباب اللى مش بيفكر فى الجواز من باب سبنى اتمتع بحريتى؟

والله انا كنت بفكر كدا برضو وكنت
كل لما يتقالى يابنى اجوز اقول وانا
هوجع دماغى ليه من دلوقتى بس بجد بعد الجواز الامور اتغيرت
ولقيت دنيا تانيه خالص الواحد دخل فيها .


س/ فترة خطوبتك كانت سنه تقريبا شايف انها كافيه عشان العريس يعرف فيها عروستها ؟؟

اكيد كافيه
والحمد لله كان فى توافق بينا كبير
ودا حاجا كدا من عند ربنا زى ما بيقولو
وعلى فكرة انا اول مرة شوفتها
قولتلها هاجى اطلبك من والدك


وهل انت عرفت فى السنه كل طباع زوجتك والا الامر اختلف بعد الزواج ؟؟

لا عرفنا عن بعض حاجات كتير جدا خاصه
طباعنا وعلى فكرة سنه مش قليل يعنى
اكيد قدرنا نفهم بعض كويس وكمان من بعد
الزواج التفاهم كبر بشكل معقول جدا


س/ ايه اكتر حاجه شايفها بتاثر ع الزواج بشكل سلبى وبتجعل فيه مشاكل وتنافر بين الزوجين ؟؟

اكيد الغيرة
وعدم اهتمام الطرفين بالاخر
دا بيأثر على الحياة الزوجية بشكل كبير


س/ ندمان انك اتاخرت فى الزواج خاصه وان عندك 29 سنه والا شايف ان ده السن المناسب للزواج ؟

بالعكس مش ندمان والا حاجا
لسبب بسيط انى كنت مقتنع تماما
بحياتى قبل الزواج ودلوقتى اصبحت
مقتنع بها جدااااااااااا








س/ ايه اكتر برنامج ليك فى اليوميات شايف انه ناجح جداا؟؟

اكيد

( اجمد عضو )

س/ طالما انت شايف انه برنامج ناجح جدا ليه وقفته ومستمرتش فيه؟؟


هو موقفش والا حاجا انا كل فترة
بوقف البرنامج وبرجعه تانى
وقبل كدا البرنامج وقف تقريبا ( 3 مرات )
وابدء حلقات جديدة بعديها بشهرين والا 3


س/ وبتوقفه عادى من غير سبب والا عشان؟؟ مافيش مشاكل عند الاعضاء ممكن تتكلم عليها؟؟
وياترى بترجعه برضو من غير سبب والا عشان المشاكل رجعت تانى؟؟

مشاكل الاعضاء مش بتخلص اكيد
والاحداث فى المنتدى كل يوم فى جديد
وبيساعد على ان الواحد يستضيف اعضاء
انا بس عايز اقول حاجا بخصوص الاستضافات
انا متاكد ان اصعب حاجا فى المنتدى عمل استضافه
الموضوع مش سهل انى اجمع معلومات عن عضو
واستضيفه خاصه لو الاستضافه
بخصوص مشكله يعنى لازم اكون متاكد من كلامى
مع الضيف مش هستضيف عضو واخمن فى الاسئله
والتوبيك مفيش سبب بوقفه بيه والا سبب
برجعه بيه الموضوع باختصار حسب
مودى انا حابب اقدم ايه ومقدمش ايه


س/ كتير من الناس شافت ان برنامج اجمد عضو كان بيثير المتاعب والمشاكل
وده ظهر بشكل كبير فى استضافات يا التوبيك يتحذف فيهم يا يتقفل؟؟


اتحزف قبل كدا ( مرتين )
واتقفل تقريبا ( مرتين او 3 )
اتحزف اول مرة كان من تقريبا
سنين
وكانت حلقه قلبت لخناقات بين الاعضاء
وانتا اكيد فاكر الحلقه دى .
تانى حلقه مش فاكر تفاصيلها بصراحه
بس اتحزف توبيك تانى .
بخصوص المشاكل الى عملها ( اجمد عضو )
انا مبجبش مشكال من عندى كل الى بيحصل
لما بيكون فى خلاف واضح لجميع الاعضاء
بستضيف واحد من طرفى الخلاف وبيوضح
الصورة للاعضاء سواء كان صادق او لا
دى مش مشكلتى يعنى مثلا لما عضو يرجع
من حظر واستضيفه ويقول الادارة عملت
انا مقدرش اقوله انتا بتكدب لسبب بسيط
الادارة نفسها مبتقولش انا حظرت دا ليه
فالادارة وقتها بتدخل تحكى التفاصيل
ودا حصل كتير من الادارة انها بتوضح الامور
فى التوبيك بعد اعلانها .
فالمشاكل مبجبهاش من عندى والا حاجا .


وايه كان شعورك او رد فعلك لما الموضوع يتحزف او يتقفل ؟


هقولك لو الغلط من الضيف مش بزعل
والا بضايق لان مهما الواحد عمل لما
بستضيف عضو بيكون فى موقف الدفاع
يعنى مش هستضيف عضو يدخل يشتم
ويقول دا معرفش ايه ويرمى بالكلام
لما بيكون سبب الحزف عشان عضو دخل
غلط وشاط فى كله عشان الحلقه تتحزف
بفضل ورا الحلقه لحد لما ترجع تانى ودا حصل
برضو كتير ان مراقب او ادارى يقفل التوبيك
وارجعه او يحزفه واعيد تنزيل الحلقه مرة تانيه .


س/ ايه اكتر استضافتين فاكرهم كويس وحاسس ان الاستضافه حققت الغرض منها؟؟


والله فى حلقات كتير جدا
بس الى فاكرة جدا
( شاهين والمنشاوى )
و
( محمد علاء ) ومش فاكر كان مين على خلاف معاة


وايه كان السبب فى الاستضافات ديه اصلا وايه هو الغرض اللى اتحقق؟؟


موضوع شاهين والمنشاوى
تقريبا اعضاء كتير عرفت الى حصل بينهم
والموضوع كان وصل لخلاف كبير جدا بينهم
خاصه من ( المنشاوى ) رغم ان لما عملت
معاة الحلقه الخاصه بيه وضح امور كتير
وازاى كان وصل بيه الحوار للدرجه
الى عملها واعلن اعتزارة ل ( شاهين )
قدام الجميع .
الخلاف التانى كان بين ( علاء )
ومش فاكر والله مين ^_^
بس كان العضو التانى بيقول ان ( علاء )
بيستخدم صلحيات المراقب عشان يحزف
ويقفل وانه مستقصدة وعملت
حلقتين كل واحد قال الى عندة والموضوع
والحلقتين وضحو حاجات كتير .



س/ فاكر التوبيك ده
يرجو اعادة دراسة القوانين
كنت انت اكتر واحد بتستخدم الخاصيه ديه وكنت بتستخدمه بشكل شخصى لمواضيعك وبس
ولما انا عملت توبيك بطالب بالغاء الهاك ده انت طالبت باستمراره
ياترى حاليا وبعد الغاءه شايف استمراره والا الغاءه احسن وليه؟؟؟

والله ما فاكر قوى الحكايه دى بس
طالما خاصيه ليه كمشرف ليه ماستخدمهاش
طالما هى للمشرفين فدى مفيهاش استخدام شخصى والا حاجا
دا هاك متركب للمشرفين وكنت بستخدمه
بس اعتقد عدم وجودة افضل اكيد لا فاكر
وقتها كنت تدخل القسم يجيلك عما الوان



س/ فى الاستفتاء بتاع امجد بتاع اعلان سبب الحظر انت طالبت باعلان السبب
ياترى بعد ما شفت تعليق الاداره على حظرى اول مره لسه بتطالب باعلان سبب الحظروالا لا؟؟

وهو تعليق على حظرك كان صح
بص انا مقتنع جدا بتوضيح سبب الحظر
والعضو الى يقول لا يبقى خايف من حاجا
الموضوع مش محتاج تفكير
انا اخد حظر يبقى خالفت قوانين المنتدى
يبقى قولى تم حظر ( مورشو ) لانه خالف
قوانين المنتدى خاصه البند كذا
واكتبه لكن اقوم الصبح الاقى ( مورشو )
واخد حظر طيب ليه وعشان ايه محدش
هيعرف اى حاجا ومين صح ومين غلط
الله واعلم .



س/ انت اتحظرت قبل كده كام مره وايه الاسباب؟؟

اتحظرت مرتين
اول مرة بسبب ( عند ) مع طارق
فى انى نزلت توبيك فى قسم المشرفين
ومش فاكر كان بخصوص ايه بالظبط
بس هو دخل رد وبعد ردة قفل التوبيك
فنزلت توبيك رديت عليه فيه
فتقريبا رد تانى ودمج التوبيك مع التوبيك
المقفول فنزلت تانى توبيك ورديت عليه
المهم بسبب كدا اخد حظر
تانى مرة بقى كان حظر كوميدى
حد كان عامل عضويه وعمال يوزع رابط
منتدى تانى على الاعضاء فدخلت المنتدى دا
وسجلت فيه ونزلت موضوعين فتم تعينى مراقب
كان منتدى جديد حتى مكنش ظاهر على جوجل
فعشان ادخل المنتدى كنت باعت لنفسى هنا فى المنتدى
فى رساله خاصه رابط المنتدى التانى عشان
لو عايز ادخل اعرف ادخله فلقيت تقريبا
( ضياء ) مدينى حظر وقال تقريبا ان انا
صاحب المنتدى التانى .
واحسن حاجا ان المراقبين والاداريين وقتها كانو
مكبرين دماغهم يعنى اة دا مدى لدا حظر خلاص
محدش يقرب والا يقول ليه وعشان ايه ^^
وبعتولى انى ارجع المنتدى بعد ما ضياء مشى
من المنتدى تقريبا


وياترى فاكر كانت الاداره كاتبالك ايه فى الحظر؟؟

لا مش فاكر بصراحه






س/ كنت فين من ثورة 25 يناير وايه رايك فيها؟؟


كنت فـ البيت
لا انا عمى ( رحمه الله )
اتوفى يوم ( 28 يناير )
فسفرنا قعدنا تقريبا ( 4 ايام )
وكان سبب قعدنا كل دا كان
الاحداث وظروف الحظر والطريق والكلام دا كله
بعد ما رجعنا طبعا كانت الناس قاعدة فى بيوهتا
وكل الى يهمها حمايه الشوارع
و ( اللجان الشعبيه )
وطبعا كله عارف كان موقفى ايه من ثورة ( يناير )
انا كنت ضد الى بيحصل فى ( مبارك )
ولكن مع اسقاطة وقولت وقتها
مفيهاش حاجا لو استنينا ( 6 شهور )
ونعمل انتخابات لان البلد هتقع والحمد لله
وقعت ومقمتش من ساعتها .


س/ يعنى انت تفتكر لو كنا سبنا نظام مبارك الكام شهر دول
مكنش اعتقل كل اللى فى التحرير واللى شارك فى الثورة او على الاقل اللى دعى اليها؟؟

يعنى بزمتك بعد الملايين الى نزلت الشوارع
وشكل الميادين بكم الناس الى فيه
كان هيعتقل وهيمسك ابنه البلد اعتقد
مستحيل كان يحصل كدا
ولو كان دا حصل كانت الناس هتسكت
بس بينى وبينك ميزة الثورة انها مسكت شلة الفساد
يمكن كانو هيكونو هم المستفيدين الوحيدين
بهروبهم كلهم للخارج .



س/ كنت فين من ثورة 30 يونيو وايه رايك فيها؟؟


30 يونيو انا شايف ان هى دى ( الثورة الحقيقية )
لانها كانت مكتمله الصفوف
( شعب و جيش وشرطة )
انا ضد ( الاخوان ) مهما عملو وكنت ضدها
فى الانتخابات سواء المرحله الاولى او الثانيه
وكنت بستغرب من الناس الى تقولك
مفيهاش حاجا لما نجربهم .
كنت بتاكد اننا فعلا شعب ( طيب )
وحسسونى اننا بنشترى ( بنطلون )
وهنشوف هيبقى شكلنا فيه حلو والا لا
عموما الى حصل حصل والحمد لله ظهرو على حقيقتهم
ورمو المؤيدين ليهم فى الشوارع وهم كان
كل همهم ازاى يهربو واحد ورا واحد والغريب
ان فى منهم لسه مقتنع بيهم بس مدارى
فى ( نعم لرابعه ) ويقولك انا مش ( اخوان )
طيب انتا مش اخوانى اومال بتطالب بعودتهم ليه


س/ انت بتقول على 30 يونيو هى ديه الثورة الحقيقة

اومال 25 يناير كانت ايه؟؟

الى اعرفه عن معنى ( الثورة )
ان بيكون ليها هدف وليها قائد
محدش ينكر ان ثورة يناير مكنش ليها
اى هدف فى بدايتها الاهداف كانت بتكبر
مع عدد الناس الى نزل لحد لما وصلت للتنحى .
عكس ثورة ( يونيو )
الشعب نازل من اول يوم ليه طلب واحد
( عزل مرسى )
وكان الشعب او فئه كبيرة من الشعب
مع الجيش ومع الشرطة
هى بالنسبالى الثورة الحقيقية
ولكن اكيد محدش هيقلل من ( ثورة يناير )


س/ شايف نفسك مين فى دول
حزب كنبه - فلول - ثوار - اخوان
وليه؟؟


( مصرى )
مايهمنيش الناس تقول عنى ايه سواء
( حزب كنبه - فلول - ثوار - اخوان )
انا مصرى وليه عقل بفكر بيه وبحكم
على الامور من خلال الى شايفة من وجهة
نظرى صحيح ممكن اكون صح او غلط .
لكن لما اكون غلط والامور كلها واضحه
واصر على غلطى يبقى كدا انا انتمى لـ
( حزب المغيبين )

س/ ما كلنا مصريين ولينا عقولنا اللى بنفكر بيها
ان كنا كنبه او فلول او اخوان او ثوار
بس كل واحد بيميل لحاجه معينه اكتر من التانيه
مورشو بقا بيميل لايه بالظبط ؟؟؟

انا قولتلك انا ( مصرى )
يعنى مثلا عشان مانزلتش فى بدايه
ثورة يناير يبقى انا كدا ( حزب كنبه )
او عشان دافعت عن ( مبارك ) اكون فلول
او عشان نزلت فـ ( يونيو ) اكون ثائر
كلها مسميات فقط ولكن فى الاول والاخر
كلنا مصريين


س/ ايه رايك وتعليقك ع الاشخاص الاتيه

مبارك
( رغم الفساد والظلم )
لكن بعد تنحيه
بعد استشهاد تقريبا ( 350 شخص )
اعتقد انه عمل الى محدش عمله

طنطاوى

لو كان اتفق مع الاخوان انه يديهم الرئاسة
مقابل الخروج الامن ليه يبقى
( منك لله )

مرسى
مسكت البلد سنه واحدة
شوف مات بسببك كام الف
وانا متاكد انه دلوقتى اكيد بيقول لنفسه
( انا كان مالى ومال الرئاسة )
وعندة حق واحد صحى الصبح قلوله انتا
مرشح تكون رئيس نام وصحى تانى يوم
قالولة انتا بقيت ( رئيس )
نام وصحى تالت يوم قلولة انتا فـ
( مكانك الـ تستحقه )
ان شاء الله طرة

السيسى
بعيد عن النفخ الى الشعب بينفخه بيه
وتشبيهة بعبد الناصر والسادات
لكن
راجل بمعنى الكلمه وخضع لـ أرادة الشعب
فى الوقت الى فيه ( رئيس الجمهورية )
عمل نفسه من ( بنها )



وبكدا تنتهى حلقتنا من برنامج











  رد مع اقتباس