[morshooo]

بسم الله الرحمن الرحيم

مزاج الخير

طبعا دلوقتى هيتم اعلان نتائج

مسابقه

( افضل ظاهرة فـ المنتدى )

عدد المشتركين كان

( 4 متسابقين )

فى منهم قدملنا ( ظاهرة واحدة ) واكلم عنها وعرض الحل ليها .

وفى قدم اكتر من ظاهرة وبرضو عرض الحل ليهم .

ياترى ( لجنة التقييم )

قالت ايه وقيمت ازاى دا الى هنعرفه دلوقتى

اعضاء لجنة التحكيم

( طارق ) ( المدير العام )



( دمعه حائرة ) ( أدارة عامه )



( ساحر الاحزان ) ( أدارة عامه )



التقييم

( الموضوع الاول )

يا ربنا أنت هناك ونحن هنا (تابع مسابقه ظاهرة فـ المنتدى )

( نزهة الفلاح )

حصلت على
( 6.5 / 10)

الادارة وافقتك ان دى فعلا ( ظاهرة فـ المنتدى ) ولكن .
دا كان ردهم بخصوص الحل الى قدمتية .

لا يمكن تطبيقة ..الظاهرة عامة مش بتشكل مشكلة ..و ان كانت
مستفزه احيانا لكن مش شايف انها معضلة متكرره أو بمعنى
انها لو ظهرت بتظهر في حالات معدودة
امكانية التطبيق صعبة جدا لان المطلوب هنا انك تخش و تحذف
التواقيع و الرمزيات و دا امر مش بحبذه
احنا بنتدخل في حالة كانت اباحية فقط
و مش حابب نضيق اكتر من كدا على الاعضاء
لو هنعمل حل يبقى هنلغي حاجه اسمها رمزية و توقيع و نريح
دماغنا
لكن موضوع اننا نعد نقول لواحد واحد طول الفستان شوية او
ارفع بنطلون الواد في الصورة فكدا مش هنخلص في يومنا ..و
يبقى بلاها توقيع و رمزية ..و تقدر اصلا تستخدم استايل الفون
مافيش فيه تواقيع




( الموضوع الثانى )

ظاهره فى قسم اليوميات ( تابع افضل ظاهره )

(همسه الجوارح )

حصلت على
( 7 / 10 )

اعضاء اللجنه وافقو انها فهلا ظاهرة موجودة فـ المنتدى
لكن دا كان ردهم بخصوص الحل الى طرحتيه .

تكرار استضافة العضو ايا كان منصبه شيء مش حلو ..و انا
شخصيا احاينا كانت بتيجلي عروض من شخصين في نفس
الوقت و كنت بقوله ان لسه عامل استضافة فمش حلو تنزل ورا
بعض ..و كان بيزعل حتى و يقولك اشمعنا فلان
عموما الااري بيكون عليه جدل كبير و دائما بيكونوا مستنيين
يسمعوا الاخبار او الاحداث منه و دا امر طبيعي بحكم
الصلاحيات و اطلاعه على المجريات
لكن بصفة عامة فظاهرة التكرار مش حلوة حتى لو كانت الاسئلة
مختلفة ..و لازم يكون في اهتمام بالاعضاء الاخرين حتى يتم
ادماجهم في المنتدى بشكل افضل

وكمان قالو

هوا حل كويس انه يراجع البرنامج ومايكررش الضيوف وده
حل سهل ومش متعب
بس نتيجته كويسه وهاتساعد فى تطوير البرنامج
لكن فى النهايه مش زنب العضو انه صدفه يتم اختيار الضيف
فى برنامج تانى
وبيكون هوا خلاص جهز الاسئله والاستضافه ودى بتحصل كتير




( الموضوع الثالث )

النوم فى المدونات .. مسابقة ظاهرة فى المنتدى

( احساسى صحيح )

حصل على
( 8 / 10 )

لجنه التحكيم اجمعت ان فعلا الظاهرة موجودة
ودا ردهم بخصوص الحل الى قدمتة

صعب تجبر عضو انه يشارك فى المنتدى او تقفل مدونته
وخصوصا ان الاداره محددة مشاركاته فى المدونه ل10فى اليوم
يعنى لو خلصهم ومش حابب يشارك
يبقى عنده مشكله وبيفضل العزله واعتقد الفتره مش بتطول
ولما بيلاقى حاجه تشد انتباه خارج المدونه بيخرج ويشارك

وكمان قالو

الظاهرة مهمة بالفعل لانها تفشت..لانها بتخلي اعضاء وجودهم
زي عدمه ..مش بيفيد في التفاعل و التشجيع ..في ناس هنا مثلا
بتكتب قصص أو موضوع كويس يستحق الاهتمام و التشجيع
..الناس اللي قافله على نفسها في صفحات مكشوفة مش بترد
عليهم و غالبا مش بتشوف حتى مواضيعهم ..و بالتالي فوجوده
و حضوره مش بيفيد المنتدى في شيء ..و زي ما ذكر دي فيها
شيء من الانانية

الحل بتاعهم طبعا صعب ..لان مافيش اصلا خاصية تقدر تخليني
اتحكم في مشاركاته زي ما ذكر ..قبل كدا كنت بحاول احد من
المشاركات اليومية في الصفحات ..و زمان عملناها مشاركة واحده
في اليوم ..لما جيت احد منها السنة اللي فاتت المشرفين اعترضوا
و قالوا زودها ..و خليتها عشره في اليوم ..و طبعا عشره كافيه
انها تخلي العضو المنعزل يكمل انعزاله في القسم هناك

وكمان قالو

ليها حل تخفيف عدد المشاركات مثلا لمشاركتين فى اليوم أو تلاتة
ومنع عنها الايكات والتقييمات
فية أعضاء يبقى عندها حالة نفسية بره وتخش تكتبها فى المدونة
سوء حدث سعيد ولا محزن ولا قصة حب ولا حدث عام بيسجل
على شان ما ينساش أو نخلى قسم الصفحات
زى قسم الملاحظات محدش يشوفة غير صاحبة وبس؟
هى مش مدونتة عايز الناس تشوفها لية ؟




( الموضوع الرابع )

ملف كامل عن ظواهر المنتدى (

( big boos )

حصل على
( 7.50 / 10 )

اختلف لجنة التقييم فى الظواهر وقالو ان مش كلهم موجودين
خاصه فى ظاهرتى ( سن المشرف و عدم التوافق )

ودا كان ردهم على الحل الى طرحته فى التوبيك
هوا قدم حلول تعتبر معقوله بس هى بالفعل بيتعمل بيها فى نظام
المنتدى
سواء فى اختيار المشرفين او التوافق بينهم
انما فكره ان تعين ادارى للتوافق بين الاعضاء اعتقد دى مهمه
كل ادارى
مش محتاجين نخلى واحد فقط للمهمه دى
وكمان تحديد فتره لغياب المشرف دى موجوده وبيتعزل من الاشراف اللى بيتعدى الفتره دى

وكمان قالو

بخصوص تأهيل المشرفين فية مشرفين بيقى عندهم خبرة وفية
الخبرة بتيجى مع الممارسة حسب نشاط العضو المرشح وحسب
أحتياج القسم لية

واحنا بنحبذ ان يكون فية تفاهم بين أى مشرفى قسم لأن التفاهم
أساس النجاح

والحمد لله التيم الأدارى متفاهم وكل واحد بيأدى دورة والمشاكل
بنحلها بأقصى سرعة ونفصل فيها اما مراقبة المواضيع وأعتمادها
أحنا متابعين أول بأول وكل قسم من الأقسام المراقبة فية مشرفين
ولو غايبين برضة بيتم البحث عن الموضوع وأعتمادة بسى
مشكلة صاحب الموضوع انة عايز ينزل موضوع وبعد خمس
ثوانى يعتمد

اخيرا

نور كتب امور كتير و كلام مرسل ..كنت اتمنى انه يركز على ظاهره بحد ذاتها و يتعمق فيها




ملحوظة : تم معرفه لجنة التقييم انهم يقيمو المواضيع تدريجيا حتى
لا يتم تقييم المواضيع بينهم وواضح ان أرائهم فى النهايه كانت واحدة

بكدا يبقى الترتيب النهائى للمنافسه هو :

المركز الاول

( احساسى صحيح )


النوم فى المدونات .. مسابقة ظاهرة فى المنتدى


وسام ( افضل ظاهرة فـ المنتدى ) +250 مشاركه + 5 نجوم سيلفريه




المركز الثانى

( big boos )

ملف كامل عن ظواهر المنتدى (

200 مشاركه + 3 نجوم سيلفريه




مبروك للفائزين

وتحياتى

morshooo