[حجازى فارس المصرى]

أول كـــــــــلامى ومبــــدأ(1)***مديحى لســيد الخليقة
قولى بحكـــــــــمة ومبدأ*** ولا اغير ابدا حقيــــقة
ــــــــــــــــــــــــــــــــــــــــــــــــــ ــــــــــــــــــــــــ

يا طه ليك الوسيــــــــــلة***والنور جـــــــوا حروفك
ياما نفسى ألقى وسيلة*** أنابيها أقــدر أشـــوفـك
ــــــــــــــــــــــــــــــــــــــــــــــــــ ـــــــــــــــــــــــــ

من شوقى نازلة سيالة*** دموعى حتى ف/غنـاى
والخير مالى الســــيالة(2)*** لو خالـــــــية هو غناى
ــــــــــــــــــــــــــــــــــــــــــــــــــ ـــــــــــــــــــــــــ

اسمه مع اســم ربــــه*** علاه وعلى مـــــــقامه
واللى سالك فى دربه*** فى الجنة ضامن مقامه
ــــــــــــــــــــــــــــــــــــــــــــــــــ ـــــــــــــــــــــــــ

أنا يوم خلقى ما رادى *** والخلق ماشيــة تهـــاتى(3)
كل منــــــــايا ومرادى***شفاعة الحبيب فى تهاتـى(4)
ــــــــــــــــــــــــــــــــــــــــــــــــــ ـــــــــــــــــــــــــــــ
يا قلب خليك نبـــــيه*** ويا جروح أوعى تصــــــلى(5)
وبسيرة الغالى نبــــيه*** هتروقى لما تصـــــــلى(6)
ــــــــــــــــــــــــــــــــــــــــــــــــــ ـــــــــــــــــــــــــــــــــــ
بقلمى/صعب نسيانك/ حجازى

1-أى وما أبدأ به....اى الشئ الذى أبدأبه.
2-هى الجيب فى الجلابية يسمة فى الصعيد سيالة.
3-بكسر التاء وفتح الهاء ومعناها أى تتحدث بكثير الكلام من الخوف وذلك يوم القيامة.
4-بضم التاء وفتح الحاء ..جمع توهة والمقصود التوهان يوم القيامة.
5-بضم التاء...مأخوذة من الصليل.
6-أى تصلى على النبى صلى الله عليه وسلم