ياالله ياالله ياالله
سامحيني ياملك ..... كنت جبانة أوي لما شفت عنوانك
هربت بعيد وداريت خوفي من كلماتك
واللي حسبته لقيته وأديني والله ماعارفة أقولك ايه
أي كلام عمره ما يجدي هنا أبداً
ولا حتى أعتى الشعراء يقدروا يقفوا قدام
قلب بينبض هنا بين إيدينا ..... قلب خرج من جوفك
وإترمى وسط الحروف والكلام
يصرخ يقول ياناس عايز أقولكم اللي جوايا
اسمعوني مش عايز غير بس احكيلكم أسايا
دقاتي بعيدة بس الغريب ساكنة جوايا
ملك ....... اروع وصف وصفتيه هنا
ربي يحميكِ ويسعد قلبك ويثبته على حبك
|