[morshooo]

بسم الله الرحمن الرحمن

مزاج الخير عليكم

( بنات المنتدى ) كلهم ناس كويسين

بس والا بلاش انا مبحبش اجيب سيرة حد بصراحة

وكلة عارف عنى كدا

وكله عارف انى ( مؤيد ) لبنات المنتدى خاصة

بنات منتدى ( بنات مصر )

المهم امبارح قولت لما ابعت لكام عضو واسئلهم

ياترى اية رئيكم فى ( عضوات ) منتدى ( بنات مصر ) ؟

الاجابات نزلت على دماغى كالصاعقة بصراحة

ومكنتش متخيل ان ( رجالة ) المنتدى حنينين بالشكل دا

يعنى مثلا

( ابراهيم دياب )
مشرف القسم العام



قال

مساء الانوار حبيبى الغالى

تحياتى لحضرتك

عموما هما كلهم محترمات وموضوعات زى الفل هذا والله اعلم

وربنا يجعل كلامنا خفيف عليهم

يعنى ( ابراهيم ) كان فاضل بس يقولى واديهم دى



ماعلينا استمرارا لقلب

( شباب مصر الطيب ) المتغرغر بيهم

كمان النجم العاملى

( ساحر الاحزان )
أدارة عامة



الى قال

عضوات محترمات

ومفيش افضل من كدة

ارتحت

يعنى مش فاهم اية ( ارتحت ) دى

بس عموما انا قولت يمكن كانت

( دمعه حائرة )

كانت معاة وداست على رجلية وهو بيكتبها



خلاص يا ( دمعه )

وبعد الحنية المفرضة لقيت ( 3 رسائل )

جمال جدا وبيعبرو عن الحقيقة المرة

كان اولها من

( واد حبيب )
مشرف قسم الخواطر



الى اكلم وقال

في الاول كده انت عارف اني انا بقول الحقيقه وخصوصا لما تكون
علي عضوات المنتدي
هما اصلا ملهمش اي لزمه في المنتدي هنا هما اخرهم يقعدو يغسلو
الموعين طول النهار مش عارف جيين هنا يعملو ايه وخدين مكان
في المنتدي ومزودين الاعضاء وهما ولا ليهم اي لزمه
اما بخصوص موضعهم فدي تموت علي روحك منها من الضحك
اللي دخله تقولك انا مش عوزي امي دي طيب عادي متغريها
وشوفي امك تانيه
واللي دخله تقولك انا مش بحب الواد ده وعوزه الواد ده
من هنا اقدر اقولك الواد ده حلو سبق سنه
يا عم المفروض الاداره تحظرهم وتسييب واحده او 2 علشان
نضحك عليهم هنا

( سمعونى سلام جامد جدى هنا يا جماعه )



بعديها بشوية جالى كمان تعليق من

game010
مشرف اقسام كرة القدم



الى قال

اولاً الاسم بتاع المنتدى المفروض يتغير يكون شباب مصر
ثانياً كل مرة اشوف بنت عاملة موضوع ادخل او اقول يمكن استفيد حاجة
لكن مفيش خالص اى ايفادة شوية يتكلموا عن السلطة و شوية
يتكلموا عن الشوربة
ايه ده ياعم بجد المفروض كل البنات بتشالوا من الاشراف ...
العملية مش مستحملة و هما السبب فى خسارة المنتدى للاعضاء
الجدد
ومن الاخر الكوميك ده انا عملتوا وهيجب من الاخر



كمان سلام هنا وحيات ابوك



واخيرا جالى تعليق من

( عاشق متيم )
عضوية التميز



الى قال كل الى فـ قلبة

عضوات بنات مصر !!!
اعوذ بالله ؛
ليه بس السيره اللى تسد النفس دى .
وتخليك عاوز ترجع
دا لو كانوا سمحوا بالصور
كانوا كل اولاد المنتدى طفشوا وكرهوا البنات ليوم الدين
وكل واحده الشيطان ضاحك عليها ومحسسها انها حلوة
وهى اصلا ما بتبصش لنفسها فى المرايا
ولما بتبص خيالها بيقول حرام عليكى غورى بقى ..
واسلوب كلامهم بيحسسك انهم جايين من بره
الله يرحم ميت ابو كرفس وعزبه ابو شوشه اللى انتوا جايين منها
وتقولك انا كنت فى النادى
النادى ده هو المسمى العلمى للغيط
فهى بتعتبر الغيط كأنه النادى
وكل واحده مستنيه فارس بحصان اخضر
على ايه !!!!!!!
انتى اخرك واحد بحماره عارجه
ولا بتعرفى تطبخى ولا ... ولا .. ولا ....
دا كفايه انه هيجيله صرع اول ما يصحى من النوم ويشوف وشك ...

مواضيعهم
ولا ليها اى لزمه ؛ ولا مضمون ولا فكره ولا اى حاجه
مواضيع كماله عدد
وكل واحده بتفرح بالكام عضوة اللى داخله تجاملها
وترد عليها وتقول ميرسى
بتحسسك انها دارسه فى السربون
دا ما كانش دبلوم صنايع اللى انتى واخداه
وتلاقيها بتقول لصاحبتها انا بشرب كابتشينو
تقصد الحلبه ؛ اصلهم بيقولوا على الكابتشينوا حلبه ..
ما كله من ورا الشاشه
حد شايف حاجة
الشاشه مداريه بلاوى

تقولك انا بحب الموضة والازياء
وتقولك انا كنت بعمل شوبنج فى سيتى ستارز وسراج مول
وهى اساسا بتشترى هدومها من العتبه من الناس اللى واقفين فى الشارع
ويوم ما ربنا بيكرمها بتشترى من التوحيد والنور
واغلى طرحه بتشتريها ب 15 جنيه وتقول 100 جنيه
والجزمه بتشتريها ب 30 جنيه
والاكسسوارات
تقولك انا بموت فى الاكسسورات وهى اصلا بتشتريهم من الست
اللى بتبقى قاعده فى المولد
والمناكير والروج
بتشترى المناكير ابو 2 جنيه ونص اللى بيتباع فى المكتبه
وبتشترى روج اللى بيشقق الشفايف علشان كده العرسان بتطفش منهم

والبرفانات

بيستخدموا مايه تواليت

والاغانى الاجنبى
هى اصلا كان عندها ملحق فى الانجليزى فازاى بتسمع اغانى
اجنبى وهى يدوب بتكتب اسمها بالعافيه
وتقولك انا بموت فى اغانى اشانتى و ديستينيز تشايلد و
كريستينا اجيولارا و جينفر لوبيز و ويتني هيوستين
وهانا مونتانا
وهى اصلا اخرها اوكا واورتيجا وتسمع اغانى محمد طه بص
على الوحاشه وتضحك وتقول بيتكلم عليا ....

يا غالى انتا تطول براحتك

وعندك بوكية ورد احمر للراجل دا



وبكدا بتكون خلصت الحلقة الاولى والاخيرة

من

( بصراحة )