بسم الله الرحمن الرحيم
مزاج الخيرات 
( ومعانا اتصال تليفونى ونقول الووووووووو )
دا برنامج جديد هنشوف فية الى بيحصل من
( شباب المنتدى )
اخيرا هنزل حاجا عن الشباب
بس دا مش معناة انى عملت عليهم ( انقلاب )
سوف أظل وفى لجميع شباب المنتدى ولكن
جاتلى شكوى من عضوة معانا فى المنتدى وهى
ان شباب المنتدى مش سايبها فى حالها
وانا بدورى كان لازم اقف جنبها وقولتلها مفيش غيرة
( طارق ) كلمية واشتكيلة وفعلا اخدت رقم ( طارق )
وحصل الى حصل
( ومعانا اتصال تليفونى ونقول الووووووووو )
الو
ايوة يابنى مش معايا ( استاذ طارق )
ايوة يا حاجة مين حضرتك
انا الست يا استاذ طارق
الست مين
الست لما يابنى
ايوة مين انتى يعنى
مش انتا برضو استاذ طارق بتاع ( دهب دهب )
لا يا ستى النمرة غلط
والنبى يابنى هو قالى دا رقمك
ايوة يا ستى دا رقمى لكن مش رقم ( طارق علام )
والنبى يابنى هو قالى كدا
خلاص ياستى ( حصل خير )
ايوة ايوة بتاع ( سعد الصغير )
سعد اية ياستى النمرة غلط جربى تتصلى تانى
طيب يابنى معلش والنبى مالقية علاج الضغط
لا الف سلامة عليكى
والا السكر
معلش يا ستى
والا بتاع المفاصل الواحدة خلاص مبقتش عارفة
مبقتيش عارفة اية ياستى
مبقتش عارفة انك هتبعد يا حبيبى
سلام ياست انتى سلام
طيب استنى مش انتا اسمك ( طارق )
تانى ايوة انا ( زفت )
طيب ( زفت اية )
بقولك اية انا فى الشارع ومش عايز اعلى صوتى عليكى
يابنى هو قالى دا رقم ( طارق ) بتاع المنتدى
ايوة كدا ياستى انا ( طارق )
معلش يابنى انا قولت يمكن تطلع ( بتاع دهب دهب )
لا خير ياستى فى حاجا
اة يابنى فى حاجات وعايزة اشتكيلك
خير ياستى
شباب المنتدى يابنى مش سايبنى
لية بس حصل اية
هو فى غيرة ( الرجل المتواضع )
مالة
بيبعتلى رسائل يابنى وفيها كلام خارج
معلش انا لما ارجع البيت هبعتلة انزار
بعتلة يابنى بعتلة وعلى يد محضر
محضر اية ياستى ماحنا اجوزنا يابنى
طيب الف مبروك اومال بتشتكى لية بقى
اتغرغر بية يا حبيبى وقالى ( بعرف )
اية ياست الى بتقولية دا ( ان الله حليم ستار )
يابنى قالى بعرف ( اقرا الكف )
استغفر الله العظيم انا اسف ياستى
انتا الى دماغك منيلة يابنى
معلش انا اسف طيب وبعدين
والا قبلين طلع ما بيعرفش وضحك علية
طيب ياست حلو مشاكلكم مع بعض بقى
مش انتا الادارى ياخوى حل
طيب انا هتصرف
بقولك اية يابنى انتا مرتبط
لا ادعيلى ربنا يكرم
ان شاء الله هتبقى من حدى ونصيبى
انتى بتقولى اية ياست انتى
اية يا حبيبى قصدى يا ( طارق )
نصيبك اية انتى اكبر من أمى
فشر ماتقولش كدا لما تشوفنى هتعرفنى
طيب لما ابقى اشوفك بقى
نفس الى قالهولى اول مرة كلمتة
هو مين دا
( واد حبيب )
انتى وصلتى لواد حبيب
ويارتنى ما وصلتلة يا طارق يا حياتى
حياتك اية بس ياست انتى
معلش يا ( طارق ) اصل الى عملة ما يتعملش
هو عمل اية هو كمان
من يوم ما اتقبلنا وهو على كلمة واحدة
كلمة اية بقى
ماتسبنيش يا ماما ماتسبنيش يا ماما
معلش انا هتصرفلك معاة هو كمان
والنبى نفس الكلمة الى قالهالى لما اشتكيتة
هو مين دا كمان
( احساسى صحيح )
انتى وصلتى لدا كمان
ويارتنى ما وصلت دا لا احساس والا صحيح يابنى
لية بس كدا
كنتا فاكراة هيفضل ( واقف ) طول الليل وطلع ما بيقفش
ياستى اية الالفاظ دى
يابنى قالى هفضل ( واقف ) طول الليل احرسك
اااااااة معلش انا اسف ياستى
انتا الى دماغك فيها حاجات وحشة
طيب وموقفش يعنى
دا فضل نايم طول الليل ياحبيبى
طيب معلش حقك علية
انتو اية الكلام واخدينة من بعض
لية تانى
نفس كلام ( بيك بوص ) لما اشتكيتلة
هو انتى اية مابترحميش مفيش حد ماتعرفتيش علية
كان فاضل واحد بس والحمد لله عرفتة
ودا مين سعيد الحظ دا
هو لا طويل والا قصير والا تخين والا رفيع
عروستى
انا يا قلبى عروستك وحياتك
ياستى انتى اية بس انتى كام سنة
خمسة وشتين
طيب ربنا معاكى
مش عايز تعرف مين الى عايزاة
مين ياستى
هو أدارى فى المنتدى وبيتنرفز على الناس
ودا مين دا بقى
هو شرس ودا بيعجبنى فية عشان اعرف افردة واتنية
ياستى تفردى اية وتنيلى اية بس ماتنرفزنيش
طيب هم بيقولو ان فى ظروف عندة ودكتور يا طارق
ياستى المنتدى كلة دكاترة خلصى بقى
بيقولو ان شعرة سرح لورا يابنى
ياستى هتخلينى اشد فى شعرى وهو مفيهوش اصلا
هو البعيد ما بيفهمش بقولك ادارى ودكتور وشعرة سارح
قوليلى اول حرف من اسمة طيب
لا هقولك اسمة بالكامل
ياستى قولى
طارق
نعم
نعم ايه بقولك اسمة ( طارق )
اقفلى ياست انتى وانا ناقصك
روح يا شيخ الاهى اشوف شعرك زى كريم ودكتور زى يعقوب
طيب ياستى انا هقفل عشان انا بجد خلاص مش قادر
طيب هتصل بيك عشان احكيلك عن الى حصل
حصل فين
مع ( الرجل المتواضع ( و ( واد حبيب ) و ( احساسى صحيح ) و ( بيك بوص )
حاضر ياستى بكرة بقى سلام
ياترى اية حكاية كل واحد فيهم دا الى هنعرفة الحلقات الجاية