[صمتى كلام]

اكرهينى
على قد حبى ليكى اكرهينى
وزى ما اتعلمتى تكرهى علمينى
ابعد عنك وانسى انك دنيتى
اللى عمرى ما عشتها
وزى ما كرهتينى علمينى
اكره كل حاجه بحبها
علمينى اكرهك واكره جمالك واكره حلاوتك
كل حاجه حلوه فيكى ماتت من قساوتك
الحجاره اتكلمت وانا برده ساكت
وكل يوم تزيد غلاوتك
ليكى حق تحكمى وتتحكمى
واى حكم انا راضى بيه
بس المهم تنفذيه
اوعى يوم تضعفى
لو شوفتى قلبى بيتحرق
واوعى يوم تعطفى
لو شوفتى عمرى بيتسرق
وهاتى مرك واسقينى
صدقينى مش هعترض
ماانا كل مرة بعترض بتكسرينى
وكا ما اعمل انقلاب بتغلبينى
علمينى ازى اغلبك واعذبك
زى ما انتى بتعذبينى
ايه سلاحك عرفينى
نفسى يوم احكم هوالكى
زى ما انتى بتحكمينى
الصبر منى فاض والناس تلومنى ابتسم
وانا قلبى متجرح
والحمل بيا مال وكل يوم ضهرى يتقسم
نفسى بقى افرح
سنين وانا برويكى بدموعى وزارعك ورد
مستنى يوم يطرح
والناس منى تستغرب وتسألنى
طب هى تستاهل
أضحك على كلامهم وأقول الحب شئ سهل
بس انساها اهو ده اللى مش ساهل
والى ما اتعلمش من حبييبه ازى ينساه
هو ده الجاهل
وانا جاهل