[morshooo]

بسم الله الرحمن الرحيم

مزاج الخير

( ومعانا اتصال تليفونى ونقول الووووووووو )

اعزائى مشاهدى البرنامج
محدش يستغرب من الحوار الى هتشفوة
لان الى بيتقال دا كلة مالوش اى علاقة بالواقع
ولو لية علاقة يبقى ماليش دعوة
وياريت مانفهمش الحوار غلط
لاننا فى منتدى وكلة ناس محترمين بما فيهم
ضيوف الحلقات ومحدش يحكم على الكلام
الا لما يقرا الحوار بالكامل
وبرضو محدش يفهمنى غلط والا صح

قبل ما نبدء حلقه النهارده

احب اشكر الاعضاء ( المعارضين ) للتوبيك

يعنى فى منهم شاف ان التوبيك

( تافه ) ومنهم شافه ( مستفز )

بس لحظه

اقتباس





العيب ع الاعضاء اللي دآخلين يضحكوآ وفآكرين المنتدى شآت شمآل ,,


ليه بس كدا بقى منتدى شمال كلمه حلوه

عشان تتقال مع العلم ان دا تانى رد ليكى فى التوبيك

يعنى طالما اول حلقه مش عجباكى دخلتى ليه

تشوفى الحلقه التانيه

وكمان الرد دا

اقتباس





انا قليت من نفسي اني دخلت الموضوع ده وقريته
انا اسف
مش هدخل مواضيعك التافهه تاني

اهلا بيكم فى برنامج

( ومعانا اتصال تليفونى ونقول الووووووووو )

معانا النهاردة المكالمه الـ ( 4 )

تعالو نشوف حصل فيها ايه

الله ينعل ابو معرفتك

لية كدا يا طارق

لا معلش دا انا بكلم واحد زميلى بس

ااااااااه بحسبك بتقولى انا

لا وانا اقدر برضو

والنبى يا طارق انا بكون مبسوطه وانا بكلمك

ربنا يكرمك يا ستى

وبحس انك حد كويس وابن حلال

ربنا يخليكى

يعنى عايزه اقولك انى بقيت احلم بيك والنبى

ياستى ربنا يكرمك المهم هو فى حاجا

يعنى كنت بطبخ امبارح واتمنيت يكون الاكل دا ليك

ياستى ماخلاص بقى

والنبى بفرش قوضه النوم وقولت فينه حبيبى فينه

استغفر الله العظيم انا هقفل على فكره

خلاص ياسى طارق

خير فى حاجا

مش قولتلى عايز اعرف حصل ايه مع ( احساسى صحيح )

ااااه قوليلى حصل ايه معاه هو كمان

والنبى يا طارق ياسر غلبان وابن حلال

هو من ناحيه غلبان فهو غلبان وابن حلال فعلا

هو بس عصبى شويتين وقولتله بلاش العصبيه دى

كلنا قولناله كدا

والنبى انا قولتله وحظرته العصبيه مش هتجيب فايده

اه والنبى قوليله وعرفيه

اعمل ايه تانى بس دا قعد يتحايل عليه وانا اقوله لا

يتحايل على ايه انا بكلم على عصبيته

ايوه ماهو اول لما شوفته كان عصبى

اه ماهو هتلاقيه عصبى فى كل مكان

بس يا طارق الموضوع دا عايز هدوء مش عصبيه

ماهو سبب حظره عصبيته

مانا كمان حظرته من حياتى بسبب الى بيعمله

يله ربنا يهديه

انتا يرضيك فى حاله زى دى يبقى عصبى

لا طبعا المفروض يبقى فى عقل نفكر بيه

والنبى قولتله كدا وقولتله لازم يا ياسر تاخد وتدى

صح انا معاكى لازم يسمع ويقول رئيه بس بالعقل

قولتله كدا وهو مفيش فايده يقولى ويقولى لازم دلوقتى

هو ايه الى لازم دلوقتى

هو انا مقولتلكش الى حصل لما اتقابلنا

لا وانتى قولتى حاجا

مش يا خويا بعد معاناه معايا فى المنتدى طلب نتقابل

طبعا كالعاده فى شقه مفروشة

لا والنبى ماحصل وانا كل واحد بقى اوافق

ماشاء الله عليكى ايوه كدا اتقابلتو فين

على المحطه والنبى يا طارق

طيب كويس الراجل محترم ماشاء الله عليه

اتقابلنا يا طارق وقالى الناس عماله تبص علينا

تلاقيكى لبسه حاجا ملفته والا حاجا

لا والنبى كنت لبسه عادى يا خويا

المهم يعنى وبعدين

قالى تعالى نروح مكان نكون براحتنا فيه

عادى روحو اى كافيه

لا مبحبهمش من هنا لهنا طلعنا قعدنا فى شقه صحبه

استغفر الله العظيم تانى انتى

ما اعمل ايه بس يا طارق اعمل ايه

ياستى انتى مابتقعديش الا فى شقق

ياخويا اخاف لاحسن احاسيسى ومشاعرى تنزل منى فى الشارع

طيب ياستى وبعدين

اول لما دخلنا الشقه يا خويا كانت مقلوبه

مقلوبه ايه يعنى مش متظبطه

اه والنبى واول لما دخلتها قولتله

قولتيله ايه

قولتله ايه دا يا ياسر ( شقه دى والا انقلاب )

ههههههه مابلاش الكلمه دى مع ياسر

والنبى رده كان جاهز وقالى ( انقلاب )

هو كل حاجا فى دماغه انقلاب وبعدين

قولتله لا انا مقعدش فى مكان فيه ( انقلاب )

ههههه خدك ونزل والا ايه

لا والنبى قالى انا هظبطهولك فى خمس دقائق

طيب كويس وخلصه

لا والنبى دا قعدنا نظبط فيه لحد ما الوقت ما اتاخر

طيب وعملتو ايه

قالى لازم تباتى هنا النهارده

طبعا ما نفعش

لا نفع يا خويا والنبى

طيب هتقعدى معاه ازاى

ما انا اخد ضمانات منه انه يفضل واقف طول الليل

تانى هنرجع للكلام دا

يابنى مانا قولتلك واقف على باب القوضه

اه معلش نسيت طيب وبعدين

والا قبلين يا خويا قعدنا نكلم شويه الاول عن حياتنا

جميل واتفقتو على ايه

يبقى كل يوم خميس بس

هو ايه الى كل يوم خميس

افهم بقى يا طارق الخميس يا خويا

استغفر الله العظيم

ويبقى ساعه واحده بس عشان مايحصلش مشاكل

طيب خلاص ياستى خلاص وبعدين

والنبى ماكان راضى قالى لا ساعه قليل

ياستى خلاص قولنا راعى مشاعرى انا بشر برضو

ياخويا طالما بشر اعمل زى ما بيعمل

استغفر الله العظيم مستحيل اعمل معاصى بالشكل دا

معاصى ايه يالى تتشك

اومال الى بتقوليه دا ايه

ياخويا اتفقنا نرتبط بس نتقابل كل يوم خميس فى الشارع

اومال ايه ساعه قليل ياست انتى

انا قولت نشوف بعض ساعه واحده فى الاسبوع قالى لا قليل

استغفر الله العظيم وانا الى فهمت حاجا تانيه

انتا كل مره كدا يا طارق تفهمنى غلط

معلش انا اسف المهم وبعدين

قاعدين يا خويا فى البلكونه فمسك ايدى

اوباااااااا وبعدين

اترعشت يا طارق والنبى وكنت ماسكه مشبك وقع منى

ايه دوخك

اه والنبى

طيب وموقف المشبك ايه

جابهولى والنبى يا طارق وقالى اتفضلى يا حياتى

هههههههه دا بيموت فيكى وانتى عملتى ايه

قولتله ( تسلم الايادى ) يا ياسر

يخرب بيتك ( تسلم الايادى )

مجاش فى بالى يا خويا ان هيعمل الى عمله

عمل ايه

لقيته بقى زى المجنون فى الشقه

ليه عمل ايه

دخل جرى من البلكونه وقعد يخبط دماغه فى الحيطان

كل دا ليه يعنى

وانا اعرف يا خويا قولتله مالك يا ياسر مالك وهو على كلمه واحده

كلمه ايه

( تتشل الايادى ) ( تتشل الايادى )

طيب وعملتى ايه معاه

قولتله خلاص يا خويا تتشل بس ماتعملش كدا فى نفسك

لا حول والا قوة الا بالله

بعد يجى نص ساعه ربنا كرمه واتهد وقعد

طيب الحمد لله وحصل ايه بعديها

موبيلى رن يا طارق وعينك ماتشوف الا النور

ليه خير

جاتله الحاله تانى والنبى واكتر من الاول

ليه تانى

قعد يا طارق يتنطط على السرير ويقول ( انا فشار ) ( انا فشار )

ههههه فشار دا ليه كل دا

اصلى حاطه نغمه ( تسلم الايادى )

يخربيتك هو ناقص

طيب اعمل ايه يا طارق مجاش فى بالى والنبى

الواد اتجنن يعنى والا ايه

والنبى اتجنن وبعد ما بقى ( فشار ) خوفت على نفسى

طبعا اكيد سبتيه ونزلتى

اومال اقعد معاه يلسعنى يا طارق وانا ناقصه

طيب الحمد لله عشان كدا اختفى فتره

ايوه هى الفتره السودا دى

عموما الحمد لله واهو رجع بالسلامه

احمدك يا رب

ماشى ياستى يله انا هقفل بقى

طيب ما تستنى اقولك حكايه ( بيك بوص )

لالالالا دا عايز يوم لوحده

خلاص يا خويا هكلمك تانى واقولك حكايته

خلاص ماشى بس نور شقى شكله

والنبى يا خويا تقولش بياخد منشطات

ههههههههه ليه

بهدلنى يا طارق بهدلنى ودا سر نشاطه فى المنتدى

ههههههه طيب سلام بقى والاتصال الجاى نكلم براحتنا

سلام يا خويا



ياترى ( بيك بوص )

عمل ايه دا الى هنعرفه الحلقه الجايه

سلام