[جبل عالي]

السلام عليكم ورحمة الله وبركاته اسمحوا لي أسمي موضوعي رحلة بأعماق روح وادعوا الله ان يوفقني في هذه الرحلة وان يكون بين يديكم فكر وعقلية الشخصية التي أستضيفها **************************** خلوني اقولكم الشخصية اللي معايا حقيقة روحها راقية وجميلة جدا حبوبة ورقيقة ومجنونة وكبيرة وصغيرة يعني نقدر نقول كوكتيل كوكتيل من الصفات فيها هي الرقيقة بنظري ( كوين سوزان) برحب بيكي ياقمراية وبقولك جاهزة معايا للأسئلة وكده ؟ هنا الحوار اتفضلوووووا بقااااااااااا اية كل دة بجد انكسفت ووشى أحمر يا بنتى احم ايوة تمام معاكى يا مسهل .. بس قبل اى حاجة حبة اقولك ان سعيدة با معرفتك (أنا أسعد والله ياقلبي) عرفينا عن نفسك فى ثلاث جمل وكل جملة منفصلة عن التانية طيب مش عارفة ههههه هحاول البساطة اساس حياتى . والعقل والحكمة شخصيتى والجنان والرخامة طبيعتى اضربى كل دة يطلعلك الملكة الى هو انا أحم . ايه أكتر حاجة بتضايقك في سوزي ؟ ان عاطفية زيادة يعنى .. يعنى ممكن اكون زى الفل وحد يحكيلى حاجة اتعكنن على زعل الى قدامى وحياتى تبدء يكون فيها كئابة بسبب مشكلة حد حولية .. بحاول اخلى عقلى يتغلب على قلبى شوية واكتر حاجة انتي معروفة بيها بين اهلك واصحابك ؟ الجدية والخجل + خفة الدم (ربنا يحميكِ ياجميل) نيجي للهوايات ايه موضوع حبك للمدعو عمرودياب وما هي أقوالك فيما هو منسوب اليكي ؟ لاحقيقي ايه الحكاية ؟ عمرو ♥ عارفة حب المراهقة هو عمرو دياب حبى الاول والاخير احم .. بجد والله انا طلعت لقيت نفسى بسمعة وبدئت اتعلق بية زعلانة بسمع عمرو فرحانة بسمع عمرو .. مش لقية حاجة اعملها بسمع عمرو بذاكر بردو بسمع عمرو لحد لما بقة عندى غالى لدرجة ان مش بتحمل حد يتكلم علية ... وبحبة ♥ وانا شايفة ان احسن مطرب حولت اتعالج وابطل اسمعة فا مش بعرف ابطل اسمع اغانى غير فى رمضان وكمان كان مدرس القران قالى خفى من تعلقك دة لان هتنحشرى معاه واش عرفك هو داخل الجنة ولا النار فا انا رجعت نفسى وبقيت بحب عمرو دياب كا صوت انما شخصية احم احم بحبة بردو هههههه هكدب يعنى طب هل تعتقدي ان مغني ولا ممثل ممكن يكون قدوة لحد ؟ بصى هو قدوة فى ان عندة 54 سنة ولسة شاب تحسية 29 ودة با الكتير بس اكيد مينفعش حد يكون قدورة غير ( الرسول صلى الله علية وسلم ) والله يا بنتى بحاول اخلص من تعلقى بسماع الاغانى لية وان اتابع الاخبار بتعتة لان فى ناس كدة فى حياتى بدئت تغير منة هههههههه (هو ده عين العقل ياقمر) ليه بنات مصر ؟ ومن امتى عرفتيه ؟ تقريبا دالوقتى 4 سنين .. بنات مصر جات معاية صدفة فا سجلت وقالت اتابع بس شدنى المنتدى بصراحة بقة لازم اشارك وحبة حبة بقة لية صحاب اكتر من اخواتى .. بعت عن المنتدى فترة بسبب شخصى بس رجعت تانى لان محدش يستاهل ابعد عن مكان بحبة بسببة (عجبتيني في الحتة دي بجد) نوعية المواضيع اللي بتشد نظرك واهتمامك ع المنتدى ايه ؟ دة حسب المود بتاعى وانا دخلة المنتدى .. لما بكون رمانسية << بجرى على الابدعات وممكن اكتب كمان .. لو متعصبة من السياسة بدخل على قلم الاعضاء او الاخبار او اغير مودى با الانتشار بس انا اللى بيشدنى اكتر لما بلقى موضوع بقلم العضو اى كان بقة خصوصا اى توبيك لمنة فى الابدعات بحس ان هى فاهمة انا عيزة اكتب اية (اي قلم بيكتب بإحساس صادق بنحس انه بيقول اللي جوانا فعلا) ياترى رياضتك المفضلة ايه ؟ الكورة كانت بلعب كورة لحد سنة 5 لحد لما حصلى اصابة ههههههه فى دماغى وبعد كدة بقيت اخاف امسكها حتى وحالا الجرى دة اللى بقدر علية (براااافو براااافو) والرياضة هل لها مكان بحياتك ؟ اة بحب اجرى عشان جسمى ميزتش بجرى الجمعة من كل اسبوع وبقيت بشجع البنات صحابة عشان مجريش لوحدى ياترى ايه حكاية الخزعبلات معاكي ؟ الخزعبلات جات با الصدفة << انا عشان من الشغل اللى البيت اللى العمل السياسى الى القرصات فا بيكون عندى كابت ذهنى فا لازم افرغ الكابت دة فا الخزعبلات بحول الكابت دة والتشاحن الفكرى اللى كلام بيضحك بس كدة ومنة شجعتنى استمر فى القسم وامسكة فا لما مسكت القسم بقيت بكتب اكتر وربنا يسهل وافضل اطتب حاجات تعجبكم بتجيلك الافكار الخزعبلية دي إزاي ؟ زى ما شرحتلك يا توتى كدة فى السؤال اللى فات لما بتتخنقي لوحدك بتعملي ايه ؟ خصوصا لو من غير سبب بعمل هبلة واشغل نيكول سابا واديها هبل وتنطيط لو مجابش فايدة .. بدخل الاوضة اقفل على نفسى واجيب الدبدوب الى اتمرمط معاية دة واقعد احكيلو و ارسم سمة وحطة فى مذكراتى عشان لما اشوفة افتكر الساعة المنيلة دى واضحك (خير ماعملتي والله ) وايه السؤال اللي كنت منتظره ولم أسأله ؟ انتى لية اسمك سوزان ؟ هو دة بسبب حبكم الى سوزان ممبارك مثلا اكتر سؤال اتسئلتو فى حياتى هههههه (هههههههه محدش بيختار إسمه ياحبيبة قلبي) معلش حبة عقل وانضباط وكيده بقااااا ايه رأيك فى الحرية اللى اخدتها البنت والمدى اللى وصلت له من استعمال الحرية دي ؟ أحم فى بنات بتصون الحرية دى وفى بنات بتحولها الى مسخرة دة اللى بشوقة .. بس انا بقول ان كل شئ با المعقول حلو يعنى الحرية بحدود واصول افضل من الحرية الهبل اللى بتتحول ضدد اى بنت والشباب والناس طبعا بتفهم غلط . وهل شايفة ان تصرف البنات الغير مسؤول احياناً بيضر بباقي البنات ؟ اة طبعا عارفة المثل الى بيقول الحسنة تخص والسيئة تعم هى كدة عمالتى حاجة كويسة هيتقال البنت دى كويسة لو عمالتى غلط هيتقال البنات كلهم كدة يعنى بشوفة حكم غلط بمعنى لما الأهل يشوفوا بنات ماشيين فى الشارع ونازلين ضحك وتهريج بصوت عالى ويضطروا يرجعوا على بنتهم بتقييد خروجها مع صحباتها اة وحصل معاية مرة كانت خارجة مع بابا بجيب لبس وشاف بنات مقضينها فى الشارع مسخرة .. واحنا مشيين قالى منتش طلعة مع صحابك عشان لما بتطلعو مش بتاخدة بالكم ان الناس بتتفرج عليكم .. بس اقنعتة ان وربنا ما بنعمل كدة يا بابا واقتنع ايه رأيك ؟ ؟ وهل موقف الاهل هنا معذورين ولا لا ؟ اة معذورين لان طبعا لازم يخافوا على بنتهم مفيش امان الايام دى يعنى الاول كانت بحضر محضراتى ممكن تكون السعة 7 يعنى هوصل البيت 9 دالوقتى لء اخرى فى الكلية 8 وبتاخد غياب لان مفيش امان تمشى لوحدك فى الشوارع الايام دى ايه رايك في طريقة لبس الحجاب اللي اصبحت غريبة الايام دي ؟ ههههه غريبة ازى عشان بنعملها فيونكة على شقة مثلا .. هو انا بصراحة مش بثبت على لفة معينة يعنى حسب الطقم بس لازم تكون محترامة .. انتى بقة قصدك على اى نوع يعنى ! ( اقصد على اللي بتلبس محزق وملزق وفوق راسها حجاب غريب) نصيحتك ايه لكل بنت بتزعل من أهلها بسبب تقييد حريتها احيانا؟؟ اقولها يا هبلة دول بيخافة عليكى بس انتى با شطارتك تثبتى ليهم انك قد الحرية والثقة دى يعنى افهمى انك مشيك فى الشارع بتدلى على تربية اهلك فا اتلمى وامشى عدل واللى يمشى عدل يحتار الاعداء فية اة والله وهل شايفة ان الوضع الأمني ولا الإجتماعي حالياً يطمن بالنسبة لحد ؟ هههههه بزمتك دة سؤال فين الامن دة بقولك بسيب محضراتى واروح عشان مفيش امن يعنى اذا كان الخناقات والمظاهرات بتكون فى ععز الظهر وبنتبهدل فى الطريق ما بالك بالليل يارب نخلص بقة من المرحلة دى ياااااااارب (هو سؤال مستفز عشان اسمع منك التأكيد ده ياقمر) رايك فى انتشار البلطجة حتى مابين الأفراد العاديين ؟ انا شيفها قلت ادب من الاخر ومفيش اخلق وكمان الامر اتحول بلطجة فى كل حاجة ومد ايد ولسان مش دة الشعب المصرى تحسى ان اتحول انا شايفة لو النفوس بين الشعب صفيت هيكون كل شئ تمام ( لوووو.... ادعي دايما ربنا يصلح حالنا جميعا ) بمعنى بقى كل واحد عايز يفرض سيطرته بأي شكل من الأشكال اة والله حتى البنات عيزة تسيطر على الشباب .. وتبلطج عليهم هههههه والله بشوف السنادى فى الجامعة نصايب يا اوختى ... بس دة من عدم الاتذان الفكرى وقلة الوعى صدقينى كل دة تحت عدم الادراك تفتكري في أمل إننا نرجع تاني نحس بالأمان ؟ وامتى ؟ اة طبعا هنرجع تانى .. امتة بقة يعنى على كمان سنتين كدة المهم النفوس تصفة ونبطل شغل القط والفار دة وايه سبب رأيك ولا نظرتك دي ؟ السبب ان مش هنرجع طول ما احنا طمعنين فى السلطة فهمانى يعنى اللى بيطمع فى حاجة مش بيعرف يتعامل مع حد لان بيكون رركبة الغضب والحقد وشوية حاجات تانية ياترى موقفك السياسي ايه باختصار وبحيادية ؟؟ با حيادية انا بطلت اتكلام فى السياسة او اطلع صالون سياسى لان جالى انذار زى اى حد سياسى كان ظاهر الفترة اللى فاتت ان هيتقال عليك اخوان وهتتشد فى السجن .. وقمة المسخرة ان يجيلك تهديد انك هتتشدى اخوان وانتى اصلا معروفة فى الحزب ان تفكيرك بين العلمانى او البرالى ههههههههه مسخرة يعنى من الاخر بس المهم .. انا يا ستى ولا مع اخوان ولا سيسى كلهم نفخ والشعب بيطبل وخلص وحتى الدستور اللى بيتعمل فية غلطات وتدخل من جهات مش من المفروض تدخل + ان المفروض يكون الرئيس الاحطياتى يشتغل مش يكون بطيخة كدة والسيسى يشتغل الشعب با شوية حنية انتو عنينا وانتو قلبنا والكلام المعسول دة السياسة مفهاش حب ولا فيها تطبيل واحنا كا مصريين احسن شعب يطبل وينفخ اللى عيز يتنفخ انتى فهمانى انا مش بايد حد بس بشوف الموقف السياسى بدماغى انا وعشان ربنا واهلى بقيت بشوف واحلل مع نفسى واروح اسمع اليسا عشان او دخالت السجن ابوية هيروح فيها والامر مش مستاهل مش هعدل المايلة .. وكان نفسى اكون عضوة مجلس شعب بس يالة كان كلو احلام متهيألي صدعتك صح ؟ لا يا توتى انتى زى العسل والله والاسئلة حلوة (انتى أجمل والله) بس حقيقي استمتعت بحواري معاكِ بجد وانا كمان استمتعت با الحوار ربنا يحميكِ يا حبيبة قلبي ويصلح حالنا جميعا استودعكم الله والى لقاء آخر تحياتي وتقديري جبل عالي