حاسس بوحده رغم ان ناس كتير حواليك مدقش
حاسس بعيون كتيره عليك متتخضش
هما كده يموتو فى الرط والنميمه
ومش عاجبهم ابدا حد
ومش بيسيبو حياه حد سلميه
بيعيدو ويزيدو فى حوارت وفلان قال وفلان عاد
فاحسنلك متهتمش وخليك عايش كده سلطان
البعد عنهم غنيمه خليك عايش فى امان
وخلى عنوان حياتك الروقان وصدقنى هتكون انت الكسبان
سيبهم لحكاويهم والفضا اللى ماليهم
عن عيوب الناس مفتحين وعن عيوبهم مغمين عينيهم
فاكرين كل الناس معيوبه ومش عارفين ان العيب ماليهم
ولو اتجرأت وحاولت تقول للغوله عينك حمرا
تبقا ليلتك مش فايته وليليه غبرا
هيقولو وهيعيدو وفى الاخر تطلع مجنون
فخليك بعيد عنهم وخليك ساكت وفى المضمون
زمان قالو الكلام من دهب دلوقتى بقولك اسكت علشان كرامتك تصون