[فتحى عيسى]

متزعلش منه ...
مش ذنبه انه محبكش ...
ولا بإيديه ...
لو عليه ...
كان سلم عمره ...
ووهبك مني عينيه ...
بس يخسارة ...
قلبه مش فيه ...
واخده غيرك ...
طاير بيه ...
معلق فوق في السما ...
وسايبه هناك ...
اعذره ... وهون عليه ...
بترجاك ...
متجرحوش ...
كفاياه ...
بتموت أمانيه ...
بتاخد روحه منه كل ليله ...
ومبترجعش ليه ...
والنهار ...
بيطلع يوم ويوم ...
والشمس ...
مبتسألش فيه ...
حتي القمر ...
خاصم السهر ...
والنجوم ...
وحشتها عينيه ...
اوعاك تحسسه إنك ...
عليه ملهوف ...
او تضغط عليه ...
من نفس الكاس ...
بنشرب خوف ...
من بكرة ...
واللي جي بيه ...
فتحي عيسي
الرياض
مساء الأثنين
11-11-2013