[Şα3Đ..♥]

فقري والدنيا بتعاند ف قلبه وهو بيعاند وعاملي فيها واحد جامد وبيقاوح ياعم الدنيا دي مش عاوزه واحد جارح ولا بتحب لا الوحده ولا التكشير خدها كده واحده بواحده وحب الغير وضحكها علي روحها واخدعها واضحك ف وشها ضحكه وسمعها وعرفها ان قلبك لساه كبير قادر يعيش رغم التخبيط رغم التكسير اوعي تفهمها انك عبيط بتداري جرحك الغويط متحسسهاش انك حويط وبتداري جرحك من عين الغير الدنيا عايزه اللي يسايسها لو حتي كان جواك تخبيط ولو عندك ضحكه اوعاك تحبسها وخرجها وسط الناس وزيط سايسها تقولك اتساند تعالي وكونلها صاحب ما تعمل مثلا زي واحد كان ديما يفضل بيخدعها ويستحمل ف اوجعها ولو تشكيله يسمعها مع انه كان كتير واخد علي خاطره ياما منها وكان من الفرح يتاخد ولا كان يوم ييجي يلومها وكان يوماتي بيبتسم لو حتي جيباه ورا ويتباهي ويترسم ويمسح دموعه ف الدرا ماهوأصل الحكايه ف الابتسامه وان قلبك يبقي قدوه ف الهدايه والسلامه جرب تعيش بكلمه حلوه جرب تكون للناس علامه حاول تالف مره غنوه خاليه من معاني الملامه وبلاش تفكر ف النهايه اصلك انت من البدايه بتحب جو العكننه غاوي تكشر ف المرايه علشان الصوره ف النهايه تبان مش حلوه مضلمه وتعيش بئه دور الكئابه وتصنف روحك من الغلابه بلاش تعيش احلام كدابه احلم بحاجه ممكنه واوعاك تحن للي فات اياك تحب الذكريات كل اللي حب حد مات قلبه اتوجع لا هو راحله من سكات ولا اللي مات حتي رجع هو انت فاكر صوت الجراح ممكن فيوم راح يتسمع كل اللي ساب قلبك وراح كان قاصد انك تتوجع عايز تحن للي فات افتكر حاجه كويسه افتكر مثلا شكل البنات وهي جايه من المدرسه افتكر كل الحاجات اللي انت كنت بتحبها داري ف جرحك منها عيش فيها وكأنها جنه وصافيه ونفسها تعيش ليك انت بالذات وزي ما قولت ف اللي فات اصل الحكايه مش ف اللي مات ولا اللي سابك من سكات كل الحكايه ان قلبك ما يتعلقش بذكريات