[صمتى كلام]

مالك ياقلبى فى ايه جرالك
من غير حبيب كان ماشى حالك
ولا كنت بتسهر تتألم
ولا كنت بتشكى وتتكلم
ومعرفتش الدمعه عنيك
ولا خايف من الناس حوليك
راضى بنصيبك ومسلم
....................
أخر الحب مرار وعذاب
اغلى حبيب طلع كداب
كله قفل فى وششنا الباب
وياريتك برضه ببتعلم
..............
مبقاش زعلى يزعل حد
واللى بنيته فى ثانيه اتهد
واللى مقصر فيا بجد
كل حابيبك مش احباب
........................
انا حذرتك واتحديتنى
وانته اللى بايدك هدتنى
جاى دلوقتى تقولى يارتنى
مابقاش ينفع اى عتاب
.............................
واللى اديتو ياقلبى أمانك
وقت الشده باعك خانك
سابك تغرق مع أحزانك
وما مدش اديه لايدك
...................
واللى اديته عمرك كله
راضى لقلبك جرحه وذله
ولسه عايزنى اروحه واقوله
انى بحبه عيب عليك
..............
كله بسببك خانى وبعنى
وانته بعندك هتضيعنى
اسمع مرة كلامى طاوعنى
أحسن هنعيش فى جراح
.............
نفسى تفوق بقى من اوهامك
ومن غير حب تعيش ايامك
ومتغيرش معايا كلامك
من غير حب اكيد هرتاح
........
لم تنشر من قبل