[فتحى عيسى]

يادي الوقعة السودا ...
دي هيا هيا ...
نفس الأحاسيس الغبية ...
نفس الموجه ...
اللي ولعت في الأوضة ...
وقتلتها حنية ...
من اول كلمة سمعتها ...
باشت حيطان وداني ...
من بحة صوتها عشقتها ...
انا والعيال وجيراني ...
والبقال وسكينة الغازية ...
ولحد اللحظة ...
مش عارف مين هيا ...
عمرها ايه ...
اسمها ايه ...
شكلها ايه ...
يخرب بيت ده تليفون ...
والليلة الزرقة دية ...
ياتري حلوة بقي ...
ملظلظة كده ...
ولا عنقود ملوخية ...
طب صغننة مئطئطة ...
ولا قنبلة برمائية ...
ولا حتة مارون جلاسيه ...
والحشوه مهلبية ...
ولا هيا هيا نفس الولية ...
بتاعة كل مرة ...
نفس الهيئة بس مدورة ...
نفس الخلقة بس راجعة لورا ...
جايبه مرشدير ...
وأشرب ياسايق الهم ...
الغم ...
ماتينيه ...
وسوارية ...
ودوق يادنجوان ...
عصير الغرام ...
وإتكحرت ...
صلانصية ...
فتحي عيسي
الرياض
مساء الجمعه
22-11-2013