[حجازى فارس المصرى]

بالرغم من كل اللى راح
بالرغم من ألم الجراح
بالرغم من دمع النياح
أنا لسه برضه بحبك
**************
بالرغم من عتــــــم الدروب
وبرغم شمسك فى الغروب
لو مرة تشرق ع/ القـــــلوب
تطرح جناين بودك
***************
وبرغم جلدك للضهور
وبرغم دوسك والغرور
أعبر واغامر فى البحور
لو يوم تنادى أنا جيلك
****************
بالرغم من قطع الوصال
أنا لسة باقى مهما طال
ما تحنى يامّا ع/العيال
دوقيهم يامّا خيرك
*****************
وبرغم إن الحلم مات
وبرغم قهرى والسكات
راح نسامح فى اللى فات
لو تشاورى مرة لينا
******************
وبرغم دمى المستباح
وبرغم كسرك للجناح
لو تهلــــــــى بالصباح
راح تشوفى الفرحة فينا
*****************
نفسى مرةفى مرة نفرح
حبة أمل منــــــك ونسرح
بكرة شجرك بيــــنا يطرح
لو تغرسى شتله دا فينا
******************
قولى ليه بتحطمينى
وإن وقفت بتكسرينى
دوسى فىّ واعصرينى
هتلاقينى بقول بحبك
******************
عمرى يامّا فى مرة ابيعك
أنا فى يوم كنت رضيعك
طب إزاى أنسى صنيعك
وانت شيلانى فى حضنك
******************
انت ليه بتكرّهينى
عاوز احطك جوا عينى
من حنانك تحرمينى
الضنا مش غالى يامّا؟
******************
ليه نلطش فى الحارات
ع/الرصيف فى الليل نبات
يكنش قلبك يامّا مـــــات
ولما يصحى لينا لما
******************
ليه ندور ع/ الأمــــــان
نستخبى فى الحيطان
نغمى عينا والودان
وكأنى مش واخد لبالى
******************
ليه عيالك برة تطــــــــــفش
مش لاقيةحتةفيكى تكمش
حتى نخلك بلحه خـــــرفش
ولا رطبك سعره غالى
********************
ليه فى بعض الناس تحابى
وبتسرقى قوة شـــــــبابى
فاكرة سعد وأحمد عــرابى
ياما دولة قدمولك
********************
وبتهوى ليه الأجنبى
شوفى أبنــــك قربى
ما يكنش تفكيرك غبى
دا المستحيل يجبهولك
*********************
ليه فى صيفك بردانين
وفى القلوب حبة أنين
محتاين منــــك حنين
حسى بينا يامّا حسى
**********************
شدى حيلك يالا شدى
فى الخطاوى يالا مدى
للأمان عاوزين نعـــــدى
أمتى يالا أمتى ترسى
**********************
رغم كل القسوة دية
بالحنان مادد إيــــدية
لو تقومى وجات علىّ
عمرى ما بخل لو بنفسى
**********************
لملمى هممومك وغطى
وارفعينى بلاش توطى
لو تجيبى وراح تحطى
برضه حمّال الأسية
*********************
أمسحى منى دموعى
هاتى خيرك سدى جوعى
خلى أمرك يبقى طوعى
حالك دا يصبح مية مية
*****************
حجازى فارس المصرى