بسم الله الرحمن الرحيم
اهلا بيكم جميعا
وحلقه جديدة من برنامجكم
( اجمد عضو )
معانا النهاردة عضو مجتهد ليه اسلوب خاص فى الاعتراض
بيحب ( الحظر ) ماشاء الله عليه 
.
الكثير بيختلف معاه سواء لاعتراضه على مايحدث فى المنتدى
او بسبب ارائه السياسيه ولكن فى الاول والاخر هو عضو وليه ارائه
المؤمن بيها ودا حق اصيل ليه زى ما حق اصيل لينا اننا نعرض ارائنا
ونعترض على ما يحدث فى المنتدى .
معانا العضو المتميز /
احساسى صحيح
فى البدايه تعالو نشوف
( عناوين من الحوار )
احساسى صحيح : انا اتحظرت 3 مرات ومفيش مره فيهم استحق الحظر
حوده حظرنى قبل كدا وكان مخطط من اربع اشخاص لانهم منزعجين من أرائى
اى خلاف بيكون ليه سبب وخلافى مع الادارة لعدم وجود شفافية
موضوع التدليل عند الادارة موجود والى يقول غير كدا يبقا غلطان والمدير اعترف بكدا
لو تم عرض الاشراف عليه لا اقبل فى ظل وجود الادارة الحاليه
مرسى كان فى طريقه لتحقيق طفرات حتى فى ظل الحرب المقامه ضدة
معظم الازمات مازالت موجودة حتى الان بالاضافه لانقطاع المياة وضعفها طول اليوم
الشعب كله فى الشارع يوميا والجامعات وكل يوم يقتل ويعتقل معارضين
قيادات الاخوان كلهم ناس شرفاء رضو بالظلم والحبس وتلفيق التهم
البرادعى كان يعمل لمصلحته فقط وكان حلمه منذ قدومه لمصر الرئاسة فقط
دى رسالتى لكل من ( طارق / ساحر ومنه / حنون / الرحال / مورشو )
ودلوقتى مع الحوار :
س / فى البدايه اهلا بيك فى اجمد عضو ؟
اهلين امورشو ومرحبتين متشكر ليك ع الاستضافه
واستضافه كنت مأجلها من فترة كبيرة بصراحه ؟
معلش ملحوقه يعنى احنا هنروح فين
س / ياسر من الاعضاء الى بيحبو الحظر دائما يمكن بحس انك
لو ماتحظرتش شهر والا حاجا بتتعب ؟ ايه الحكايه معاك ؟
هههههه ليه يعنى ؟ وايه السبب يا ترى فى السؤال ده ؟
هو انا عملت حاجه تستحق الحظر من وجهة نظرك ؟
انا اتحظرت تلت مرات ولا مره فيهم استحقيت الحظر وكان
حظرى يختلف عن القوانين التى توجب الحظر
كلها لعدم قبول ارائى التى لم اتجاوز فى اى منها
س / يعنى كل الحظر الى اخدة والمخالفات مفيهاش اى حاجا تستحق ؟
لا طبعاََ مفيش اى حاجه تستحق
ما انا شرحت لك كل المخالفات
يعنى حظر مره علشان كنت معترض على نتيجه مسابقه وقدمت
مستندات تبين فساد المسابقة والنتيجه اللى آلت إليها
ومره تانيه طارق فى نقاش معاه فى الشكاوى مقبلش كلامى
واختلافى معاه ,, قام حظرنى وكتب فى الحظر شوفلك منتدى
تانى تحابى فيه مرسى
انتا عايز دلائل تانيه اكتر من كده ايه ؟
مفيش ولا شكوى قدمتها اخدت فيها اى حق من يجى عشرين
شكوى
وكلهم قدمت ما يثبت شكوتى
ولكن لا حياه لمن تنادى
س / بس انتا نسيت حظر ( الادارى حوده ) مع انك كنت وعد ان مش هيكون فى مشاكل بعد كدا ورجعت لما الادارة رجعت المحظورين ؟
فعلا حوده حظرنى
ولكن تلك المره كانت نتيجة خطه من اربع اشخاص
وتم نصب فخ ليا علشان يحظرونى لأنهم كانوا منزعجين من
أرائى
للاسف اعترف نتيجة اندفاعى وقعت فى هذا الفخ
ولو ان السبب اللى استندوا عليه هو الاعتراض على نتيجة مسابقه
تم تعملها مخصوص لأيقاعى فى الخطأ وهو الاعتراض
وكفايه كده ..
س / ليه دائما بتدخل فى خلافات مع الادارة ؟
اى خلاف مع الاداره اكييد له سبب واغلب الاسباب لعدم الشفافيه
وعدم تحقيق العدل والمحاباه والمجاملات والكيل بمكيالين .
. ها ,, كفاية كده ولا اقول كمان ؟
س / انا عايزك توضح مواقف لكن ما تقولش عدم شفافيه وتسكت ومحاباه وتسكت ومجاملات وتسكت ؟
طيب اخر موقف ليا فى الشكاوى كنت كاتب موضوع فى الاقلام الحقيقه الوحيده اسمها مرسى دخل عضوتين وشتموا شتائم لا داعى انى اكررها والاداريين والمراقبين تركوها ما يزيد على الخمس ساعات لأنها كانت عجباهم ,, وعندما بدأت فى كتابة الردود اسرعوا بحذفها ,, سكت وقولت مش مهم بعدها انتا ارسلت رساله زوار بخصوص موضوع الوو دخلت للرد عليك وجدت عضوة من العضوتين الذين شتموا فى التوبيك يعيدون الكرة ولكن بشكل اكبر وشتائم لا يصدقها احد نسخت الملف بتاعك وارسلته موثق مع الشتائم السابقه المحذوفه وتجاوزات اخرى فى توبيك عندك فى اليوميات لنفس العضوه ووجدتها اخدت مخالفه ثم كررت الشتائم بعدها فقدمت فيها شكوى ثلاثية بما اقترفته للاسف الشديد وجدت كل المراقبين والاداريين على قلب رجل واحد وفيهم مراقب لم يقرأ الشكوى من الاساس ولم يعلم المحتوى وقال البت اللى مدايقاك دى يا ياسر كبر مخك منها ولم يشاهد الشتائم وان الشكوى بسبب شتائم وليس مدايقه ولم يشاهد ولم يقرأ اى شكوى وجدت الجميع متكتل بطريقه تدعوا للذهول للدفاع عنها وكأنى اتكلم مع نفسى الجميع شاهد التجاوزات وف الاخر امجد اغلق التوبيك ودون ان احصل على اى رد مقنع على فكره العضوة دى كررت اهاناتها مؤخرا وبالفاظ منتهى السوء واكتشفت ان مشرف اخر قدم فى نفس العضوه شكوى ايضا ورغم هذا لم يقترب منها احد ,, لانها من مؤيدى السيسى الذين ممنوع اى احد الاقتراب منهم يعنى معاها حصانه 
س / صحيح انتا مش بتعرف تعترض على قرار او حاجا انتا عايز تعترض عليها ؟
يعنى ايه مش فاهم سؤالك
لو تقصد انى مش بعرف اعترض ,, يعنى ايه مش بعرف اعترض ؟
كل اعتراضاتى منطقيه ومسببه بدليل مفيش اى حد بيعرف يرد
عليها الكل بيهرب ..
س / فى عضو بيعترض بسبب ان فى تصرف حصل ومش واضح فبيعترض عشان يعرف وفى بيعترض ومهما حصل مش بيقتنع ومش شايف الا الى فى دماغه ودا الى بيحصل معاك دائما ؟
ههههههه ازاى ده
ليه انتا شايفنى ايه
مفيش اعتراض من غير سبب او للاعتراض وخلاص
لكن فى شله مقبول اعتراضها وناس تانية نووو
س / ليه دائما شايف ان الادارة ليها اعضاء مدللين ؟ وحاسس
ان فى دماغك انى منهم ؟
مين قال انى وضعتك كمدلل بالعكس تقريبا انتا العضو الوحيد
والمشرفه نورونارمشرفه الاقلام
اللى وجدت عندكم شفافيه وبتنتقدوا دون اى مجامله ,,
ولكن فى فارق لما يكون علاقتك كويسه بالاداره وفكرك مثل فكرهم
فيتقبلوا انتقادك وفارق بين عضو اخر علاقته متوتره وختلف
فكريا معاهم علشان كده مفيش قبول ,, هو ده الفرق ..
موضوع التدليل فعلا موجود واى شخص ينكره يبقى غلطان اكيد
المدير بتاعنا نفسه اعترف بيه فى ردة على احدى الخواطر
لمشرف مدلل وبمنتهى الثقة والجرأة وبدون اى خجل ..
س / طيب فيها ايه لما تنزل اعتراض او نقد للادارة قدام الاعضاء وتشوف رد فعل الاعضاء ايه على كلامك ؟
لا الاعضاء بتخاف ,, اغلبيتهم يعنى بيخاف
واتوقع بعد نزول التوبيك دة احتمال الردود ضعيفه جدا جدا
إلا المؤيدين اصحاب الزيطه والمعروفين بـتأيدهم ع الفاضى
والمليان
س / مش يمكن انتا كمان بتتقبل منى الكلام لكن مش بتتقبله من
الادارة ودا نفس الطريقه الى انتا اكلمت عنها ان الادارة ليها ناس
بتسمعلهم لما يعترضو ؟
اسمع يا مورشو من الاخر كده
اغلبية الادارة مختلفين عنى سياسيا وفى موقع الاداره
وطارق اعطاهم الايحاء بالتصرف معايه كده
لأنه هو اتصرف كده
وهما بياخدوا الاوامر منه
مفيش حد منهم يقدر يتصرف من غير أوامره
السبب القوه ومفيش حد بيحاسبهم
وكل الشكاوى اللى قدمتها الدليل الوحيد على ظلمهم
س / على فكرة الادارة مش سودا قوى كدا والدليل انك بتاخد حظر وبترجع لو مش عايزينك معتقدش هيرجعوك من الاساس ؟
انا رجعت المره دى بمبارده من ساحر الاحزان
للم الشمل وعودة الاعضاء اللى محظورين واللى زعلانين
على حظر زملائهم
ويشكر اكيد امجد طول عمره صاحب خلق عظيم
س / كمان المخالفات عندك موجودة من ( ميرو / حنون / طارق ) تفتكر كل الحظر الى اخدة وكمان المخالفات دى وانتا مابتغلطش ؟
ههههههههه ,, لو أحضرت لك شويه شكاوى والردود عليها من
اللى قدمتها الصدمه لن تتحملها انتا او الاعضاء
ميرو المخالفه بتاعته انا قدمت شكوى فيه ,, لأنه كان
مش بيطبق القوانين على نفسه
وبيطبقها لصالح وخدمه ناس تانين واكييد انتا شوفت النهايه
بتاعته فى القسم كان شكلها ايه
فمخالقته كأنها لم تكن لأن ماتركس نفسه رد عليه وغير القوانين
بنفسه بسب عدم ألتزامه والفوضى التى تسبب فيها
والمخالفه كانت بسبب رد ليا فى المدونه ,, يعنى بدون سبب ..
بالنسبه لحنان كانت بسبب رد ليا فى موضوع العضوة
سيده القصر
فى استضافتك لها فى اجمد عضو ,, لأنى كتبت رد لأنى كنت
طرف فى النقاش فأنا ذكرت مين السبب فى المشكله
لم يعجبها كلامى حذفت الرد وادتنى مخالفه ,, الشخص اللى
ادتنى مخالفه علشانة واللى كانت بتحميه
هو نفسه اخطأ فى حقى وفى وجودك شخصيا فى مناظرة الادارى
المنتخب ووقتها عملت ودن من طين واخرى من عجين رغم ان
المخالفه كانت على الهواء مباشراََ وحصرياََ
المخالفه التالته كانت من الرحال لأعتراضى على نتيجة قيصر العاميه الشهيره اللى الكل عارفها
ودى ممكن لو انا غلطان فى اعتراضى استحقها ولكن الجميع
اعترف بما فيهم ساد ايس بتزوير النتيحه ..
س / يعنى المخالفات انتا ماتستحقهاش وكلها كنت ماتستحقهاش ؟
اومال بتسكت ليه طالما حصل معاك اكتر من مرة ؟
طب وانا فى ايدى اعمل اية
هما فى ايديهم البطش ومفيش اى قوانين بتتنفذ
انا اساسا سالت نفسى عشرات المرات
هو قسم الشكاوى ده معمول علشان ايه ؟
يا ريت يلغوه لأانه ضحك على الاعضاء
لأن اللى عايزاه الاداره هو اللى هيتنفذ مهما قدمت من مستندات .
واى فرصه بتيجى بوضح فيها اخطاء الاداره
بس كلامى لا يعجب احد لأنه بيجى ع الجرح .
س / شايف انك بعيد عن الاشراف فى المنتدى حتى فى ظل وجود
( منه و ساحر ) والا شايف ان الامور هتتغير ؟
كويس انك تطرقت لتلك النقطه طبعا منة وساحر اقرب الناس ليا ويمكن الوحيدين فى الاداره اللى وقفوا بجوارى كتير لا يمكنى ان انكر ذلك ابدا ََ ولكن يا سيدى الاشراف ليس له مقاييس محدده سوى التى ذكرتها من قبل وليس المعلنه من دمعة باستمرار ومن ضمنها الكفائه والشخصيه وبقية الكلام المكرر ده بدليل أن مره عضوه اسمها فنكوشه كتبت عندك فى اليوميات توبيك تمدح فيه طارق بدون سبب للمدح وهى كانت مشرفه سابقه باللون الاسود طبعاََ الجميع لاحظ فى اليوم التالى أنها ارتدت اللون الوردى بالنسبه للاشراف استحقه من زمان جدا ولكن واقعياََ لن يأتى المفاجأه بقا إللى هقولهالك حصرياََ ,, حتى فرضاََ لو عرض عليا لن أقبله فى ظل الاداره الحاليه لأنى مختلف معاهم 200 % 100 فى كل شىء ولهم بعض الممارسات لا اتقبلها وليا رؤيه فى الاشراف تختلف عن رؤيتهم المسافه بيننا بعيده ربما اذا أنسحبت الاداره الحاليه وأكتفت بما قدمتة خلال كل تلك السنوات وكما قال محمود محى واتى أناس اخرون يتمتعوا او يملكوا الشفافيه الكامله ابقا افكر وقتها ولو ان الاشراف ليس غايه لأنى لن استمر فى المنتدى طويلا ,, ربما فى القريب تحدث ظروف شخصيه تمنعنى من التواجد .
س / بس الادارة اتغيرت فعلا لما يدخل فى الادارة ( منه وساحر ) كدا يبقا فى تغيير غير ما يكون واحد فقط ماسك كل حاجا فى الادارة خاصه وان ( طارق ) خلاص مبقاش ليه اى دعوة بأمور المنتدى ؟
مين قال كده
مفيش اى امر او اى شىء بيمشى من غير اوامره
كله كلام ولكن الواقع غير
انا رأيت رساله على الزوار من اداريه بتاخد رايه تعمل ايه
فى حاجه تافهه وضمن اختصاصها .
س / يعنى المطلوب نعرف مين الاداريه ^^ طيب مش شايف ان طبيعى ( طارق ) عنده خبره واكيد بيتم استشارته فى اى وقت ؟
ومش شايف ان بكلامك دا بتقلل من باقى الاداريين وهو دا الى بتقع فيه كل مره رغم ان مبتكنش قاصد التقليل من حد ؟
لا طبعا لا اقصد التقليل ,, ولكن لا أحب التضليل
أنا برد على مقولة ان طارق خلاض ليس له دور سوى الدعم فقط
الكلام ده غير صحيح طبعا ,, الوضع كما هو لم يتغير
وفيها ايه لما يعلنوا الحقيقه ,, خايفين من أيه ؟
س / ( الحقيقة الوحيدة اسمها مرسى ) انتا مقتنع تماما بانه يستحق
ان يكون رئيس جمهورية ؟
طبعا الى مدى العمر
بدليل انه الشعب انتخبة يعنى لم ياتى على دبابه
وكان فى الطريق الصحيح ولكن الدوله العميقه لا يقدر عليها احد
س / طيب انتا قولت ان الشعب اختاره وانتا عارف اختاره ليه ؟ لكن برضو الشعب الى نزل وقال مش عايزينه ؟
يا مورشو هو احنا بنلعب استغمايه
اللى عايز يغير يغير بالصندوق
مش هى دى الديمقراطيه ولا ايه
س / ايه الى حققه مرسى طوال سنه من الحكم وماتقوليش محدش ساعدة ؟
مرسى كان فى طريقه لتحقيق طفرات حتى فى ظل الحرب التى
شنها عليه ارباب النظام السابق والاعلام العاهر
لكنه حقق الاكتفاء الذاتى فى القمح وحل مشكلة الخبز وكان فى
طريقه لانشاء مشروع القرن الذى كان سينقل مصر الى دوله
عالميه وهو محور قناة السويس الذى قاومته دوله الامرات
وساعدت الانقلابين بمالها من اجل انجاح الانقلاب
س / يعنى انا معين رئيس جمهورية عشان ( القمح ) ؟ قدم ايه ( مرسى ) للاقتصاد المصرى ؟
اقولك قدم ايه للاقتصاد المصرى
شوف الانقلابين فى شهور قليله حصلوا على كام مليار
ورغم ذلك ما زال الاحتياطى فى تناقص
وصل لهم 12 مليار بعد الانقلاب وحاليا وصل خمسه اخرى
من السعوديه
وفى الطريق 2 من ****************** و2 من الامارات
ورغم ذلك الاحتياطى كما هو واقف عند 18
رغم ان مرسى مسلمه 16
يبقى المليارات دى كلها راحت فين
على كده مرسى بطل لأنه لم يحصل على مليم من تلك الدول
ورغم ذلك ظل محافظ على الاحتياطى بل زاد من 13 الى 16 فى
اواخر عهده وقبل الانقلاب ورغم كل الضغوظ والحرب التى
شنت عليه
س / بس مبقاش فى ازمات ( بنزين / عيش / انابيب ) ليه مقارنتش بين الكلام دا وبين ايام ( مرسى ) ؟
ليه وازمه الانابيب راحت فين
معظم الازمات ما زالت موجوده وهناك ازمه لا يتحدث عنها احد
وهى انفطاع المياه وضعفها معظم اليوم
الاعلام الموالى بيطنش عن كل شىء ولا يذكره
ولكن الناس حاسه وعارفه
س / تفتكر لو ملايين من الشعب نزل الفترة الجايه واعترض على ( عدلى منصور ) و ( الببلاوى ) الجيش هيكون ضد رغبة الشعب ؟
شعب مين اللى هينزل ,, انتا بتغنى وترد على نفسك
ما الشعب كله فى الشارع يوميا وفى الجامعات وكل يوم يقتل طلبه
ويسجن معارضين
هو انتا لسه بتتكلم كلام سطحى ليس له وجود على ارض الواقع
دلوقت الشعب امام الدبابات مين هيكسب برأيك
ولا انتا فاكر ان الناس اللى بتكتب كلمتين هتا هما الشعب
والمؤيدين لعزل مرسى
دا وهم انزل الشارع وشارك وانتا تعرف
س / انتا شايف ان الشعب كل يوم فى الشارع ؟ اومال من يوم فض اعتصام رابعه مقدرتوش تعملو ( مليونية ) ليه لحد دلوقتى وكنتو بتوهمو الناس انكم ملايين ؟
هو انتا ما شاهدت بعد الفض من اعتقالات ومجازر فى مسجد
الفتح والقائد ابراهيم وغيره وحتى الان ما زالوا مستمرين
س / الاخوان فى فترة حكمهم كانو بيتباهو بمليوناتهم ( الخادعه )
والبعض كان بيصور انهم الاغلبيه فى المجتمع المصرى ؟ فين
الاخوان الان ؟ وياترى تم حبس ملايين الاخوان فى السجون ؟
الاخوان فى فترة حكمهم قام ضدهم 28 مليونيه فاشله
يعنى عكس ما انتا ذكرت ,, ناس فى الحكم هيعملوا مليونيات ليه
شوفت كم القتل والظلم والحبس والاضطهاد والقهر
ولا زالوا صامدين ,, لأنهم أناس اصحاب قضيه ,, وليس كل
من يخرج ضد الانقلاب اخوان
الاخوان كلمه استخدمها الاعلام كفزاعه للسيطره على العقول ..
طيب انتا بتقول مفيش اخوان خلاص
يا ترى اللى بيطلعوا من كل مكان والمظاهرات اللى من كل فئات
الشعب كلها اخوان ؟
س / انتا كل 50 والا 100 واحد بيجمعو بتسموهم ( مظاهرة ) كل 20 بنت من جامعه تروح تحت بيت ( دكتورة جامعيه ) هتسميهم بيتظاهرو ؟
انتا متأكد من كلامك ؟
يعنى مش بتشوف كل المحافظات يوميا على الجزيره مباشر ؟
واوعى تشكك فيها لأان القنوات التانيه انتا عارفها
س / لما كل قيادات الاخوان تسيب المؤيدين فى الشارع وكل واحد
يحاول الهروب هم دول القيادات الى يستحقو ان حد يموت
عشانهم ؟
انتا فاهم غلط وبتردد وخلاص
كل اللى خرجوا خرجوا من اجل مبدأ أساسه الشرعيه وحمايه
مكتسبات ثورة يناير
وليس من اجل قيادات ,, والقيادات طلعوا كلهم ناس شرفاء
رضوا بالظلم والحبس وتلفيق التهم
حتى يكونوا قدوه وهم فعلا ناس قدوة على علم ..
مهما قال عنهم اى شخص لن يغير من الامر شىء
وكلا يغنى على ليلاه ,, يسمعون الاعلام فيرددون هكذا
هو حال شعبنا الطيب ..
س / يعنى كل القيادات شرفاء والدليل العفو الرئاسى من
( مرسى ) ليهم كلهم بما فيهم قاتلى السادات وتكريمهم واستقبالهم
فى القصر الجمهورى ؟ هم دول الشرفاء والقيادات الى بتدافع عنهم ؟
ليس مرسى من افرج عنهم
بل المجلس العسكرى
وانا مش بدافع عن حد انا ادافع عن مرسى فقط
اللى هو رئيسى الشرعى الذى انتخبته
وسرقوا صوتى وخطفوه
س / ليه دلوقتى الناس كلها بقت ( رابعه ) مش (اخوان ) مع انكم
بتدافعو عن حزب ( الاخوان ) ؟
اكييد المجزره اللى راح ضحيتها الالاف هى السبب
ولا انتا مش معانا ؟
العالم كله اصبح رابعه ,,
ورابعه لا يتجزء عن الشرعيه بل هى رمز من رموز
حماية الشرعيه
ولكنها كانت سبب فى صحيان ضمائر كانت مغيبه .
س / منين العالم كله اصبح رابعه ومنين مش قادرين تعملو حاجا كل الى بتعملوة كلمتين على الفيس وصورتين تنزلوهم وشخبطه على الحيطان فى الشوارع ؟
غدا تظهر الحقيقه جليه
وإن غدا لناظره لقريب .
س / الاخوان والمؤيدين بيقولو ان فض الاعتصام كان مجزرة ؟ تفتكر كان ايه الاسلوب الامثل لفض اعتصام رابعه ؟
الحل كان قدمه البرادعى للسيسى
وكان اخذ خطوات كبيره فى هذا الاتجاه وكان فى استجابه من
تحالف دعم الشرعيه
ولكن السيسى تجاهله واسرع باحداث المجزره التى كانت مرتبه
واخذ قرارها من فتره
وفقط تنتظر الوقت المناسب ..
وهذا كان سبب انسحاب البرادعى ,, بعد ما فهم الخديعه التى
وقع فيها ..
س / مش الاخوان برضو كانو بيهاجمو البرادعى دلوقتى اصبح
البرادعى المضحوك عليه وكان معاه مفاتيح فض الاعتصام ؟
البرادعى كان يعمل لمصلحته فقط
وكان حلمه منذ قدم الى مصر هو الرئاسه
طبعا انا اختلف معاه ليس لأنى اخوان لانى فعلا مش اخوان
انا مؤيد فقط
للرئيس مرسى وسواء كان مرسى اخوانى او غير لا يهمنى
فى شىء
الاهم انى مقتنع به
البرادعى يعشق حُب السلطه وكان يتخيل ان الانقلابين عندما
ضموه لصفوفهم
سيعطونة مصر على طبق من ذهب
الشىء الوحيد الذى احمله له انة كان لا يقبل بالدم
كانت فلسفته هى ازاحة الاخوان وليس قتلهم او ابعادهم
عن الساحه
بتلك الطريقه الدمويه
ومن وجهة نظرى اى حل كان سيكون بعيد عن اراقة الدماء
كان سيكون جيد ..
س / طيب فى نهايه الحلقه هعرض عليك اسماء اعضاء من المنتدى وعايزك توجهلهم كلمه فى النهايه ؟ ويمكن من خلال الكلمه دى النفوس تكون تمام ؟
( طارق )
الرجل الاول والاوحد والذى لم يستطع ان يزيحه اى ادارى اخر
احترمه ولكن احتلف معاه كلياََ فى كل شىء
( دمعه وساحر )
اكثر شخصيتين اجلهم وأحترمهم
وبعد تعينهم كنت أعتقد ان دورهم سيتعدى تزويد المشاركات
وتركيب الاوسمه
وتكريم المتميزين فقط .. كنت أنتظر فرض أرائهم وشخصيتهم
وأثبات أنهم أدارين بصلاحيات كامله وليس مجرد لون أحمر
( حنون )
اختلفت معاها كتير وما زلت وما ينطبق على ساحر ودمعه
ينطبق عليها
تبقى اداريه سابقه قدمت الكثير اثناء فترتها
( الرحال )
زميل أخطأ فى حقى كثيرا وأنتظرت أعتذاره ولكن لم ياتى
( مورشو )
هههههه
حبيبى اللى مولعها نار
وخليك زى ما انتا وعلى نفس طريقتك فى الانتقاد وتقديم البرامج
تحب تقول ايه لاعضاء المنتدى ؟
هفولهم ربنا خلقنا مختلفين مفيش حد يشبه التانى
ربما احد منهم لا يعجبه كلامى
وربما الكثيرين يعجبهم ويلتزموا الصمت
ولكن الانسان موقف
وجب عليه أن يعبر عن رأيه بكل حريه ودون خوف
على ان يلتزم احترام الاخر دون شتائم او خروج عن الاداب
وشكرا مورشو .
وبكدا بتنتهى حلقه النهاردة
انتظرونى وحلقه جديدة وضيف جديد فـ
(اجمد عضو )