منذ /12-10-2013, 09:38 PM
|
#1 |
| ثانى غناوى شاعر ربابة قولولها جاي راجع حبيبك يحكيلك من تانى وجاي قولولها ده البُعد مخلّلى .. قلبى دامي بقيت عليل ولا شايلانى .. حتى اقدامى ولا هطيب غير لو اشوفها .. تانى قُدامى فرحانه وياي قولولها بحلم بيكى أنا إن انتِ جنبى معايا هِنا دي الليلة فى البعد بسنه وطويله علاي قولولها بَعدكِ لا غَدايا .. دوقته ولا عشاي القهر مَلَا قلبى ودنيايا .. ونار في حَشَاي ياما نفسى ألقاكى معايا .. ونِشّرَب الشاي قولولها والله منا ناسي إن انتِ كل اهلى وناسي وتملّلى اشوفها بإحساسي سهرانه معاي وانسى ازاي .. ازاي هنسى الّلى أَمِنّى وعاهدنى وبصَدّق عهده الّلى مطمّنى ده قلبى نصّه .. وهو قلبه مكمّلنى ولو بعيد حِته منّي .. أنا اعيش ازاي وحياة العِشرة والجِيرة لو انا فقير وانتِ فقيرة أرحمّ م البُعد وم الحِيرة وليالى أساي يادمعى يلّلى على خدودى جارى ومالى ده فُراقي عنها والله .. ذاد احمالي خدوا عينيه وكل ما ليـَّـا وخدوا مالى واشوف حبيبتى الّلى فـ بالي .. ده كلّ مُناي وبكره هرجع أحكيلكم حكاوى تانيه واغنّيلكم حكاوى من سراديب شاعر سهران معاكوا هنا ليلكم ( بقلم / اوتار الليل ) |
التعديل الأخير تم بواسطة اوتار الليل ; 12-11-2013 الساعة 05:02 AM |
| |