[اوتار الليل]

ظلموك الناس ياحمار .. ده طبع البنى آدمين .. يعشقوا خاين غدّار .. عن هادى وديع وأمين .. مزعج لو مرة تنهـَّـأ .. بس عاجبنى صاحب مبدأ .. لا بتخدع ولا بتخون .. ولا طبعك يوم بيزهـَّـأ .. فيه كتير صبحوا مشاهير .. لمـَّـا قالولهم ياحمير لقبك له فضل عليهم .. لكن عاملوك كأسير .. ليه بتعاملوه بغباء .. ده لا شوفنا منه عداء .. ولا مرة بيسرق أرضه .. ولا بيحالف أعداء .. لو بس تشدّوا لِجامه .. يفهم رايح على فين .. والبنى آدم أيامه .. سحباه وفاهمها مين ؟ ده خدُوم صاحب إحساس .. وان بَدِّلنا الأدوار .. اللى مايخدم الناس .. يبقى هو الّلى حمار .. ( بقلم / اوتار الليل ) ــــــــــــــــــــــــــــــــــــــــــــــــــ ـــــــــــــــــــــ ملحوظة : لم أتقدم بهذا الطرح طمعاً فى الفوز لكن إحتراماً لصاحبة الفكرة التى أحترمها ولمشرفى القسم الذى أحبه .. ومساهمة لإنتعاش القسم أمنياتى بالتوفيق للجميع