[morshooo]

بسم الله الرحمن الرحيم

( رساله أداريه )

تعلن ادارة المنتدى عن قبول دفعه جديدة من الاعضاء
لحضور ( كورسات ) فى كيفيه التواجد بالمنتدى
وهذة ( الكورسات ) معتمدة من ( أدارة المنتدى )
فعلى الراغبين الحضور والاستفادة من هذة ( الكورسات )
الحضور الى ( قاعه المنتدى ) .




دى رساله وصلت لجميع الاعضاء بالمنتدى

وطبعا اعضاء المنتدى ماشاء الله عليهم مجتهدين جدا

( الكورسات ) دى هيكون ( silver spectra ) المسئؤل عنها

بس تعالو الاول نشوف مع بعض هيحصل ايه فى




( قاعه المنتدى )

بعد تحديد معاد ( المحاضرة الاولى )

كان اول واحد فى القاعه ( بيك بوص )

وكان ضارب طقم جديد

القميص ( الاخضر )

والشورت ( الاحمر )

وكوتش ( اميجو بينور )

مش عارف جابه منين دا المهم كان اول واحد دخل ( الكورس )

واول لما وصل ( طارق ) حصل الحوار دا بينهم

انتا يا طويل انتا بتعمل ايه

مفيش بس بظبط اللمبات بتاعت المدرج

انتا فرحان بطولك يعنى

هههه دمك عسل انتا طارق صح

ايوة انا طارق انتا مين

ياعم مش عارفنى دا حتى انا معروف فى المنتدى بطولى

خلص انتا مين ياض انتا

انا ( نور ياعم )

نور مين ياض وجاى هنا ليه

ايه يا طارق انا ( بيك بوص )

حصلنا الرعب مين بيك بوص دا اطلع من هنا ياض يله

ياعم انا مشرف النقاش ( نور ياعم ) انتا

والا نقاش والا بتنجان معرفكش اطلع برا

ياعم انا عضو فى بنات مصر

مش فاكرك يله اتكل على الله هى ناقصه وانا عامل كل دا
عشان يجيلى واحد طول بعرض يله ياعم من هنا مع السلامه




طبعا ( بيك بوص ) خد بعضه واتكل على الله ومشى

وعمال يفكر ليه عمل معايا كدا دا انا حتى جاى شياكه

وكنت ناوى اشوف بنات المنتدى .

طبعا ( طارق ) كان مستنى باقى الاعضاء تيجى تحضر

اصله بيحب يمسك ( الميك ) ^_^ ماتقولوش هيغنى .

بعد 15 دقيقه وصلت للمدرج العضوة دى .

( lost pearl ) وحصل الحوار دا

هاى

هاى عليكى اهلا بيكى

مش هنا برضو مدرج بنات مصر الى فيه ( الكورس )

دا لو مش هوا ان شاء الله يبقا هو انتى مين

انا ( لوجى ) عضوة فى المنتدى انتا مين

انا ( طارق ) حمدالله على السلامه نورتى المدرج والله

ميرسى هو محدش لسه وصل

( ويارب مايوصلو ) اااااة لسه بس هيجو

اها مانا عارفه طيب هدخل انا عشان اشوف هقعد فين

لالالالا انا حاجزلك اول ديسك على اليمين اهو

هههههههه ليه يعنى اليمين بالذات

اصل انا اشول ولما بشرح يعنى عينى بتروح الناحيه دى وكدا يعنى

ههههه طيب خلاص هقعد فى الديسك دا بعد اذنك

اتفضلى
( ادى الاشكال الى تفتح النفس مش ابو قميص اخضر )




بعد 5 دقائق كانت وصلت احدى عضوات المنتدى

وداخله فرحانه وشايله ( بنت ) وحالتها منيله من التعب

وكان فى استقبلها ( طارق ) تعالو نشوف الحوار دا كمان .

السلام عليكم

عليكم السلام ايوة حضرتك

مش هنا برضو مدرج بنات مصر

لا اااااة انتى مين ومين الى معاكى دى

انا ( حرف هجاء ) ودى ( لولو )

اهلا بيكى بس معلش علم رابعه الى فرحانه بيه دا شيلية

بقول ايه انتا ماتقوليش شيلى وماتشيليش انا حرة

لا حرة دا فى البيت هناك لكن هنا انا الى حر

انتا مش بتقول احنا منتدى ديمقراطى

اديكى قولتى انا الى بقول ولما احب يكون فى ديمقراطيه بسيبكم

لا مش بمزاجك وهدخل المدرج بالعلم وهقعد فى المكان الى يعجبنى

بقولك ايه انتى مكانك فى اااااااااخر ( ديسك ) ورا خالص اتفضلى

ماشى هتفضل ( جاتكم القرف )




طبعا ( طارق ) مضايق من الى حصل

وقعد يفكر ياترى الى هيجى والا هتيجى هيكون مين

( الكورس ) خلاص قرب يبدء .

و ( طارق ) واقف قدام المدرج وصلت بنت

وحصل الحوار دا كمان .

هاى هو دا المدرج الى فيه ( الكورس )

( كورس ) يله يا عسوله الكى جى الدور الى فوق

كى جى ايه يا اخ انتا مش دا المدرج بتاع منتدى بنات مصر

ايوه انتى مين ان شاء الله

انا العضوة ( ahla bnota )

اهلا بيكى مين الى جابك اخوكى والا باباكى والا مامتك

انتا مين اصلا عشان تحقق معايا

انا ( طارق )

حصلنا الرعب اوعا من وشى كدا لما ادخل اقعد فى الاول عشان اشوف

بصى شايفا ( طنط ) الى فى الاخر هناك دى

اه دى اكيد معانا فى المنتدى

ايون معانا اجرى لما تخلص رضعا لبنتها خليها تعملك واحدة

انتا بتهزر والا ايه

لا بكلم بجد تلاقيكى جعانه اتفضلى يا حبيبتى اتفضلى
( احنا جايين نشرح والا نرضع هنا هى ناقصه عيال )




طبعا طارق قال شكل الكورس دا هيعيل

لا انا لازم اتصرف وفجاة ظهرله عضو

وحصل الحوار دا .

مساء الخير

مساء النور

لو سمحت يا اخى هو هنا ( كورس بنات مصر )

هااااااا اه يا اخى انتا مين

انا العضو ( الرجل المتواضع )

الرجل المتواضع ااااااااه اصلها ناقصه

نعم

لا يا خويا ماهو كورس ازرق واحد جايلى بقميص اخضر والتانى بيقولى يا اخى

قميص ايه واخى ايه هو دا المدرج

لا الكورس اتلغى خلاص بطلنا

لا انا متاكد انه هيبدء ( طارق ) مابيقولش حاجا ومايعملهاش

اهو قال ومش هيعمل اتكل على الله ياعم الحاج

ياعم طيب ابص بصه كدا

ياعم اتكل على الله تبص ايه

انا شايف حاجا حلوه فى اول ديسك اهو

ياعم يله شوف انتا رايح فين

على فكرة ربنا هيدخلك النار والله

طيب يله ياعم

عشان انتا طفس اصلا

طيب يله ياعم يله استغفر الله العظيم
( هى ناقصه وجع دماغ )




دول كانو اول اعضاء حابو يحضرو

( الكورس ) لسه فى اعضاء تانيين

ياترى ( مدير المنتدى ) هيعمل معاهم ايه

وهيخلى مين يحضر ومين لا

دا الى هنعرفه الحلقات الجايه