[big bốss]

امى : خد ياض هنا

انا : ليه عايزه أيه ؟ قلى الى عيزاه و انا هعمله بس من بعيد

امى : يا واد انا قلتلك تعالى هنا بدل ما اجيلك

انا : ما انتى هتضربينى

امى : و هطلع عينك علشان بتعمل غلط ، تعالى هنا بقلك

انا : طيب هاجى بس مش تضربينى

امى : طيب تعالى

انا : حاضر

امى : خد و خد يا ....الخ

انا : طيب خلاص و النبي اخر مره


- كنت بتكلم انا و امى النهارده و فكرتنى بالحوار دا

و قعدت اضحك

المهم هى تعبانه كانت من يومين فكنت قاعد جنبها و بضحكها

و بأكلها برتقال فقلتلها : تضربوا فين و احنا صغيرين يا مفتريين

و احنا اكلكم لما نكبر شوفى احنا احسن منكم

قلتلى : بس ياض ، احنا بنربيكم :d

قلتلها : ماشى يا عم المربي

قلتلى : ماشى يا مربي

فعلآ ايام زمان جميله اوى كنا بنخاف و عالم جبانه و هما عالم مفتريه

بس بنحبهم و بيحبونا

ربنا يخليلى امى و يخليلكم كل امهاتكم يا رب