[morshooo]

بسم الله الرحمن الرحيم

مزاج الخير

بعد احداث الحلقه الى فاتت وشوفنا ان

( طارق ) لسه لحد دلوقتى مش عايز يدخل

شباب لحد ما ( الحب الصامت ) وصل هنشوف مع بعض

باترى ( هيثم ) عمل معاه ايه




تعالو نشوف الحوار دا بسرعه .

اسمع يا ( طارق ) احنا فى منتدى ولازم نعامل الاعضاء كويس

انا بعاملهم كويس ماتقلقش يا ( هيثم )

عموما مش عايز شكوى من الاعضاء بخصوص الكورس دا

خلاص ياعم فكك ماتقلقش اتكل على الله انتا وكله هيكون تمام

لا انا هقف هناك هنا اشوف هيحصل ايه مع الاعضاء

خلاص براحتك بس عشان ماتتاخرش بس

ياعم مالكش فيه يله قابل فى حد جاى هناك اهو




ودلوقتى وصلت عضوة لمكان ( الكورس )

السلام عليكم

وعليكم السلام

لو سمحت هو ( مدرج بنات مصر ) فين

هو دا المدرج انتى مين حضرتك

انا ( دمعه حائره ) وحضرتك

انا ( طارق ) ازيك عامله ايه

الحمد لله انتا عامل ايه

تمام الحمد لله اتاخرتى كدا ليه

معلش الطريق وكدا

اوعى تكونى جايه معاكى اولادك والا حاجا

ههههه ليه هو ممنوع

لالالا بس هم مجوش صح

اها مجوش

طيب تمام انا حاجزلك الديسك الى فى النص هناك دا

جنب لولتى حبيبتى

لولتك مين

مش دى لوجى هااااى يا لوجى انا منه يا لوووووجى




وفى اللحظه دى قامت ( لوست ) بسرعه الصاروخ

وتشاور لـ ( دمعه ) و ( دمعه ) ضربت ( طارق ) وطرحته

ارضا وجريت على ( لوست ) وهم الاتنين سنانهم كانو

غسلنها بـ ( سجنال ) والابتسامه جامده على وشهم

وايديهم هم الاتنين قدامهم واتقابلو فعلا والاحضان اشتغلت

وطارق من الفرحه الى شافها ( اتنطط ) و ( هيثم )

كان مسبهل من الترابط الى بينهم

و ( حرف هجاء ) و ( براءة طفله ) و ( كوين ميرو ) و ( كونتسيه )

بصولهم ودموعهم اتغلبت عليهم من الموقف

والاطفال الى معاهم قعدو يسقفو .

ياله من موقف حزين بالفعل .

ومرة واحدة ظهر مرة تانيه العضو دا وجاى جرى

لـ ( طارق ) وبيقولو .




طارق طارق طارق

انتا ايه الى جايك دلوقتى يا ( واد حبيب )

ايه ياعم مالك انتا بتعيط والا ايه

لالا مفيش بس مبسوط شويه

انا سامع هيصه استنى لما اتفرج

تتفرج ايه انتا اى حاجا شابط كدا فيها فين ام الشاى

ياعم شاى ايه انا شايف احضان اهى هم مين دول

انتا مالك انتا فين الشاى

ياعم انا عملت زى ما قولتلى اخد الاتوبيس من هنا

اه وبعدين

ودانى المطار ياعم طارق انتا بتضحك عليه

ياذكى ماهى فى المطار

بصراحه انا وصلت لحد هناك ونسيت اسم ام الشاى دا

نسيت حد ينسا هو هيجيب ايه

والله نسيت بقا وحيات ابوك اطارق دخلنى انا جبت جاز

اتكل على الله يا ( رمضان ) انزل اركب تانى وهاتلى الشاى وتعاله

ياعم مش هروح وهدخل انتا ايه ياعم انتا مبترحمش




طبعا الصوت على و ( هيثم ) حب يشوف هو فى ايه

فحصل الحوار دا

تعاله يا كابتن ماتعيطش مالك

ياعم مبهدلنى ومش عايز يخلينى احضر الكورس

انتا عضو فى المنتدى

اه ياعم اسمى ( واد حبيب ) افتح وشوف واتاكد

انا اعرفك من غير ما افتح

انتا مين طيب

( هيثم ) الحب الصامت

ايوه صاحب الموقع انتا الى هدخلنى يا ( هيثم )

طيب فى ايه مالك

بعتنى اجيب شاى ( ام على ) وبيقولى مش هدخلك الا بيه

شاى ( ام على )

اه وبيقولى فى شاى بالاسم دا

يابنى ( ام على ) ربنا يرحمها

والنعمه ماحد قالى والا اعرف

طيب بص انزل هات الشاى دا وتعاله بسرعه

ربنا يسعدك يارب هوا وهجيبه واجى ادى الادارى والا بلاش

يله يا ( رمضان ) اتكل على الله




ودلوقتى طارق بيسئل ( هيثم )

هو انتا قولتله ايه نزل جرى كدا

مفيش قولتله اسم الشاى اتغير بقا ( شاى ست الحته )

وطبعا ( رمضان ) نزل تانى عشان واثق فى كلام ( هيثم )

بس على فكرة فى عضوة وصلت دلوقتى حالا

تعالو نشوف هتعمل ايه وهى مين .

السلام عليكم

وعليكم السلام اتفضلى

انا عضوة جديدة فى بنات مصر وجيت احضر الكورس

باين عليكى عضوة جديدة انتى مين

( ايمان طلعت ) عضوة جديدة

طيب مالك يا ( ايمان ) مكسوفه كدا ليه

يعنى اصل اول مره احضر حاجا زى كدا

طيب يا ( ايمان ) اتفضلى ادخلى

طيب اقعد فين والا فى اى مكان

فى اى مكان يا ايمان انا هتشل من هدوءك على فكرة

ههههه معلش اصلى لسه جديدة وكدا

ادخلى يا ايمان ادخلى

طيب معلش اصل معايا ولادى هم ( 3 بس )

( 3 بس ) وفرحانه بيهم وجايه بيهم ماشاء الله عليكى

هو ممنوع اجيب الولاد

لا لا ابدا هو انتى مشوفتيش فى الرساله لما قولت الدعوة عامه

اها اخد بالى

طيب الحمد لله طيب يعنى جيتى بـ ( 3 ولاد ) ومجبتيش زميلهم

والله زعلوعليهم بس ملحوقه المحاضرة الجايه هجبهملك

ايمان ادخلى ادخلى شايفا الجنينه الى فى الاخر قصدى الى قاعدين
فى الاخر هناك

اها شايفاهم

اجرى اقعدى معاهم ادخلى يا ايمان
انا قولت انا استاهل الضرب بالفكرة المنيله دى




ودلوقتى وصل نجم من نجوم المنتدى

وضارب الهاند فرى فى ودانه وجاى لطارق

تعالو نشوف هو مين وهيحصل ايه .

هاااى شباب

اهلا وسهلا

انا ( بحر النسيان ) عضو فى بنات مصر

اهلا بيك خير

انا جاى عشان الكورس

يله يا كابتن من هنا مفيش كورسات

يو باااااد مالك مكشر ليه كدا خليك فريش وعيش اللحظه

يابنى يله اتكل على الله اتفضل اتفضل

نوووو انا هابى هابى هابى انى جيت النهاردة هنا

ياسيدى واحنا كمان اتفضل يله المحاضرة خلصت

طيب ممكن طلب

ياعم خلصنا خير

معاك لبان

يله ياض امشى من هنا لبان ايه عايزها ليه اللبانه دى

اصلى بحب اطرقع هاهاهاهاها

يله ياض يابن ( التيييييت ) من هنا
الله يحرق دى معرفه استغفر الله العظيم




ودلوقتى وصل عضو ومعاه ( 4 صعايدة )

بعت جابهم من البلد ياترى هو مين وهيعمل ايه

فى ( طارق ) دا الى هنعرفه الحلقهه الجايه

واااااااااااااااه يا بووووووووووووووووى