السلام عليكم
طبعا الحلقتين اللي فاتوا فيه ردود فرحتني جداااا فاحب اشكر كل اللي متابع الحلقات
تاني حاجه حلقتنا النهارده هتكون تكمله لحلقة الادارة لما لقت الاقسام بتحصل فيها حاجات غريبه
نبدء الحلقه:
فرقة الادارة سمعت صوت ضرب نار من قسم اليوميات يا تري فيه ايه؟
طلعوا بسرعه لقوا البيج بوص جايب معاه الصعايده علشان سيلفر سبيكترا مش راضي يدخله وعمالين يضربوا في سيلفر سبيكترا وهو يقلهم:لو مبطلتوش ضرب هديكم بنج سنان في اللثه بس كده
وبعدين قام فاتن علي مورشو ان هو اللي بيالف الحلقات دي قاموا مقسمين نفسهم جزءين واحد علي سبيكترا والتاني علي مورشو
المهم يعني الحمدلله الضرب عدا علي خير وطلع مورشو هوا وسيلفر سبيكترا بالمنظر ده
لا وبيقوالوا ايه احنا كويسين احنا كويسين
بعدها بشويه سمعوا صوت دوشه في الهوايات طلعوا يشوفوا فيه ايه
لقوا موري كول عماله تبني حديقة حيوان
وانا وحوراء عالجنب التاني بنجري ورا الحيوانات اللي احنا عاملينها
بعدها بشويه سمعوا صوت زعيق وضرب في قسم النقاش فيه ايه تااااااني
طلعوا يشوفوا لقوا اتنين ماسكين بعض وعمالين يتشاكلوا ولما سالوا ايه السبب؟؟؟؟
واحد قللهمعلشان هو بيحب المحشي ورق العنب ومش مقتنع ان الكرنب احلي
والله؟!
المهم الاتنين دول اتحظروا دلوقتي ومازلنا مش عارفين ايه السبب
بعدها سمعوا صوووت قرءان عالي في القسم الاسلامي
راحوا يقولوا للي مشغله يوطي شويه
لما دخلوا لقوا المكان مليان دخان ولما سالواالمشرفين قاللولهم اصل المنتدي شكله محسود فقلنا نبخره
سمعوا صوت عياط جاي من قسم الفضفه طبعا مرحوش يشوفوا ايه لانه معروف ان كل شويه يسمعوا صوت عياط
سمعوا بعدها بشويه صوت تكسير في قسم الديكور راحوا يشوفوا لقوهم مسكين فازات وكوبايات وعمالين يكسروها بتعملوا كده ليه؟؟؟؟؟
اصل احنا بندرب علي كيفية عمل زجاج الفسفساء علشــــــــ
بس بس خلاص اشتغلوا اشتغلوا
وطبعا فرقة الاداره بقالها فتره مختفيه ولما سالنا هما راحوا فين لقيناهم في مصحه نفسيه
ومش عارفين السبب طبعا احنا برقوقين خالص