[أمواج الرحيل]

العمر بيعدى والسنين بتفوت وحاجات جوانا بتتنسى وبتموت شايفه ياقلبى وسط نبضك آحلام كبيره شايفه أمال بتتنكسر وطموح كتيره شايفه روحى أنا بتتقطع وتموت وقولت أمشى من هنا وأروح للبحر واشكيله ايه اللي جرى للبشر وأيه بقلبى وأحكيله عنى وعن حلمى اللي مات وعن اللي مات جواه ضميره وهنا تبتدى الحكايه لما البحر سمع شكوتى قاللى وهى دى النهايه المى وجرحى ودمعتى هتلاقى ايه وسط البشر .. غير الخداع وكفايه قلبك أنكسر زى قارب له شراع وكفايه حلمك اللي إنداس عليه واتباع طيب يا بحر وأعمل ايه فى دنيتى لا حبيب قريب ولاصديق برفقتى أغلى الناس وحبيبى غدرونى وزادوا المى ومرار جراحى ولوعتى خلاص خليكى هنا جنبى ومتمشيش وطول ما انتى فى حضن موجى فمتخفيش انا ملجأ كل دمعه ألم .. انا ملجأ كل قلب حزين خلاص يابحر معدش ليا حد غيرك يضمنى انا هو بين ايديك خلى موجك يلفنى عايزه اغرق بين سكونك القى حلم يضمنى عايزه اهرب من حياتى القى أمل يشدنى القى عالم غير الناس فى قلبهم بحور احساس عايزه ادمر كل حزن عايزه أعيش من غير عذاب عايزه عالم مش انانى عايزه عالم ليه قلب يمكن جواك ضلمه بس مش زى سواد الناس يمكن خوف وبرد فيك بس مش زى الناس بس أأقلها هلاقى حد يحسنى قبل ما عمرى يفوت هذيان قلم باكى

[/align][/color][/size][/font][/cell][/tabletext][/align]