خلينا نشوف الصور بنظرة تانية
كوميدية ساخرة
*******************
وانا مين أَدِّي يا أَرْض اتْهَدِّي
باكُل نُصّ رْغِيفْ مِ الْبَلَدِي
والعب في الطين على كيف كيفي
واوْعُوا تْقُولوا لْتِيتَةْ وْجِدِّي
وابْنِي لْنَفْسي قْصُورْ في خيالي
واصنع فَرْحِةْ عمري بْيَدِّي
راضية بعيشتي وبحْمِدْ ربي
والرضا هو السِّرْ فْ سَعْدِي
،،،،،،،،،،،،،،،،،،،،،،
وهنا بنظرة تانية
إوْعَى يا شاطر حاسب وِشَّكْ
مش راح أجاملك ولا راح اغِشَّكْ
تِخْطَفْ مِني رْغِيفِي وتِجْري
وحْياةْ أُمِّي أَنُطْ فْ كِرْشَكْ
،،،،،،،،،،،،،،،،،،،،،،،،
عهد عليا امسك على ديني
بين ربنا سبحانه وبيني
عارف إني كإني ف إيدي
جمرة نار والعة بتكويني
بس هحافظ أنا على عهدي
علشان رب الكون يرضيني
،،،،،،،،،،،،،،،،،،،،،،،
هربان م العصفورة مراتي
اللي بتقسى عليا يُوماتي
ألْقَى المَطَرةْ تْرُخّْ عَلَيَّا ؟
مَنْتِي مُؤَنَّثْ زَيّ مْراتي
كَرَّهْتُوني فْ عيشتي يا عالم
وبقيت أكره حتى حياتي
رُخِّي انْشَالله تْرُخِّي لْبُكْرَةْ
مش منقول من هنا ياخواتي
،،،،،،،،،،،،،،،،،،،،،،
بسْ يا سَيِّد إنْت وهوَّهْ
طَبْ ثانيةْ أَخَبِّيكُمْ جُوَّهْ
علشان تضربوا بعض كويس
يالله تمام وَرُّونِي القوة
،،،،،،،،،،،،،،،،،،،،،
خايف حتى أَقَرَّبْ مِنَّكْ
يخرب بيتك هَبْعِدْ عنك
أنا منحوس ممكن من حظي
يطلع فجأة بْلُؤْمَكْ جِنَّكْ
أو تِرْجَعْ رُوحَك من تاني
أو تِطْلَعْ لِي النَّار مِن وِدْنَكْ
******************
تحيتي
أحمـــ الجمل ـــد