[فتحى عيسى]

مخفش علي قلبي ليه ...
هو أنا شاريه من سوق الغورية ...
ولا راهنت عليه ...
وكسبته من وليه ...
ولا من جيراني استلفتة ...
أعمللي بيه وردية ...
ده هوه اللي فيا ... لساه برئ ...
والباقي طلع مش ليا ...
هو بس الصديق ...
هو بس الهدية ...
عايش كأنه مفيش ...
عادي كل مافي الكون ...
حلو وحش عادي ...
شغال عداده ...
تمللي ع الفاضي ...
رايح جي مش مشغول بقضيه ...
أنا فيه صحيح بس هو مش فيا ...
بئراه بعيون جريح ...
وبيئراني ضحية ...
كل مقرب ...
يقولي أبعد مش ناقصه الأسية ...
كواني ليلك ...
ونهارك مخلاش فيا ...
إستوينا من المليانة والفارغة ...
أتهد حيلنا من اللوع ...
وكدب الجدع ...
والبت والوليه ...
ارحم نفسك وعيش ...
حبة بدون أذية ...
منتاش بعدك تلميذ ...
أنت عديت ...
في الحب المية ...
أقوله حرام ...
أشتقت لليلة هنية ...
لصحبة وردة دفيانة ...
وضمة حنية ...
الوحدة قتلتني ...
دبحتني انفاس الضلمة ...
وشمعتي المطفية ...
يقولي روح نام ...
عندنا شغل ...
الفجرية ...
فتحي عيسي