مفكش حاجة غلط ولا صح _ حصري _ خايف منك ...
لاء مش خايف ...
أنا مرعوب ...
كلك علي بعضك ...
تهوس تجنن ...
تجيب الضغط والسكر ...
والحول للقلوب ...
مفكش حاجة غلط ...
ولا صح ...
العدل فيك مقلوب ...
حلاوتك زبدة سايحة ...
مبتخلصش ...
ولا بتدوب ...
وطعامتك ...
سكرها زيادة ...
وخفة دمك ...
عسل مسكوب ...
وشقاوتك ...
عايزة جبله ...
قفاه ...
مبيزعلش ...
ولا بيتوب ...
طب أجاريك إزاي ...
لاء ياعم روح ...
أنت معمل جروح ...
وبستان غش ...
وسكتك ...
مضروبة ميت وش ...
وأنا لساني ...
في المقدر جديد ...
لا أعرف أهش ...
ولا أنش ...
ولا أحدف نفسي ...
بالطوب ... فتحي عيسي
الرياض
فجر الجمعه
17-1-2014
|