منذ /01-19-2014, 01:05 PM
|
#1 |
| شهيد الغرام شهيد الغرام
قولى ايه حكايتك معايا
فى الصبح والمسا ماشى ورايا
لو أطنش تتجنن وتقول كفايه
يابنى ريح نفسك ماتتعب حالك معايا
كل يوم ترمى لى ورده بالبلكونه
إشى احمر وإشى فل وريحانه
ولاقى معاهم رساله
ارحمينى وأرمى نظره أو ابتسامه
يابنى ارحم نفسك كفايه
مفيش فايده أصل الحب
مش برساله وكام ورده
أنت اخرك تقف على ناصيه
تعاكس الرايحه والجايه
ترمى لدى كلمه ولدى نظره
إكبر بقى وأعرف بتكلم مين
أصل الرومانسيه مش أى واحده
أنا الى يملكنى راجل لسه ماتوالدش
وصعب تلاقيه فى الزمان ده
أنا عايزه راجل أبقى دنيته
أخته وحبيبته وعشيقته وعزوته
أصل الكلام معاك بدون فايده
ياصغنن بدرى عليك تفهمه
أصل الرجوله مش كلمه والسلام
تبكى وتنوح ورايا وتقول شهيد الغرام
صعبت عليه ياعينى عليك يا حرام
يابنى افهم دى الرجوله أنساب
يعنى مش بلطجه وكسر شباب وباب
وفر عليك الورد ورسايل الغرام
وبطل تقف تحت البلكونه وتقول حرام
كلمة منى وبقولها والسلام
يابنى الحب احساس مش كلام
بقلمى الخاص/ شاعرة الرومانسيه |
|
التعديل الأخير تم بواسطة شاعرة الرومانسيه ; 01-19-2014 الساعة 01:15 PM |
| |